O "CONTRABANDO" E A REVISTA "A CALCADA" XA ESTÁN NA RÚA

(Donativo 1 €)

A revista "A CALCADA" e o "CONTRABANDO", xa están na rúa, podes adquirila dirixíndote a calquer directivo ou membro da Asociación polo "Donativo 1 €". Na revista pódense ver os nosos políticos con poses eurovisivas cantando todos en "Cheavisión" , Montse Prado, Luis Aragunde, Roque Durán, Anabel Carro, Touris e gogos, os tres edís do BNG en Cambados, Domingo Tabuyo e Pepe Daporta e Raphael Louzán, todos eles dignos de ver. No "contrabando" o noso alcalde dinos que os cambadeses non facemos nada  e que todo nos fixeron os de foro, así como que non entende a nosa "jerga" coloquial para comunicarnos.

-----------------------------------------

Coma sempre temos que agradecer os medios de prensa arousáns "La Voz de Galicia", "Faro de Vigo" e "Diario de Arousa", o tratamento e divulgación que fixeron do noso programa de actos, dando tamén publicidade os entidades que colaboran con nos neste caso unha entidade privada como é Discoteca Zao. Tamén nesta ocasión témolle que agradecer a Tele Salnés Barbanza  que hoxe mesmo sen ir máis lonxe vainos vir gravar para un especial que están a facer do Entroido en Arousa.  Temos todo en marcha e en especial "Cheavisión" en Discoteca Zao o vindeiro venres onde todos estades invitados a participar na festa.

EMPRESAS QUE QUEIRAN FACER PUBLICIDADE:

Dende aquí queremos facer chegar que si algunha empresa quere colaborar no pago do palco do martes de entroido  non ten máis que dirixirse a nos, en pago fariamos publicidade  da mesma en pleno escenario.

     XOCAS NOS ENSAIOS

NEVE EN CAMBADOS 

"Cambados nevado, dende a Pastora".(Preme na foto para vela ampliada.)

O outro día puxemos no noso fotolog a fotografía que vedes arriba obra de Adela Leiro, e nada máis poñela , o noso amigo, colaborador e membro que foi de Unha Grande Chea, Xaime Pillado fíxonos chegar as seguintes co texto que as describe.

Fotos de Xaime Pillado.(Preme nas fotos para velas ampliadas)

A última vez que nevou en Cambados foi o 14 de xaneiro do ano 87. As palmeiras do recheo eran pequenas, non había estación de autobuses, non estaba acabado o edificio de Montblanc, o parque infantil estaba na rotonda actual. Grazas Xaime.

-----------------------------------------

O ESPAZO DE ANGEL CAMBADOS http://4ngelct.spaces.live.com/

O noso amigo e colaborador Angel Cambados Tirado acaba de iniciar tamén a súa travesía pola rede  cambadesa de Internet en solitario, e agora tamén podemos ver as súas opinións, os seus artigos e as súas afeccións en http://4ngelct.spaces.live.com/ . Pégalle unha pasada que paga a veno velo.

-----------------------------------------

INFORMACIÓN ELECTORAL

Dende hoxe e ata o día de reflexión iremos publicando neste páxina todos os mitins e actos electorais que os partidos nos vaian comunicando o noso correo unhagrandechea@hotmail.com e resaltamos isto, porque cando dicimos todos son TODOS, a única premisa que teñen que cumprir e que nolo remitan con certa antelación. Despois que non nos reprochen que publicamos uns si e outros non.

ACTO PÚBLICO EN CATOIRA O XOVES DÍA 31

O xoves día 31 ás 20:30h. no Centro Social de Oeste (parroquia de Santa Baia),  Nando Casal (portavoz municipal), Duarte Correa (Responsábel-portavoz Comarcal do BNG) e Teresa Táboas (membro do Consello Nacional do BNG e Conselleira de Vivenda e Solo).

-----------------------------------------

I LIGA DE INVERNO DE TENIS

www.teniscambados.cjb.net
O Clube de Tenis de Cambados organiza a I Liga de Inverno de Tenis, que se celebrará nas pistas d'O Pombal todos os fins de semana de Febreiro ate Abril. Poderán participar todos os afeccionados a este deporte da comarca, sendo socios ou non de dito clube.
Os prezos son:
Socios : Menores 5€ e Maiores 10€
Non socios: Menores 20€ Maiores 25€.
Os interesados deberán chamar antes das 14 horas do día 30 de Xaneiro aos números 670 06 19 ou 659 29 94 09; ou contactar por medio do correo-e a teniscambados@gmail.com
Colabora o Concello de Cambados.
Óscar Pardo-Planas, voceiro.

-----------------------------------------

MILLADOIRO EN BARCELONA

Milladoiro (Preme na foto para vela ampliada)

O Grupo Milladoiro dara un concerto o vindeiro 5 de Febreiro en Barcelona, no Palau da Musica dentro do IX Festival del mil.lenni.  Máis información en
http://www.festivalmillenni.com/cat/conciertos.asp     
http://www.milladoiro.com/Paxp.htm.

-----------------------------------------

  CAMBADOS B - ARMENTEIRA (SUSPENDIDO)

Cambados B (Preme na foto para vela ampliada.)

Onte os rapaces do Cambados B e cando mellor estaban a xogar, suspenderolle o partido. O  colexiado cando un xogador suplente do equipo contrario fixo ademán de agredir o mesmo. O entrenador contrario sin que ninguen lle dixera nada mandou que os seus xogadores se ducharan cando ambolos dous delegados dos equipos estaban a falar co arbitro sobre o que pretencia facer. Cando os tres chegaron a un acordo de continuar o partido o Armenteira xa estaban de roupa de rúa. Unha artimaña do entrenador que non lle vai valer para nada. O resultado no intre da suspensión, minuto 65 de encontro era 2-0 a prol do Cambados B. Máis deporte e menos artimañas.

-----------------------------------------

  http://es.youtube.com/papigil 

PRESENTANOS EN TEXTO E VIDEO A LENDA DE SAN ERO 

Rei Afonso X cóntanos na Cantiga a Santa María número 103 o milagre acontecido ao nobre Ero, señor e despois abade do Mosteiro de Armenteira. A lenda pertence ao ciclo celta dos contos sobre o Paraíso, conservados nas tradicións orais de Bretaña, Cornualles, Gales, GALICIA e Irlanda.
A lenda de San Ero de Armenteira relaciónase tamén coas do abade Virila ( Navarra ) e o monxe de Heisterbach. É un clásico teolóxico dos goces da eternidade que tivo unha ampla repercusión literaria no mundo occidental, coma sucedeu no mosteiro benedictino flamenco de Afflighem entre 1122-1195, ou coma en Francia, onde hai cara a 1195 unha tradución do bispo de Paris, ou reproducido tamén no ano 1212 por Jacobo de la Vorágine.
*A LENDA DE SAN ERO :
Ero de Armenteira, nobre galego do século XII, tivo certa noite un soño no que a Virxe dicíalles tanto a el como á súa muller , coa que non tiña descendencia, que fundasen un mosteiro, pra que así tivesen descendencia espiritual. De xeito que o nobre Ero, señor destas terras, aburrido das intrigas e ruindades da vida mundana, decidiu consagrarse á oración e penitencia no sacro Monte Castrove e transformou un dos seus pazos en mosteiro fundando o Mosteiro de Armenteira, converténdose no seu abade.
Durante a súa longa estancia no mosteiro o abade preguntábase a miúdo sobre cómo sería o Paraíso e rogáballe encarecidamente á Virxe que lle permitise velo. Así pois, un día, paseando polos bosques do redor do mosteiro, Ero quedou cativado polo cantar dun ruiseñor e sentou a descansar, quedándose durmido baixo as polas dun carballo ao deixarse levar polo deleite no arruio de tan fermoso canto.
Dando volta cara ao mosteiro, o abade tiña a impresión de que aquel non era o camiño polo que viñese, pero chegando ao cenobio, a súa sorpresa foi máxima ao ve-lo seu antigo mosteiro convertido nunha construción máis moderna e grande, no que tamén había máis monxes.
Aparvado e desconcertado, Ero dirixiuse cara un monxe e expresoulle a súa confusión. Armouse un gran desconcerto no mosteiro ata que o monxe máis ancián, que escoitara falar do vello abade Ero, chegou cun vetusto libro de onde leu perante tódolos presentes a seguinte historia:

"Santo Ero de Armenteira, nobre e piadoso home, fundador e abade deste mosteiro, quen nunca máis foi visto logo de saír a meditar ao monte Castrove"

O vello abade comprendeu entón que mentres se deixou compracer co canto do ruiseñor, pasaran no mundo uns trescentos anos. Satisfeito do milagre de Santa María ao mostrarlle deste xeito o paraíso, Santo Ero encomiou esta graza pra inmediatamente falecer caendo aos pés dos sorprendidos monxes.
Desde entón célebrase no campo do Mosteiro de Armenteira a Festa de Santo Ero e a Romaría das Cabezas en honra de Santa María. Nesta multitudinaria romaría galega de acción de grazas á Virxe das Cabezas, de propiedades milagrosas pra sana-las migrañas e outras doenzas craniais, obsérvase o seguinte:
- Procesión da imaxe polo atrio do templo do mosteiro de Armenteira.
- É común ver aos asistentes portando sobre as súas testas exvotos con forma de efixies.
- Os fieis presentan a súa devoción á imaxe, unha Virxe lactante, figura pouco común na iconografía relixiosa galega, similar á Virxe do Leite de Riofrío (Mondariz).
*O MOSTEIRO DE ARMENTEIRA.-
O mosteiro de Armenteira amosa o aire de grandiosidade propio dos mosteiros cistercienses de orixe medieval a pesares de ser un dos máis modestos. A súa orixe remóntase a 1.149 cando don Ero Armentariz maila súa esposa, ao non ter descendencia, deciden fundar un mosteiro dúplice no lugar aproveitando unha igrexa prerrománica e as súas dependencias. A esta fundación engadíronselle importantes doazóns dos reis Afonso VI e Fernando II así como as doutros nobres da época. Aos poucos anos, en 1.162 incorpórase á Orde do Cister. Coma outros cenobios cistercienses influíu de forma decisiva na historia da comarca, sobre todo no seu desenvolvemento agrícola. En 1.523 incorpórase á Congregación de Castela e abandónase en 1.837 como consecuencia da desamortización. A partir de entón comeza a súa ruína ata que en 1.963, Carlos de Valle Inclán, fillo do insigne escritor galego Don Ramón Mª del Valle Inclán, funda a Asociación de Amigos do Mosteiro de Armenteira e comeza a súa restauración. En 1.989, unha comunidade de monxas de Alloz (Navarra) restablece a vida cisterciense no cenobio dedicándose á fabricación de materiais e útiles litúrxicos. A partir de 1.990 a Xunta de Galicia inicia varias actuacións, máis ou menos afortunadas, pra a consolidación e restauración do recinto monasterial.

-----------------------------------------

PROGRAMA   DE ACTOS PARA O ENTROIDO 2007 DE UNHA GRANDE CHEA

VENRES 1 DE FEBREIRO:
“CHEAVISIÓN” en DISCOTECA ZAO. Comezará aproximadamente as doce de noite. Romperá o xeo a Banda de Gaitas de Unha Grande Chea quen como novidade interpretarán a afamada marcha eurovisiva ca cal empezaban as conexións a Eurovisión. Logo  actuarán  os grupos cambadeses “En Play Back” e “X-Trume”, quen interpretaran temas seus e aparte interpretarán os primeiros unha versión de “Waterloo”  de Abba e os segundos unha versión de “Eres tú” de Mocedades.  Logo membros de Unha Grande Chea interpretarán versións eurovisivas con letra propia. Nos intermedios go-gos contratadas o efecto por Discoteca Zao animaran os presentes cos seus bailes. Coma sempre rematará o acto a Banda de Gaitas de Unha Grande chea, que interpretaron o seu himno “Esmajare”.

SÁBADO 2 DE FEBREIRO:
“A VODA DE 1907”. Recrearemos unha voda de 1907, haberá invitados, cura, noivos, e como non gaiteiros que animarán as rúas  de Cambados dende as 13.30 horas, despois de percorrer varios establecementos hostaleiros (imos de viños) todos nos retiraremos a Pazo “A Capitana” onde terá lugar o Banquete Nupcial e onde haberá festa rachada, e se máis tarde 9 ou 10 da noite, o tempo o permite volveremos a percorrer as rúas cambadesas.

LUNS 4 DE FEBREIRO:
Asistencia os actos de Pub a Leria a partires das 11 da noite que este ano adican a Disney.

Varios intres dos ensaios.

MARTES 5 DE FEBREIRO:
Na mítica praza de Alfredo Brañas:  “CHEAVISIÓN”, esta vez lembraremos mediante imaxes de arquivo actuacións de cantantes españois en Eurovisión o mesmo tempo que membros de Unha Grande Chea interpretaremos algunhas cancións de Eurovisión versándoas con letras propias da Asociación, como novidade máis importante dicir que este ano volvemos a cantar. Uns espectáculo multimedia.
Temos coñecemento fidedigno que outra vez non nos van instalar o palco (ainda que a día de hoxe ainda non recibimos ningún escrito o efecto)  e novamente teremos que pagalo nos,tamén rexeitaron o noso ofrecemento ben para formar parte do programa de actos ben para atrasar o acto e non coincidir cos do Concello. Temos que dicir, i e de xustiza, que cónstanos que a Concelleira de Cultura Anabel Carro, "A Gallardón cambadesa" fixo todo posible para que nos puxeran o palco, pero o sector duro do concello (Tourís, Aragunde e Cia), negáronse en redondo. De tódolos xeitos grazas a Anabel polo seu intento. Pero non vos preocupedes que se non chove o espectáculo está asegurado. O que si que debido os gastos que nos ocasiona instalar nos o palco solicitamos que se algunha empresa ou entidade está desposta a sufragar os gastos do mesmo que se dirixa o noso telefono de contacto 626669562 ou a calqueira dos nosos directivos.

Varios instres do ensaio deste ano.

OUTRAS COUSAS:
Como non este ano tamén haberá o famoso “Contra-bando” e a nosa especial revista municipal “A Calcada”, que obviamente estará adicada a cantantes eurovisivos aparecerán entre outros na mesma en actitud erovisiva Montse Prado, Luis Aragunde, Roque Durán, Anabel Carro, Tourís e as súas go-gos, , os tres edís do BNG, Tabuyo e Pepe Daporta e Raphael  Louzán. Na  portada estarán os Panchos (Touris, Tabuyo e Vítor Caamaño) e na contra portada as letriñas deste ano. Tamén atoparemos na mesma o “contrabando”.

SÁBADO DIA 9.-
A maioría dos membros da Asociación acudiremos a cea de Sábado de Piñata do Xuven.

¡¡¡FELIZ ENTROIDO!!!

Grande estrea das curtametraxes “O hospital” e de “Area nos ollos”, de Iván Seoane no REDestreas do Centro Comarcal do Salnés

As curtametraxes O hospital  e Area nos ollos estrearanse o vindeiro venres día 25 de xaneiro as 22h00 no Centro Comarcal do Salnés, en Cambados. Unhas curtas de xénero que contan cun excelente conxunto actoral que contou cunha axuda da Consellaría de Cultura e Deporte para a súa produción.
A entrada é de balde ata completar aforo.
O HOSPITAL
Foi gravada en condicións de grande dificultade no antigo Hospital Xeral sito na rúa Galeras en Santiago de Compostela. A cinta narra a historia de catro atracadores rodeados de fenómenos paranormais.
O hospital é unha curtametraxe en língua galega subvencionada pola Consellaría de Cultura e Deporte en 2007 e coa colaboración especial da Universidade de Santiago, TV7 e Área 5.1.
Esta curta, conta coa colaboración dalgúns actores galegos como Antonio Mourelos, Monti Castiñeiras, Antonio Durán Morris e Jose Barato.
Pódese tamén destacar na rodaxe a colaboración dun dos grandes técnicos cinematográficos, Enrique Banet.
A intrigante curta fíxose grazas ao director compostelán Iván Seoane cuxo equipo técnico estivo formado maioritariamente por algúns dos seus antigos compañeiros na carreira de Comunicación Audiovisual.
O tétrico ambiente das ruínas do antigo Hospital Xeral colaborou a crear un ambiente visual terrorífico que deixará os espectadores cos ollos e a boca abertos.
AREA NOS OLLOS. A LOITA POR BALDAIO 30 ANOS DESPOIS
Area nos ollos. A loita por Baldaio 30 anos despois é unha curtametraxe documental que tenta ser un exercicio de memoria histórica sobre un dos acontecementos máis importantes vividos no concello de Carballo.
Pero non só é un exercicio local, senón que o que en Baldaio aconteceu encadrouse no que se deron en chamar os movementos en defensa da terra ou do país e que xunto con Xove e As Encrobas conformaron unha tríada de notable importancia na historia da Galicia da transición.
“Xentes con problemas similares viñeron a axudarnos e nós tamén lles axudamos no que poidemos”, son as palabras dunha das voces recollidas neste traballo, voces todas elas protagonistas duns feitos crucias nas súas vidas e que tiveron o seu punto álxido a finais da década dos setenta
Que é REDestreas?
"REDestreas" é un servizo de apoio ás estreas de curtametraxes, documentais ou longametraxes sen distribución comercial. Esta rede de espazos permitirá
que un filme destas tipoloxías se presenten nalgúns dos núcleos urbanos máis importantes de Galicia coa repercusión que iso significa.
O servizo de REDestreas ven a cubrir unha demanda dos creadores e produtores dos proxectos audiovisuais galegos que non tiñan un lugar axeitado para a súa primeira presentación ante os espectadores.

-----------------------------------------

TENIS DE MESA

Unha nova xornada de tenis de mesa, que coma sempre tivo resultados dispares para os equipos cambadeses.
En 1ª división, nova victoria do Establecimientos Otero ante o perigoso Liceo de Vilagarcia por un cómodo 4-1. Karol con 2.5, Jacobo con 1.5 acadaron os puntos, e Edu perdeu contra o xogador venezolano Vivaldi nun trepidante partido.
Victoria en 2ª ante o Monteporreiro por 3-4, que fai soñar otra vez ca fase de ascenso, acercando a unha soa victoria do 2º clasificado, o propio Monteporreiro.
Sorprendente derrota en 1ª galega por 4-0 do líder, Caixanova, ante o Monteporreiro "B". Esta derrota é un toque de atención para un equipo que lle empeza a perigar o primer posto na táboa.
Tamén derrota do Xoiería Enrique co mesmo equipo, que o afunde un pouquiño máis na clasificación.
Cómoda victoria en 2ª galega en Cangas por 1-4 para un equipo que parace non ter problemas por abaixo, pero ten difícil chegar ós portos de privilexio.
Dobre victoria en 3ª galega nos derbis Cambados-Vilagarcia. Moi boa noticia para demostrar que a canteira goza de gran saúde.
En canto ó Rábade, victoria por 4-2 ante o 3º clasificado, San Isidro, para seguir cunha liga inmaculada.
Un saudo, Quique.

  

Agridoce xornada para o tenis de mesa cambadés, na que o equipo de primeira división demostrou estar lonxe do resto, e na que o de segunda deu un pequenop paso atrás no obxetivo de estar na fase de ascenso.
Karol demostrou que é o mellor xogador da categoría gañando con solvencia os 2 puntos ante a perigosa padronesa (un deles ante Robert Geanta por un contundente 3-0), mentres que Jacobo arrimou outros 2, para gañar por 2-4.
En 2ª, derrota por 4-2 na pista do líder, o CTM Coruña que tamén vai imbatido, nun partido cheo de alternativas, que ó final se decantou polos herculinos.
Sorpresa en 1ª galega no derbi cambades, no que o colista, Xoiería Enrique, gañou ó líder, Caixanova, por 4-0. Dicir que éste último contaba con 4 baixas que mermaron o seu rendimento.
Mal partido e derrota en terras santiaguesas por 4-2 do equipo de 2ª galega.
Outro derbi cheo de baixas en 3ª galega, que se decantou por rapaces por 4-1.
No tocante ó Rábade, victória ante o 2º clasificado por 4-2, que case garante o 1º posto. 
Perdón pola tardanza e pola falta de fotos, pero ando axfisiado de traballo.
Para rematar as miñas sinceras felicitacións para Don José Charlín, e un afectuoso recordo para Sabela.
Un saudo, Quique. 

NOVA PATROCINADA POR:

-----------------------------------------------------------

E A NOS ¿POR QUÉ NON NOS INVITAN? O XANTAR DO ALBARIÑO

Estes dias podemos ver na prensa como Vítor Caamaño , portavoz do BNG daba a súa opinión sobre dos gastos da festa do Albariño, cada un pode ter a súa, pero a nós chámanos a atención un dato que non deixa de ser rechamante, curioso e se queremos un tanto “escandaloso”. Que das máis de 800 persoas que asistiron o Xantar do Albariño 2007 só pagaron a invitación 179 persoas que neste caso podiamos dicir “paganinis”, e nada máis e nada menos que houbo 600 invitados gratis a “comedela”. Home está ven 50 invitados, 100, 150 ou incluso si esaxeramos 200, pero 600 e todo un “record” que podía perfectamente entrar no Guinness.

-----------------------------------------

EXPOSICIÓN DE HECTOR GUZMÁN NO C.C. SALNÉS

Do 15 AO 30 de XANEIRO
HECTOR GUZMÁN
-fotógrafo-
(Morelia Michoacán , México, 31/10/1968)
Fundador en 2000 en México D.F. do “Taller libre de fotografía RETINA”. Ademais de múltiples exposicións colectivas e individuais da obra fotográfica persoal en México e España. Na actualidade é membro da “Asociación Fotográfica O Potiños” e fotógrafo independente en O Carballiño, Ourense, España (Onde reside).
Apaisoado da fotografía , estudoso da técnica de laboratorio, investigou e experimentou con múltiples fórmulas e materiais fotosensibles. Considérase a si mesmo  máis laboratorista que fotógrafo , creando imaxes incluso con caixas de avena ou de zapatos, papeis feitos a man e, seguindo vellas fórmulas, impresionando positivos coa luz do sol. Non renega da fotografía dixital, senón que a adopta como unha ferramenta máis, pola súa efectividade. Impartindo clases ou talleres sempre intentou compartir todo o seu coñecemento teórico e práctico, para facer máis accesible o camiño do alumno.
“Sempre procurei divertirme, gozar co que fago xa sexa un traballo por encargo ou un proxecto persoal, pois como me diría o meu profesor máis entrañable (Don José Conrado Rodríguez): “Traballo que che guste Héctor, non é traballo.” 

-----------------------------------------

MARTIN CODAX NA TVG

No programa “Revista”  da TVG adicaron parte do programa a poda das viñas, a bodega na que se inspiraron para facer toda a reportaxe foi unicamente a cambadesa,Martín Codax.

A.C.T.

-----------------------------------------

O XUVEN E O CAMBADOS NON TEÑEN PÁXINA WEB

Dinos A.C.T. que fagamos unha reportaxe sobre as páxinas web do Xuven e do Cambados. Ben o que sabemos é o seguinte: O Xuven non ten páxina web, fíxose unha "ex-proceso" para un "Campus" do 2001  que non se chegou a celebrar por falta de participantes. Esta páxina www.xuven.com non se chegou a actualizar, ignoramos de quen é propiedade o dominio da mesma, pero creemos que do club. En canto o Cambados dicir que está a intentar facer unha páxina web pero estase a atopar con moitos problemas , primeiro, ignoramos por quen o único que sabemos e que é un servidor de E.E.U.U., o dominio www.clubjuventudcambados.com non se pode usar porque é propiedade dalgún, estase a ver si o dominio www.clubjuventudcambados.es, está libre pero ignoramos a data de hoxe como van as negociacións. Nos dende está páxina facemos o que boamente podemos e algo falamos de deporte algúns incluso nos din que falamos moito de deporte. A veces incluso se nos promete colaboracións de algúns clubs pero logo non se chegan a concretar, de todas formas agradecer Quique Barreiro a súa colaboración porque se preocupa de que cada semana saia o Tenis de Mesa na nosa páxina.
Doutra banda queremos aconsellarvos un fotolog moi curioso a par que entretido pertenece a Eduardo Charlin Rodriguez máis coñecido por "Chuchunero", dádevos un paseo por el que vos vai entreter: http://www.fotolog.com/marekalma .

-----------------------------------------

Así quixeramos resumir esta entrañable foto. Montse (esquerda) ven a representarnos a todos nos, hoxe máis que nunca estamos con ela. Sabela (dereita) non se vai, repartimola os amigos e amigas cada ún de nos deixaselle un cacho dos nosos corazóns para que siga vivindo en todos a vez. Un abrazo emotivo a Roberto, Mariña, Raúl e Chopi.

     Difícil e ser amiga, máis difícil aínda e ser nai e muller de amigos, iso todiño éralo ti, miña raíña. Prometemos irte a buscar un día e dicirche todo aquelo que mereces oír  e que nunca soubemos porque non dicircho.

     Es un exemplo de superación e bondade, soubeches convivir con alguén que non é bo compañeiro, fisecheslle sitio no teu corpo ao ladiño do teu corazón ,loitastes de cara como a máis valente, ate que desagradecido él,  botoute fora, pero ti non te rendiches, de iso nada.

     Privounos do teu corpo , que non de ti, do teu sorriso, da túa forza e do teu corazón, eses quedan con nós, cancro cabrón!!!, eses quedan con nós!

     Prometemos irte a buscar, moza fermosa, descansa en paz.

B.P.

OUTR@ ANÓNIM@ COMUNICANTE DEIXOUNOS TAMÉN ESTA PRECIOSA DEDICATORIA PARA SABELA:

     Chegaches un día a Cambados para que te atopáramos.E atopámoste. Non necesitabas unha axenda, porque só facías o que amabas, e iso lembrábacho o teu corazón. Vivías dando sorrisos a todo o mundo e aínda quedabache tempo para facer moitas cousas.

     Hoxe as doce e media saleu o sol para ti.Gracias por ter me nun anaquiño do teu corazón. Querote. 

ADICATORIA DO MOZO DE ANDREA (SOBRIÑA DE SABELA)

                                                        O ceo pode esperar.................................cambados.2007.

A última vez que fomos a vela a cambados, o primeiro día de agosto, sabela presentounos a toda esta beleza oriental, unha nena adoptada por uns amigos e que pasaba os seus días pondo ollos de chinita a todos os nenos con mirada de galegos da ría de arousa..

[..durante ese paseo, sabela estaba pletórica, ensinándonos os seus recunchos favoritos de cambados, as súas paredes de buganvilla preferidas, e saudando a decenas de amigos que saían en tropa á rúa no comezo da festa do albariño]

[sabela morreuse onte cando os reis meigos aínda non regresaran a oriente coas milagres..as cousas da vida cando quere parecerse ás películas fixeron que nos deixase o mesmo día en que tres anos antes morrera a súa gran amiga, e o día exacto en que os xornais, que contan a historia con letras maiúsculas, anunciaban o descubrimento científico das tres moléculas que impiden a puta metástasis do puto cancro de mama]

[sabela era a tía de andrea, a tía no sentido total e único da expresión, pero a medida que andrea íase facendo adulta, e sabe íase facendo máis adulta pero menos aos ollos do que crece, eu creo que vía nela a un referente, a unha irmá maior á que comentarlle as súas últimas anécdotas, ensinarlle un moble que compramos no centro reto ou os plans que tiña con jaimín..]

[..e aquí estou eu, sen entender que se poida ir así alguén, con corenta sete anos e tres fillos, e escribo sobre ela sen saber cal era a súa película favorita, nin o libro que volvería ler, nin a cidade na que pasaría un mes seguido co seu amor, nin tantas outras cousas que agora se puidese preguntaríalle sen dubidalo..]

[..escribo de alguén que naceu maría isabel e xa desde nena era sabela porque á xente especial cámbiaselle o nome de forma espontánea..alguén que se se que se facía querer, sabela era tamén fácil de amar e unha loitadora da vida]

[cando un non pode falar, e vese nunha situación complicada, sen dúbida ordena a súa escala de valores e dános un exemplo aos que se nos vai a vida pola boca..un dos días que a visitamos no hospital, sabela pediunos con xestos unha colonia das dúas que había no armario..cando lle achegamos a de muller, negou coa cabeza enfadada e sinalou a de home..
..será que lle gusta máis, comentou andrea, pero tivo que vir a súa filla mariña para que explicarnos que o que quería non era a colonia de home, senón a do seu home, roberto, para así cheirar un pouco máis a el..]

[..se o agarimo cara a alguén se medise pola xente que acode aos funerais, sabela era unha das persoas máis queridas de cambados..se as alertas metereológicas como a de hoxe por vento tivesen unha relación secreta coa dor e os choros das persoas, hoxe en cambados o ceo botou toda a choiva acumulada en meses de seca porque facía tempo que non se vía a tanta xente de distintas idades emocionarse xuntos nunha
igrexa..]

[..e se poño esta foto desta nena, que parece triste e pensativa como nós hoxe, é porque me recorda ese momento tan agradable con sabela, e porque estou convencido que nuns anos, outra sabela sentará nese banco a xogar e alguén lle contará que en cambados, unha vez, a súa avoa fixo que o ceo caese sobre as nosas cabezas]

                                                   Catu Prado deixou esta mensaxe no noso fotolog:
"Pois eu ía a escribir sobre a entrada anterior...a de mama Sabela...
pero pensando o que ía pór,deime de conta de que non hai nada que dicir, que as palabras sobran que ela era moito máis  do que todos podemos expresar..que era mama Sabela...como sempre lle chamaba....que significou para todos nós moitisimo e que como ben decides sempre estará con nós coa xente que a quería e que repartía un cachiño de corazón con cada amigo....agora só nos quedan os recordos que compartimos con ela....xa que ela dende onde este tamén estaranos a lembrar.....
eses cafés na Leria,na habitación dos fillos cantando alejandro sanz e comendo bombóns,eses entroidos,cando me regalou un anxo pintado por ela,as ceas convosco os de unha grande chea,esas clases particulares,esas rifas a Roberto a súa olliño dereito,cando acompañábaa facer as compras ao super,o seu traballo nas garderías,eses partidos de fútbol sentada ao seu lado vendo ao Cambados sen faltar a unha soa cita........
Como  digo recordos........pero ela esta viva neles.....
por iso agora e sempre os seguirei gardando no miña memoria proxectandoos no meu corazón e gritándolles a viva voz...
mama Sabela.....non  te esquecemos.

O Centro Comarcal do Salnés participa nunha nova edición de “Curtas no Nadal”

A Consellaría de Cultura retoma o programa “Curtas no Nadal” para achegar este xénero por todo o país. O Centro Comarcal do Salnés forma parte deste proxecto que pretende crear unha rede de distribución alternativa que permita abrir novas saídas e unha maior difusión para as curtametraxes.

No Centro Comarcal do Salnés, as proxeccións arrincaran mañan venres 4 de xaneiro ás 18:00 h., cunha sesión destinadas a todos os públicos, e continuaran o sabado 5 de xaneiro ás 11:30 h. da mañan, cunha proxección especifica para os máis cativos do Salnés.

A sesión para todolos públicos, do venres, consta das seguintes curtas: