 | | |
| | |
|
Spaces home  UNHA GRANDE CHEA (Cambad...PhotosProfileFriendsMore |  Tools   |
UNHA GRANDE CHEA (Cambados - Galiza)FALTAN 27 DÍAS PARA O ALBARIÑO............O noso fotolog : http://www.fotolog.com/unhagrandechea1 está adicado a Lino Silva
|
|||||||||||||||||||||||||||||||||||||||||||
AS NOSAS ACTIVIDADES
GOGUE PRESENTOU O SEU LIBRO EN CAMBADOSCambados 5 de Xullo de 2008
GOGUE E FLOREANO ESTIVERON EN CAMBADOS
LUIS REI INFORMOUNOS DA ASCENDENCIA CAMBADESA DE GOGUE
UNHA GRANDE CHEA ESTIVO NA PRESENTACIÓN DO LIBRO.
A portada do libro, o reverso e os membros de Unha Grande Chea posando con Gogue.
Onte presentou en Cambados o seu libro Gogue, este grovense internacional que todos los dias nos fai rir dende as paxinas de Faro de Vigo. O presentación foi realmente sensacional, estivo a cargo de dous grandes amigos seus Benito Leiro e Luis Rei. Comezou falando Luis Rei quen como sempre, o "chalequeiro" de Unha Grande Chea, ilustrou de xeito maxistral os alí presentes sobre da figura e obra de Gogue, a aínda fixo rir os presentes en bastantes intres da súa disertación.
O Secretario de Unha Grande Chea, Chon esperando a que Gogue lle escriba a súa adicatoria, e por último os intervientes na presentación do libro, Luis Rei, Gogue, Benito Leiro e Moncho Argibay
Enterármonos, polo menos nós, que pola venas de Gogue corre sangue cambadesa xa que o seu pai era natural de Cambados, casou no Grove e alí naceu Gogue, que un estudante en Dakota fixo a súa tese doutoral sobre a obra de Gogue etc. Logo tomou a palabra Benito Leiro quen falou sobre da traxectoria profesional de Gogue e por ultimo tomou a palabra o propio Gogue quen emocionado deu as grazas os alí presentes. Unha Grande Chea tamén tivo alí os seus representes, a así asistiron o acto Susa, Hadrián e Chon quen posaron co artista. Xi xa admirabamos a Gogue, dende admimrolo moito máis. Ah, por certo, o libro paga a pena compralo e cara o Alvariño deixamosvos coa derradeira viñeta do mesmo que ven valdría como lema nalgunha das camisetas deste ano. A presentación correu a cargo de Moncho Argibay en representación das librarias Contos, Castelao e Cabanillas.
------------------------------------------------------------ Cambados 5 de xullo de 2008. OS PAPAMOSCAS VOLTAN A SAN BIEITO DA MAN DA ASOCIACIÓN OBRADOIRO "VOLANDEIRA" PRESENTADOS ONTE NA PRAZA DE FEFIÑANS
Os danzantes de cobas e un dos papamoscas no ano 40, duas fotos de onte da Voz de do Diario de Arousa, dos novos papamoscas.
Vecinos e turistas víronse onte sorprendidos cando en plena praza de Fefiñáns apareceron dous bonecos xigantes, acompañados dun grupo de gaiteiros. E é que nin sequera moitos aldeáns acórdanse dos papamoscas, os cabezudos que acompañaban a imaxe de San Benito na súa procesión. Contan na asociación Obradoiro Volandeira, que se encargaron de elaborar estes bonecos, que das festas do San Benito desapareceron fai máis de 45 anos. Por iso os responsables desta agrupación pediron, axuda institucional para permitir que estes xigantes volvesen lucir todos os 11 de xullo, cando Cambados celebra unha das súas festas máis importantes.
Encargoronse de adquirir as enormes cabezas destes bonecos, que foron elaboradas nun taller de fallas de Valencia. E os mozos de Volandeira puxéronse ao choio para confeccionar, con todo luxo de detalles, os traxes e o armazón destas criaturas. Tres semanas levoulles coser saias e pantalóns, pendentes e camisas. Foron tan detallistas que ata coseron un a un os flocos do pano que leva a moza. Non resulta fácil, explican, atopar tea con floco de tales dimensións.
Mar Martinez e Manuel Rial (no foto con Montse que pertence as duas asociaicóns Unha Grande Chea e Volandeira) foron os que dirixiron os seus cara a consecución destes papamocas. Os integrantes de Volandeira coidaron ata o último detalle na recuperación desta tradición. Informáronse de que, por exemplo, á moza coñecíalla en Cambados como Petra , pois contan que se parecía a unha señora de Corrubedo que todos os ano traía unha atraccións á festa cambadesa. Ao home, en cambio, bautizárono como Benito, xa que ninguén recorda como se lle chamaba outrora. A asociación preparou tamén a presentación con todo luxo de detalles. Fixo que os papamoscas saísen do palacio, como se facía entón, e que fosen acompañados dun grupo de gaiteiros. Así percorreron durante un intre a praza de Fefiñáns. Os que llo perderon deben saber que poderán volver ver estes papamoscas o próximo 11 de xullo. Durante as festas do San Benito percorrerán as rúas pola mañá e participarán na procesión pola tarde. Os novos bonecos en cifras. Moitos poden pensar que esta celebración é completamente pagá, pero en Volandeira aseguran que non. «Naceron para engrandecer o divino», explica Manuel Rial , integrante de Volandeira. Eran típicos dos festexos en toda Galicia, pero en Cambados tiñan un nome especial. Chamaronlle papamoscas porque abrían e pechaban a mandíbula mentres desfilaban. Os que agora elaboraron estes mozos miden 3,60 metros de altura e pesan, cada un, ao redor de vinte quilos. De sacalos á rúa encargaranse tamén os de Volandeira. Unha persoa situarase baixo a roupaxe, pero outras deberán axudalo a guiarse polas rúas do municipio. Así polo menos explicouno onte a presidenta da asociación, Mar Martinez . Ao final, a presentación acabou converténdose en toda unha festa. á mesma acudiron numerosos veciños e integrantes de Volandeira. Os presentes arrincáronse a bailar ao ritmo das gaitas e demostraron que de tradición saben o seu. Felicidades por esta iniciativa que, seguro, encantará a todos os veciños. Texto: Maruxa Alfonso. ------------------------------------------------------------ Cambados 5 de xullo do 2008. ACTO DO BNG EN CAMBADOS INVITAN OS CAMBADESES A UNHA CHARLA INFORMATIVA SOBRE O DIA DA PATRIA O ACTO TERÁ LUGAR EN EXPOSALNÉS
Victor Caamaño, Montse Prado e Alfredo Suárez Canal quenes falaran no acto.
------------------------------------------------------------ Cambaados, 5 de Xullo do 2008. 100.OOO VISITAS CHOURIZO FILMS UN RECORD SEN PROCEDENTES NA BISBARRA O SEU CURTO "NO VOLVERÉ" ACADOU ESA CIFRA
Non por esperado non deixa de ser sorprendente, o curto “NO VOLVERÉ” de produtora cambadesa Chourizo Films acadou as 100.000 visitas que como sabedes en you tube son moitas porque a recoñecer a IP do ordenador si repites para ver novamente o film só che conta unha vez. Din os nosos colegas no seu fotolog www.fotolog.com/chourizofilms que non saben o motivo de tantas visitas pero que teñen entradas de Chile, México, California, Arkansas, Brasil etc. Danos as gracias a todos os que visitamos o film incluíndo aos que pensan que estan todo o día pinchando nos vídeos para acordar maior repercusión. Nos dámoslle os nosos parabéns a Chourizo Films e para os poucos que aínda non o virades aquí o tedes novamente:
------------------------------------------------------------ O MES DE XULLO É O MES DE GALIZA, PARTICIPA NOS ACTOS QUE HONRAN O TEU PAÍSCambados 4 de xullo de 2008
AS REVENIDAS 2008
"TODO UN ESPECTÁCULO"
As Revenidas cada ano que pasa van adquirindo unha forza e fama moi merecidas, é toda grazas os homes e mulleres de Vilaxoan e en espacial a Asociación Cultural Repicocha, este ano téñennos preparado o seguinte programa: Día 18 de xullo: As 22.30 horas no escenario Caixagalicia actuación de ATAQUE ESCAMPE, CAPITÁN SINHO, SON DO GALPOM, ARPIONI, GALEGOZ e MARCOS PAYNO.
Ataque Escampe, Som do Galpóm, Arpioni e Galegoz Día 19 de xullo: A partir das 12 horas alborada a cargo dos XIRIFEIROS. A partir das 14 horas chupinaso e sardiñada popular Revenidas. A partir das 16 horas, animación , zancudos, monociclistas, percusión, malavares, e música a cargo de OS TERRIBLES DE AROUSA e PETER PUNK
Os Xirifieiros. Os Terribles de Arousa e Pieter Punk . A partir das 20.30 horas sardiña popular Revenidas, e no escenario Revenidas actuación de TITERES ALAKRAN e a actuación especial de TINO BAZ.
Titeres Alakran e Tino Baz
E xa a partir das 22.30 horas e no escenario Caixagalicia actuación de SERRA-LHE-AI, CAPITÁN SINHO, O SONORO MAXIN, CHE SUDAKA, e O INFANTE TERRIBLE.
Ademais máis actividades, acampada, buses, todo de balde.
Serra-Lhe-Ai, Sonoro Maxin e Che Sudaka
------------------------------------------------------------
Cambados 4 de Xullo de 2008
PEREIRO = PERERO
A veces “paseando polos fotologs cambadeses atopaste cousas moi interesantes, concretamente no de www.fotolog.com/bullock84 vemos unha foto de Pereiro o revés e nos enteramos que este elemento, este personaxiño ven de asinar o manifesto promovido polos entes fascistoides españois e que prepara o famoso director dun peridico mundano que facia o amor cun corsé e non precisamente coa súa colorida muller, un manifesto claramente contrario as linguas galega, vasca e catalá .Pola parte que nos toca queda desterrado da nosa páxina web. Oscar Pereiro nunha entrevista a Vieiros que non ten desperdicio, é un cúmulo de contradicións, podedes lela na seguinte ligazón http://www.vieiros.com/nova/67602/non-estou-de-acordo-con-que-nos-colexios-sexa-obrigatorio-o-uso-do-galego , chega a dicir que non está de acordo en que nos colexios sexa obrigatorio o uso do galego, incluso Chourizo Films, coa relavancia que ten este colectivo chega a pedir a retirada do maillot de Pereiro do Pub a Leria , apoiamos esta moción tamén. Non sabe este elemento que o idioma que está en perigo é o galego, non sabe que na prensa uso do galego sendo optimistas non pasa do 10%, que na administración de xustiza non chega o 3%, que nos rexistros da Propiedade e Notarias non chega o 1% , ou que só o 35% dos nosos mozos falan en galego etc. etc.. Pereiro non mereces ser galego, de agora endiente imoche castelanizar o teu nome e rebautizamote como “PERERO”.
------------------------------------------------------------
Cambados 3 de xullo de 2008
¿CANDO NOS DARÁN A COÑECER AS ACTUACIÓNS DO ALBARIÑO?
DE MOMENTO ALIS E DE LUXE E DOS UNICOS QUE SE SABE ALGO.
A estas alturas o ano pasado xa se coñecían as actuacións do Albariño, e pensabamos que era tarde porque estabamos en ano electoral o al menos esa era a exucsa do concello, pero resulta que este ano estamos xa en xullo e só coñecemos unha das actuacións e non de xeito oficial aínda que si xa consta na súa páxina web www.alismusic.com , a actuación de Alis máis Deluxe. Alis este ano actuará tamén en moitos concertos como artista invitado de Amaral. Pero ¿que pasa cos outros días?, e imposible que a estas alturas de tempada non teñan contratados os artistas que van actuar no Albariño. ¿Por que nos dan a coñecer?. ¿Levarán a cabo a nosa famosa idea de darlle un días os grupos cambadeses? en fin esperemos que nos despexen todas estás dúbidas en breve.
------------------------------------------------------------
Cambados 3 de Xullo de 2008
UNHA GRANDE CHEA NON PODE IR AS REVENIDAS
POR RAZONS PERSONAIS INAPRAZABLES TEMOS QUE SUSPENDER A ACTUACÓN
PEDIMOS PERDÓN A ORGANIZACIÓN E DESEXAMOSLLE MOITOS ÉXITOS.
Dende logo os días 18 e 19 de xullo, toda aquel que pertenza o Planeta Arousa, non se pode nin debe aburrir porque ten unha cita en Vilaxoán. O programa amplísimo en todos os sentidos incluídos o culinario con máis de mil quilos de sardiña para xantar gratuitamente e non digamos nada do musical que puídechevos ver todos na prensa. Nos desafortunadamente , pese a estar invitados pola organización para actuar , por razóns persoais inaprazables non podemos acudir, xa lle presentamos as nosas escusas a organización, a cal dexémoslle moitos éxitos no evento que de seguro que o van ter.
------------------------------------------------------------
Cambados 3 de Xullo de 2008
NIN COMISIÓN NI REUNIÓN, UNHA SIMPLE CHARLA INFORMATIVA
O PP INCUMPRE UN ACORDO PLENARIO TOMADO POR UNANIMIDADE
PESE A TODO D. RAMÓN CABANILLAS ESTA POR RIBA "POLITIQUEOS BARATOS".
As 20.30 horas no Salón de Plenos do Concello de Cambados tivo lugar unha reunión entre a Comisión de Cultura do Concello de Cambados e algunhas das asociacións cambadesas, presidía a reunión a Concelleira de Cultura Anabel Carro, a cal nun perfecto castelán explicou por encima en que vai consistir o Ano Cabanillas, logo Luis Rei, o home que máis sabe de Cabanillas, explicou polo miúdo en que van consistir os actos e como poden participar as asociacións nos mesmos.
Ata aquí todo máis ou menos ben, pero o pleno de Novembro de 2007 quedou sen cumprir, lembramos o que dicía a periodista da Voz presente naquel pleno o 11/11/2007, Maruxa Alfonso: """...O remate foi o socialista Domingo Tabuyo o que propuxo unha decisión salomónica. «Podemos crear una comisión organizadora, con todos os representantes da sociedade, e unha máis executiva», afirmou E esta foi a proposta que tamén triunfou entre os presentes. Así, a comisión de Cultura encargarase de tomar todas as decisións e, periodicamente, reunirase con todas as asociacións que queiran colaborar nos festexos...""". Isto que dicía Maruxa e que se acordou no pleno non ten nada que ver coa "REUNIÓN" de onte que foi somentes iso , unha mera charla informativa e non unha Comisión Organizadora como se acordou no pleno. Non é que queiramos aguar a festa pero Touris e Anabel non cumpriron nin pensan cumprir o acordado plenario. Algo terán que dicir os demais partidos políticos o respecto. O remate da reunión un membro de Unha Grande Chea preguntoulle a concelleira que era isto unha reunión ou a constitución dunha comisión a resposta de Anabel foi "...isto é unha comisión-reunión...", vaia híbrido, non isto non é Sra. Concelleira nin unha Comisión nin unha reunión, isto é unha simple charla informativa. Si estivera Don Ramón no Salón de Plenos diríalle a Anabel aquela frase do seu poema "Amor de Neno" que dicía: "Non finxas o que non sintes, porque non hai quen cho crea". Por certo no Diario de Arousa de hoxe podemos ler esta frase textual: "...La concejala convocará nuevamente a todos las asociaciones en el momento en el que disponga de un programa definitivo y a medida en que las gestiones que está realizando fructifiquen...", temolle que decir os nosos amigos de Diario de Arousa que esto non é verdade, é mais o Concelleira de Cultura dixo que non se volveria a convocar porque é moi díficil reunir a todos. Pero pese a incumprimentos plenarios D. Ramón esta por riba de todo isto e entre todos témolle que facer un bo ano. ------------------------------------------------------------
Cambados, 2 de Xullo do 2008
O RIF-ROCK, UN DOS PUBS MÁIS EMBLEMÁTICOS DE CAMBADOS CUMPRE NOVE ANOS
Hoxe 2 de Xullo o RiF-Rock cumpre 9 anos de vida. Un venres 2 de xulllo de 1999 abría as súas portas na Rúa Infantas de Cambados, segundo os donos sen saber moi ben o que estaban a facer , pero nos engadimos que están a facer unha boa labor social e cultural aparte de lúdica e que continuen por moitos anos. Invitanos a tomar unha copa a súa saude, pero as celebracións oficias deixanas para finais do verán. !!!Felicidades Rifeños¡¡¡ NOVA XENTILEZA DE
------------------------------------------------------------ NOVA CONVOCATORIA DO CONCELLOCULTURA CONVOCA NOVAMENTE A UNHA GRANDE CHEA
E AS DEMAIS ASOCIACIÓNS DE CAMBADOS
A CONSTITUCIÓN DA COMISIÓN "ANO CABANILLAS"
A comisión de Cultura do Concello de Cambados, convocou a Unha Grande Chea a unha xuntanza que está prevista para mañá no Salón de Plenos do Concello de Cambados, ás 20.30 horas. Polo pouco que sabemos é para cumplir un acordo plenario do Concello de Cambados do ano 2007 que acordado a unha creación dunha Comisión Mixta para a organización de Ano Cabanillas 2009. Falando con outras asociacións culturais o mediodia algunha ainda non recibirá a invitación.
NOVA XENTILEZA DE:
------------------------------------------------------------
GOGUE PRESENTA O SEU LIBRO
"HISTORIAS FLOREÁNICAS"
ACTÚAN COMO MESTRES DE CEREMONIA BENITO LEIRO E LUIS REY
Luis Rei, Benito Leiro, Gogue e a portada do libro.
O vindeiro venres 4 de xullo ás 21 horas e no Salón de actos de Exposalnés presentación do libro "Historias Floreánicas" do caricaturista grovense Gogue. Presentarán o acto o Xefe de Prensa do Concello Benito Leiro e historiador Luis Rei. E por suposto tamén falara no acto Gogue. Organizan o acto as librerías Contos - Castelao e Cabanillas. NOVA XENTILEZA DE:
------------------------------------------------------------ PRESENTACIÓN DA EMPRESA CAMBADESA "A TRAIÑA SELECCIÓN GASTRONÓMICA" Esta empresa dirixida por Chicha Rodríguez Vieites e Alfonso Cordal Rodríguez, comenzou a súa andadura hai aproximadamente 7 meses; aínda que existe na longa carreira familiar, dende máis de 3 xeracións. As labores comerciais dos noso antecesores, comenzaron só con peixe; máis tarde engadiuse o marisco ao noso catálogo. A continuación foron o viño e a augardente os protagonistas. Agora a estrela é a grandeza da nosa gastronomía na súa totalidade. NOVA XENTILEZA DE:
------------------------------------------------------------
Ao longo do mes de xullo, as nenas e nenos de entre 4 e 12 anos poderan interectuar coas Novas Tecnoloxías.
A iniciativa da Rede de Dinamización da Sociedade da Información do PEGSI (Plano Estratéxico Galego da Sociedade da Información da Dirección Xeral de Promoción Industrial e da Sociedade da Información) é unha das estratexias fundamentais para o desenvolvemento das políticas de inclusión na S.I. e o desenvolvemento rural. A Rede de Dinamización da Sociedade da Información axudará a levar a cabo actuacións relacionadas co desenvolvemento da actividade económica, empresarial e da implantación dos servizos electrónicos, titorizando a cidadanía con maiores dificultades e proporcionándolles os medios e ferramentas necesarios para poder formar parte activa da Sociedade da Información. A Rede conta con 100 dinamizadores e dinamizadoras, espallados pola xeografía galega en diferentes entidades, que desenvolven charlas, obradoiros e cursos de alfabetización dixital e outros de moi variada temática, adaptándose ás diferentes necesidades dos colectivos sociais tales como mulleres, persoas maiores, persoas con discapacidade, xuventude, asociacións e empresas. As nenas e os nenos, cada vez a unha idade máis temperá, achéganse ao ordenador coa mesma curiosidade que ao mundo real, ben sexa para xogar, navegar, conversar etc. Aproveitando as vacacións de verán, a Rede de Dinamización da Sociedade da Información, realiza 2 obradoiros, os cales están encamiñados a mostrar o contido dun espazo como é a Internet, onde a aprendizaxe se combina coa diversión e o entretemento.
Ao longo do mes de xullo, os martes e o xoves en horario de 11:00 a 12:00 o primeiro grupo e de 12:00 a 13:00 o segundo grupo terán ocasión de familiarizarse un pouco máis co ordenador e a internet.
Os grupos dividironse en función da idade das e dos participantes. Así os máis pequenos (ata 7 anos) interectuaran entre eles e co ordenador mediante xogos educativos en software libre. Pola súa parte, os maiores (entre 7 e 12 anos) faran un traballo colaborativo, onde ademais de traballar en grupo terán que empregar distintas ferramentas ofimáticas e internet: software específico para a elaboración de presentacións dinámicas, google, descarga de música legal...
Prévese unha alta participación xa que o número de nenas e nenos anotados ascende a corenta e seis.
Datos de contacto:
Alberto Fandiño Mariño
Eliana Bouzas Collazo
Rede de Dinamización da Sociedade da Información
Centro Comarcal do Salnés
Tlf.: 986 52 60 13
Fax: 986 54 33 66
http://dinamiza.sociedadedainformacion.eu/centros/index.php?idc=77
NOVA XENTILEZA DE:
------------------------------------------------------------ O CONCELLO NON ACERTOUEQUIVOCOUSE O CONCELLO O POÑER A PANTALLA NA PRAZA DO CONCELLO.
APENAS HABÍA XENTE MIRANDO O PARTIDO.
A IDEA ACERTADA SERÍA A PRAZA DE ALFREDO BRAÑAS.
A PÁXINA DO CAMBADOS www.clubjuventudcambados.cl.tf FIXO UNHA REPORTAXE DE COMO PASARON OS CAMBADESES NA LERIA, BAR SILVA E BAR GERMAN
Os nosos rexidores locais puxeron unha pantalla para os cambadeses poidaran presenciar o final do Campeonato de Europa do futbol, nun sito donde lle daba o sol e apenas se apreciaba. Apenas houbo afluencia de público, o sitio ideal sen lugar a dúbidas seria a Praza de Alfredo Brañas donde a sombra dos edificios faria que a pantalla se virá perfectamente.
De todolos xeitos, houbo outros sitios onde os cambadeses o pasaron ben e na páxina do Club Juventud Cambados www.clubjuventudcambados.cl.tf podedes ver un ampla reportaxe fotográfica de que como viviron o partido os cambadeses en tres establecementos emblemáticos , o Pub a Leria, o Bar German e o Bar Silva.
NOVA XENTILEZA DE:
TABUYO TAMÉN SE MOVE PARA CONSEGUIR FINANCIACIÓN PARA O ANO CABANILLASDOMINGO TABUYO CONSEGUE UNHA IMPORTANTE FINANCIACIÓN PARA O ANO CABANILLAS
O DEPUTADO CAMBADÉS LOGROU O APOIO DA SOCIEDADE ESTATAL DE CONMEMORACIÓNS CULTURAIS O deputado e concelleiro do PSOE en Cambados, Domingo Tabuyo, reuniuse a pasada semana co presidente da Sociedade Estatal de Conmemoracións Culturais, José Luis García Velasco, para exporlle o proxecto que o municipio pretende pór en marcha durante o próximo Ano Cabanillas, que se celebrará no 2009. O cambadés aproveitou o encontro para solicitar a colaboración desta institución na organización dos festexos cos que se celebrará o aniversario da morte do poeta. Segundo explica o propio Tabuyo, García Velasco mostrou a súa boa disposición e o seu compromiso a colaborar e participar en varias das actividades que se organizarán o próximo ano. En concreto, estivo de acordo en financiar todo o relacionado con seminarios, exposicións, publicacións e cun congreso de poesía. Actos todos eles que figuran no borrador elaborado polo académico Francisco Fernández Rei e polo técnico municipal, Luis Rei, encargados de organizar os festexos. NOVA XENTILEZA DE
------------------------------------------------------------
PARA VER MÁIS ENTRADAS NON TES MÁIS QUE PREMER DONDE PON "VER MÁS ENTRADAS" (ARRIBA A DEREITA) OU ESCOLLER O MES DONDE PENSAS QUE SAEU A NOVA E PREMES NEL (abaixo donde pon "o que levamos publicado") | |||||||||||||||||||||||||||||||||||||||||||
Invite as friend
