Cambados 29 de outubro de 2008

LEMBRANDO A SUSO VAAMONDE
O CANTAUTOR MÁIS CARISMÁTICO DE GALICIA
FOI GRAN AMIGO DE XOÁN SILVA E COÑECIDO DO PRESIDENTE DE UNHA GRANDE CHEA.

Hoxe queremos lembrar no noso espazo web a un dos cantautores máis carismáticos de Galicia. Destacado membro de "Voces Ceibes",  Suso Vaamonde, tiña unha voz grave é preciosa que se foi no ano 2000,  pero quédanos os seus vídeos e os seus discos. Sufriu cadea por cantar unha estrofa que dicía "Canda me falan de España, sempre teño unha disputa, que si España é miña nai, eu son un fillo de p..." por isto foi condenado a seis anos de cárcere. Aquí vos poñemos un vídeo , hai moitos en you tube,  coa súa impresionante voz neste caso "Bande" de Celso Emilio Ferreiro, se queres saber máis da súa vida preme na seguinte ligazón http://usuarios.lycos.es/susovaamonde/paxinaweb/biografia.htm

Texto e fotos: Unha Grande Chea.

------------------------------------------------------------

Cambados 28 de outubro de 2008

MONCHO PAZOS EN REYMAR
O ARTISTA CAMBADÉS INAUGURA UNHA EXPOSICIÓN TITULADA "PASARELA DE MONCHO PAZOS"
O  VINDEIRO VENRES XA SE PODEN VER OS SEUS CADROS.

A Cafeteria Reymar que se está a converter nunha verdadeira galeria para toda clase de artistas.

Texto e fotos: Unha Grande Chea.

------------------------------------------------------------

Cambados 28 de outubro de 2008

------------------------------------------------------------

Cambados 28 de outubro de 2008

CANDEA INFORMA:

Mañán, mércores, ás 4,30 da tarde vaise facer a RUTA CABANILLAS por Cambados, que quedara suspendida polo mal tempo. Está aberta a todas aquelas persoas que queran participar.
Responsables:
Manuel Núñes Pérez e Xoán Antonio Pillado Silvoso.
ORGANIZA: Candea

------------------------------------------------------------

Cambados 27 de outubro de 2008

“A NOVA TROLA” INFORMA:

DEBIDO A CRISE A XUNTA INNOVA EN TRANSPORTE ESCOLAR

A VILA PILOTO É CAMBADOS E O COLEXIO A PREESCOLAR DA PASTORA

1.- Portada da "Anova Trola".- 2.- O novo transporte escolar en Cambados. (Preme nas fotos para velas ampliadas)

Debido a galopante crise que nos afecta a todos e todas a Xunta e coordinando as Consellerías de Transporte e Educación vai poñer en funcionamento  un novo transporte escolar que xa podemos ver por Cambados estes días. O custo en combustible é cero, e increméntanse os postos de traballo porque debido a súa capacidade haberá moitos máis vehículos O transporte en cuestión estará en proba ata pasar o magosto e si a avaliación e positiva implantarase en tódolos colexios da nosa Comunidade Autónoma.

Texto e Fotos: Disías Trampas de  “A Nova Trola”.

------------------------------------------------------------

Cambados 26 de outubro de 2008

UNHA OBRA DE ARTE: AS RUÍNAS DE SANTA MARIÑA A PEQUENA ESCALA.
UNHA OBRA DE ERNESTO LOSADA
REPRODUCIÓN CON TODO DETALLE DO MONUMENTO MÁIS SIGNIFICATIVO DE CAMBADOS

As "Ruinas de Santa Mariña por Ernesto Losada"

Ernesto Losada é un cambadés xubilado que se entretén facendo "maquetismo", e ten varias obras na súa casa, acaba de rematar unha especialmente significativa para él "As Ruínas de Santa Mariña", feitas con todo luxo de detalle, é asombroso non lle falta de nada. Ernesto Losada foi profesor do Instituto Ramón Cabanillas do que antes se chamaba "Trabajos Manuales" e agora se chama "Plástica", entre os seus alumnos destacou o escultor cambadés mundialmente coñecido Francisco Leiro.

Texto: Unha Grande Chea.- Foto: Ernesto Losada.

------------------------------------------------------------

Cambados 26 de outubro de 2008

TEMPO DE MORTOS:  QUE É “A SANTA COMPAÑA”

¿REALIDADE OU IMAXINACIÓN?

HAI QUE XURA HABELA VISTO.

No antroido de 1992, Unha Grande Chea foi disfrazada de Santa compaña, aqui vemos tres imaxes daquel antroido. (Preme nas fotos para velas ampliadas)

A Santa Compaña quizais sexa, unha das crenzas míticas máis arraigadas no rural galego. Coñécese tamén en Galicia con varios nomes  : Estadea, Estantiga, Rolda, As da noite, Pantalla, Avisóns, Pantaruxada. Todos eles son termos que nos indican a presencia dun colectivo de mortos no mundo dos vivos.  Son varias as versións que na bibliografía podemos atopar sobre a Santa Compaña, de aí a dificultade para poder definila con exactitude. Agás excepcións, hai unha serie de trazos xerais nos que coinciden a meirande parte dos autores ó se referiren a ela: "procesión de mortos ou almas en pena que nas brétemas da noite (a partir das doce) percorren errantes as sendas e camiños dunha parroquia".  Esta procesión vai encabezada por un vivo portando unha cruz e un caldeiro de auga bendita seguido de tódalas ánimas con velas acesas, non sempre visibles, notándose a súa presencia polo cheiro a cera e o vento que levanta ó seu paso.  O portador da cruz non pode en ningún momento volve-la vista atrás nin renunciar ós seus cargos precedendo a Santa Compaña.  Só quedará liberado cando encontre outra persoa a quen lle entrega-la cruz e o caldeiro. Para se salvar desta obrigación a persoa que vexa pasa-la Santa Compaña debe trazar un círculo no chan e meterse dentro del ou ben botarse boca abaixo.

Aínda que na maioría das historias sobre a Santa Compaña esta realiza a súas aparicións de noite, tamén hai casos citados nos que se fala de saídas diúrnas. A persoa viva que precede a procesión pode ser home ou muller, dependendo se o  patrón da súa parroquia é santo ou santa. En definitiva, considérase a Santa Compaña como unha anunciadora da morte. A súa misión é visitar todas aquelas casas nas que axiña haberá un pasamento.

Dentro nas crenzas galegas, existe tamén outra procesión moi semellante á Santa Compaña pero que se diferencia desta en que non son pantasmas de mortos os que van nela, senón pantasmas de individuos vivos. Leva o nome de "procesión das Xans".  Marchan en dúas fileiras e levan un cadaleito. Canto máis á beira do cadaleito vaian os membros das ringleiras, máis axiña morren. Os que van máis lonxe poden tardar ata tres ou catro anos. Quen atopa esta procesión, vea, mais non a sente. O encontro case sempre se dá nas encrucilladas dos camiños, onde é costume deterse cos defuntos para que os cregos boten responsos. Se o que a atopa é amigo dos que van na procesión, o único que fan con el é levalo polo aire a outra parte; se é inimigo, danlle unha gran malleira e arrástrano polas silveiras. Son poucas as persoas que ven a procesión das Xans, pois para iso precisa posuír unha destas condicións: que o padriño de quen a ve,  rezase mal o credo cando o bautizaron, ou que o crego cambiase os santos óleos confundindo os da extrema unción cos do bautismo. Tal erro pódese remediar bautizándose de novo. Ó impresionante culto dos mortos ou dos devanceiros únese en Galicia a crenza das almas en pena, da ánimas peregrinas, que integran a Santa Compaña; por iso en moitas encrucilladas dos camiños se erguen os cruceiros e os petos de ánimas, onde se depositan as ofrendas piadosas en tributo ós que xa están na eternidade.

Texto: Galicia Espallada. Fotos: Unha Grande Chea.

------------------------------------------------------------

Cambados 25 de outubro de 2008

"NOVA PRODUCIÓNS" XA TEN PÁXINA WEB E CORREO
www.novaproducions.com nova_producions@hotmail.com
JOSE LUIS CACABELOS, JUAN RIVAS, ROBERTO PEREZ E QUIQUE BARREIRO SON OS NOVOS EMPRESARIOS

1.- JOSE LUIS CACABELOS, JUAN RIVAS, ROBERTO PEREZ E QUIQUE BARREIRO vistos por Eduardo Apariz (para ver a foto na súa calidade perfecta mira en www.cambadosenfotos.net)

Como xa informabamos fai uns días unha nova produtora acaba de nacer en Cambados a súa denominación é "NOVA PRODUCIÓNS" e xa ten paxina web e correo electrónico. Una das súas primeiras contratacións é das que marcan época nada máis e nada menos que preto do Nadal actuará en Cambados grazas a súa boa xestión Antonio Vega como xa informaron os medios de prensa e este propio espazo. Saben que nos teñen a súa disposición para o que faga falta e desexamolle toda a sorte do mundo.
Texto: Unha Grande Chea.- Foto Eduardo Apariz www.cambadosenfotos.net

------------------------------------------------------------

Cambados 25 de outubro de 2008

I XUNTANZA DE CANLES GALEGAS YOU TUBE
UNHA XUNTANZA PARA A HISTORIA
UNHA GRANDE CHEA VAI PROPOÑER QUE O ANO QUE VEN SE CELEBRE EN CAMBADOS.

Recentemente tivo lugar na cidade das murallas a “I XUNTANZA DE CANLES GALEGAS YOU TUBE”, cunha asistencia importante e promovida polas tres canles galegas de máis puxanza no you tube http://br.youtube.com/Edelmiro007 , http://br.youtube.com/papigil e http://br.youtube.com/XOANARCODAVELLA , é un paso adiante e moi importante  para que a xente que da a coñecer por medio das canles as nosas tradicións e os nosos lugares máis fermosos se coñezan persoalmente. Co gallo da celebración do Ano Cabanillas 2009, esta asociación vai propoñer de xeito oficial as canles organizadoras que o ano que ven esa xuntanza se celebre en Cambados.
Aparte dos vídeos que vos ensinamos podedes ver máis vídeos da xuntanza premendo nas seguintes ligazóns: http://br.youtube.com/watch?v=Giizm9RkGgQ
http://br.youtube.com/watch?v=o2o2t-ZiGlE  , hai moitas máis só e cuestión de poñer no buscador de you tube “ I XUNTANZA DE CANLES GALEGAS YOU TUBE”.

Texto; Unha Grande Chea. Videos: http://br.youtube.com/Edelmiro007

------------------------------------------------------------

Cambados 24 de outubro de 2008

A EDITORIAL DO ATURUXO ADICADA A UNHA GRANDE CHEA

A NOVO PERIÓDICO NON ESTÁ DA CORDO QUE OS "TIL DARAMOS" DE “CENTRO DEREITA”

SENÓN  É ASÍ PERDÓN E ALEGRAMONOS, E BENVIDOS Ó “PLANETA AROUSA”.

Cambados 24 de outubro de 2008

ÉXITO SEN PRECEDENTES DAS "I XORNADAS  CABANILLAS NA ESCOLA"
ONTE FORON CLAUSURADAS POLA DELEGADA DE CULTURA MARÍA XESÚS LOPEZ ESCUDEIRO
TAMÉN SE PRESENTOU O PROXECTO DE TRABALLO DE CANDEA PARA O ANO CABANILLAS 2009.

1.- A Delegada de Cultura Maria Xesús López Escudeiro.- 2.- Adela Leiro unha das responsables de Candea. 3 e 4.- Xoan Antonio Pillado e Manolo Núñez (a quen se pode ver na seguinte foto) foron os responsables de Roteiro Cabanillas. (Preme nas fotos se queres velas ampliadas.)

Cunha conferencia dun histórico do galeguismo Avelino Pousa Antelo , coa presentación do proxecto de traballo de Candea para o ano Cabanillas 2009 e a presenza da Delegada de Cultura María Xesús López Escudeiro, foron o broche de ouro a unhas xornadas nas que Asociación de Ensinantes do Salnés "Candea" obtivo un sobresaliente en organización das mesmas. Superáronse todas as previsións, as xornadas foron amenas instrutivas e con uns conferenciantes de sumo nivel, difícil de superar.
Tamén como decímaos presentouse o proxecto de traballo de Candea para o ANO CABANILLAS que se pretende realizar conxuntamente con todos os centros da comarca que desexen participar. Contan  cunha axuda económica e o apoio da Consellería de Cultura, que onte, na persoa da Delegada Provincial, clausurou as Xornadas o mesmo tempo que  explicou a súa implicación no traballo. Para un estudio pormenorizado do documento de traballo podelo ver integramente premendo na seguinte ligazón:  http://docs.google.com/Doc?id=dc7knff2_2cppr9md9
Parabéns Candea.
Texto e fotos: Candea, Unha Grande Chea e Imaxes Google.

------------------------------------------------------------

Cambados 23 de outubro de 2008

"A BRUXA DO OESTE"
É O TITULO DA NOVA OBRA DE TEATRO CARACOL
A ESTREA ESTÁ PREVISTA PARA O VINDEIRO MARZO.

1.2. Duas instantaneas dos ensaios.

Novamente Caracolga é dicir Olga González Vilas puxo en marcha a máquina de Teatro Caracol e comezaron os ensaios  de nova obra de Teatro Caracol "A Bruxa do Oeste", da cal non podemos contar moito porque é todo un segredo. O reparto intégrano preto de 30 persoas de idades comprendidas entres os 13 é 60 anos. O que si nos dixo Olga é que como sempre é unha obra para rapaces e moi musical. Teatro Caracol é todo un referente na ria de Arousa, e as súas representación que duran preto de quince días son vistas por máis de tres mil nenos, tamén hai catro funcións para maiores. As funcións para os nenos son gratuítas. De seguro que ha de ser un novo éxito de Caracol. Máis fotos en "AS NOSAS FOTOS"

Texto e fotos: Una Grande Chea.

------------------------------------------------------------

Cambados 23 de outubro de 2008

IMPRESIONANTE EXCLUSIVA DE "A NOVA TROLA"

UNHA ESTRAÑA ENFERMIDADE AFÉCTALLE O LÍDER GALEGO DO PP

A NUÑEZ FEIJOO ESTALLE A VOLVER A LINGUA BÍFIDA E APARÉCENLLE AS INICIAIS "G.B."

1.- Portada de "A Nova Trola".- 2.- Nuñez Feijoo co "maliño" na boca.

O periódico cambadés "A NOVA TROLA" acaba de publicar en exclusiva no seu derradeiro número que o líder do PP Galego Alberto Nuñez Feijoo está a ser afectado dunha estraña enfermidade que o parecer consiste en que a lingua estáselle a volver bífida e o mesmo tempo aparécenlle na lingua as iniciais "G.B.". Os médicos estanse a volver tolos por que non dan ca orixe da enfermidade, agás un medico chamado Breogán Celta que  fala galego, que comentou "A NOVA TROLA" que ese enfermidade  puído collela en Cambados onde se instalou un vacilo dende que fai uns meses houbo un congreso no Auditorio dun grupo de persoas raras que dis que teñen dúas linguas ou que son Bilingües. A enfermidade o parecer non ten cura porque nace no cerebro e de moi difícil localización.

Texto e Fotos: "A Nova Trola". (Grazas a Fotologio pola idea) "En defensa da nosa lingua: O GALEGO" 

------------------------------------------------------------

Cambados 23 de outubro de 2008

UNHA GRANDE CHEA INVITADA EN SANTIAGO

O GRUPO CORREO  INVITOUNA A GALA QUE SE CELEBRA HOXE "GALLEGOS DEL AÑO".

UN DOS PREMIADOS É CARLOS PEREZ RIAL "PERUCHO"

1.- Invitación o evento a Unha Grande Chea.- 2.- Perucho.

Unha Grande Chea, e unha das asociacións invitadas polo Grupo Correo Gallego a XIX Edición dos Premios "Gallegos del año 2008" gala organizada polo devandito grupo. Entre os premiados está o piragüista pertencente o Club de Ribadumia  Carlos Pérez Rial "Perucho". A hora de confeccionar esta nova aínda non confirmaramos asistencia o evento que vai ter lugar no día de hoxe no Auditorio de Galicia en Santiago de Compostela. De tódolos xeitos agradecemos o Grupo Correo Gallego a súa invitación.

Texto e fotos: Unha Grande Chea.

------------------------------------------------------------

Cambados 23 de outubro de 2008

UNHA NOVA PAXINA WEB NACE EN AROUSA PARA GALICIA

O SEU PORTAL É www.gayliza.com

O ÚNICO QUE SABEMOS É QUE UNHA GUÍA E VIAXES PARA "GAYS"

Portal da páxina que ainda no entrou en funcionamento.

Un novo portal web ven a engadirse a familia arousá, www.gayliza.com está en período de nacemento xa ten o seu portal en internet e polo que se deduce do mesmo ven a ser unha "guía e viaxes para gays" alo menos ese é o “slogan” do seu portal. A páxina polo de agora aínda non entrou en funcionamento para segundo poñen no mesmo "Falta pouco". Estaremos a expectativa, de tódolos xeitos benvidos a rede rapaces.

Texto e foto: Unha Grande Chea.

------------------------------------------------------------

Cambados 22 de outubro de 2008

UNHA CONFERENCIA DE LUXO

POUSA ANTELO DISERTARÁ SOBRE:  “A MIÑA LEMBRANZA DE CABANILLAS”.

UN HISTÓRICO DO GALEGUISMO EN CAMBADOS.-

1.- Avelino Pousa Antelo.- 2.- Ramón Cabanillas.

Mañá xoves as 18 horas no I.E.S. Ramón Cabanillas vai ter lugar a inigualable conferencia de Pousa Antelo quen disertará sobre “A miña lembranza de Cabanillas". Como para perderse esta cita, ainda que está encadrada dentro das" I Xornadas de Cabanillas na Escola" que organiza Candea, a entrada é libre. Aquí vos deixamos cunha semblanza do conferenciante:

Avelino Pousa Antelo (Arzón - Coruña, 14 de maio de 1914), tamén coñecido polo pseudónimo de Loito do Peto, é un intelectual e xornalista galego. É o presidente da Fundación Castelao, vicepresidente da Fundación Fernández Florez e vogal das Fundacións Pedrón de Ouro e Alexandre Bóveda.

Como xornalista, foi colaborador nos anos 30 La Voz de Barcala "órgano da Federación Agropecuaria do Distrito de Negreira", e publicou centos de artigos en distintas publicacións sobre temas agrarios e cooperativos, ademais de sobre temas políticos.

Biografía:Estudou durante seis anos na Universidade Pontificia Compostela, logo Maxisterio tamén en Santiago, dou cursos de Comercio en Lugo e Xerente de Cooperativas en Zaragoza. En 1936 fixo propaganda do Estatuto de Autonomía de Galicia de 1936 como afiliado ás "Mocidades Galeguistas". Tras a Guerra Civil desenvolveu un intenso labor agrarista e cooperativista en Galicia. En 1955 trasladouse a Orotava (Tenerife) onde traballou como mestre e como Técnico Agrícola do Laboratorio do Cabildo Insular. Tras un breve regresou a Galicia en 1960 para traballar como técnico de SEMISA, empresa produtora de sementes, volveu trasladarse ese mesmo ano, agora a Zaragoza, para dirixir unha empresa gandeira (AIVESA). Como froito do seu labor de promoción agraria en prensa, en 1963 foi galardoado co Premio Ramón Mourente de temas agrarios e en 1964 co premio "Luís Sánchez Harguindey" polo mesmo motivo. En 1970 regresou a Galicia para traballar como mestre en Pontecesures ata a súa xubilación en xaneiro de 1983. A Asociación Galega de Cooperativas Agrarias outorgoulle en 1998 a Insignia de Ouro e Esmalte da Unión de Cooperativas. No ano 2000, a Universidade de Santiago de Compostela outorgoulle a súa Insignia de Ouro.É historia viva de Galicia.

Texto e fotos: Candea.

------------------------------------------------------------

Cambados 21 de outubro de 2008

PLANO DA RUTA CAMBADOS CON CABANILLAS

PERCORRERASE ESTE MÉRCORES DENTRO DAS I XORNADAS "CABANILLAS NA ESCOLA"

ORGANIZADAS POR CANDEA.

Este martes e mañan mércores  e dentro das I Xornadas Cabanillas e a Escola comunicamos que vanse facer as rutas guiadas por Cambados. O mércores hai moita xente apuntada, pero se alguén está interesado/a podería ir o martes, haberá un percorrido colectivo guiado polas rúas e os lugares da obra e da vida de Ramón Cabanillas en Cambados, con lectura participativa dos seus textos, dirixido por Manuel Núñez e Xoan Antonio Pillado, ámbolos dous pertencentes a Asociación de Ensinantes do Salnés "Candea". Nel váisenos indicando os lugares máis emblemáticos de Cambados para Cabanillas cunha poesía do autor adicada o lugar en cuestión e así temos: 1.-"Salutatio ad patrim" (Casa natal). "2.- "A Asorey" e "No Casino". 3.- "O sábado na escola" O Convento. 4.- "As tardes na Pastora" Santa Mariña e A Pastora. 5.-"Mariñeira" Santo Tome". 6.- "Na casa vella" Rúa Hospital. 7.- "A Calzada de Cambados" "Na ribeira" A Calzada. 8.- "Lumen No Pazo", "A un cacique" Praza de Fefiñans. 9 "Sono dourado". Cemiterio de Fefiñans. Punto de runión: praza de Fefiñáns ás 4,30 da tarde

Texto e foto: Candea.

------------------------------------------------------------

Cambados 20 de outubro de 2008

"A GRAN MURALLA" NO CANCIONEIRO SELECTO DE MIRO CASABELLA

A POESÍA DE RAMÓN CABANILLAS  NO LIBRO QUE XAN FRAGA ESCRIBE SOBRE O CANTAUTOR.

CORRESPONDE O LP "TI GALIZA".

1.- Miro Casabella con Bernardino Graña e Beiras.- 2.- Portada de Ti Galiza.- 3.- Portada do libro de Xan Fraga.- 4.- Ramón Cabanillas.

O escritor Xan Fraga ven de escribir un libro-reportaxe titulado "Miro Casabella e a nova canción galega" da Editorial Galaxia, nel fai un detallado repaso a vida e obra de Miro Casabella así como os seus coetáneos de "Voces Ceibes". O remata do libro entre o cancioneiro selecto de Miro Casabella destaca o autor do mesmo "A Gran Muralla", unha poesía de Ramón Cabanillas escrito no ano 1926 para unha nova edición do seu libro "Da Terra Asoballada". Esta poesía foi musicada por Miro Casabella para o seu Longa Duración (LP) "Ti Galiza" publicado por Ariola  en 1977 era a terceira canción do LP e contaba con arranxos de Luis Pedro Faro  e Jose Mario Branco.

Texto: Unha Grande Chea.- Fotos.- Libro de Xan Fraga.

------------------------------------------------------------

Cambados 19 de outubro de 2008

O GROVE: UN EXEMPLO PARA CAMBADOS
A ASOCIACIÓN POLA RECUPERACIÓN DA MEMORIA HISTÓRICA DO GROVE CELEBRA POR SEGUNDO ANO CONSECUTIVO AS "XORNADAS LEI DA MEMORIA HISTÓRICA"
O DÍA 25 DE OUTUBRO NO CINE O MARINO DA VILA MECA.

1 e 2.- Carteles do evento.

1.- Xosé Avelino Ochoa Gondar. 2.- Juan José del Aguila Torres. 3.- Juan Antonio Martin Pallin. 4.- Angel Rodriguez Gallardo. 5.- Joan Tardá e 6.- Miguel Angel Rodriguez Arias.

Os cambadeses debiamos tomar bo exemplo do Grove en canto a recuperación da Memoria Histórica se refire. O vindeiro 25 de outubro celebran por segundo ano consecutivo as "Xornadas Lei da Memoria Histórica" con relatores da talla de José Antonio Martin Pallin quen disertará sobre "No se puede enterrar el olvido, Angel Rodriguez Gallardo "Nova fase na recuperación da memoria Histórica; a perpesctiva asociativa", Joan Tardá "VIII Legislatura: una oportunidad perdida para terminar con el modelo español de impunidad", Juan José del Aguila Torres "La jurisdicción militar de guerra de la dictadura franquista, la necesidad de conocerla y acceso a los archivos militares" e Xosé Avelino Ochoa Gondar "A Lei de Amnistía 46/1977. Un obstáculo procesual?" coa actuación tamén do Estudio de Ballet Va´Lontano. Tamén o mesmo día terá lugar a conferencia "Los niños perdidos del franquismo" a cargo de Miguel Angel Rodriguez Arias, profesor de Dereito Penal da Universidade de Castilla La Mancha. Os actos serán presentados por Xan Caneda e Xesús Maria González.

Texto: Unha Grande Chea.- Fotos: A.R.M.H O Grove.

------------------------------------------------------------

Cambados 18 de outubro de 2008

UNHA GRANDE CHEA NOS ENLACES DE GOGUE
E PARA NOS "UN ORGULLO Y SATISFACCIÓN" COMO DIRÍA O MONARCA
ESTAMOS A RECÍPROCA NA NOSA PÁXINA

Gogue con varios compoñentes de Unha Grande Chea.

E para nos toda unha honra estar nos enlaces dunha das páxinas máis visitadas de Galicia, e unha das máis importantes nin máis nin menos que na páxina do caricaturista Gogue. Non somos merecedores de tan alto honor. Obviamente estamos a recíproca a tamén engadimos a www.goguetoons.com entre os nosos enlaces. Dicir tamén que o caricaturista meco cambadés Gogue acaba de ser entrevistado na TVG , podedes ver a entrevista en http://www.crtvg.es/TVGacarta/?prog=18 clic en 16/10/08 e despois ides a terceira paxina e vedes a caricatura de John Lennon.-

Texto e foto: Unha Grande Chea.,

------------------------------------------------------------

Cambados 17 de outubro de 2008

CALQUERA OCASIÓN É BOA PARA REUNIRSE CON AMIGOS
UN SALPICÓN DE MARISCO PROMETIDO POR TOÑO CHAVES
FOI UNHA BOA ESCUSA PARA PROBAR UN BO ALBARIÑO LAXES OU OUSO DA TORRE.

Catro estampas de degustación do salpicón de marisco. (Preme nas fotos para velas ampliadas).

É moi doado buscar unha escusa para pasar un bo anaco con amigos da categoría profesional do enólogo Jorge Herbella, do fotografo Eduardo Apariz, do banqueiro Roberto Cacabelos, do amo da Ford Luís Paulino, do Fernando Alonso dos camións Pablo, do supermadridista Toño Meis, do neto de Ramón Cabanillas Moncho Botana Cabanillas,  ou dos afamados mestres Dominguez, Manolo da Estrada Juan  Maceira ou Rodiño, sen esquecer a presenza dos anfitrións Moncho, Tino e Pita do "Bar Germán". Toño Chaves prometera un salpicón de marisco con centola "collido" por el mesmo, e abofé que cumpriu a promesa, e onde haxa un bo salpicón de marisco ten que estar un bo albariño e que mellor que o primeiro premio da festa deste ano feito por Herbella "Laxes", sen desmerecer o "Ouso da Torre", un viño da casa. Hai que ter imaxinación para combater a crise e seguilo a pasar ben.

Texto e fotos: Unha Grande Chea.

------------------------------------------------------------

Cambados 16 de outubro de 2008

MEDIO RURAL DIFUNDE A SÚA POLÍTICA FORESTAL NO CENTRO DE DESENVOLVEMENTO COMARCAL DO SALNÉS

1.- Logo do curso.- 2.-Súarez Canal cun membro de Unha Grande Chea.

A Consellaría pretende concienciar a sociedade galega da importancia da xestión integral, racional e sustentable do monte galego como vía para acadar unha explotación máis produtiva e para optimizar o seu aproveitamento.
A Dirección Xeral de Montes e Industrias Forestais e a Sociedade para o Desenvolvemento Comarcal de Galiza organizan “As claves da política forestal actual” en 13 centros comarcais de todo o país.
Este seminario vaise celebrar no Centro Comarcal do Salnés, o vindeiro 31 de outubro, en horario de 10:00 a 14:00 horas.
A Dirección Xeral de Montes e industrias forestais e mais a Sociedade para o Desenvolvemento Comarcal de Galiza – dependente da Consellaría do Medio Rural – organizan o seminario “As claves da política forestal actual” que se vai celebrar o 31 de outubro, en horario de 10:00 a 14:00 horas, no Centro de Desenvolvemento Comarcal do Salnés. A través desta iniciativa, Medio Rural pretende concienciar a sociedade galega da importancia dunha xestión integral, racional e sustentable do monte galego, co obxectivo de que sexa máis produtiva a súa explotación e que se reduza o número de incendios forestais.

Texto: Exposalnés.- Foto: Unha Grande Chea.

------------------------------------------------------------

Cambados 15 de outubro de 2008

LUÍS REI ANUNCIA A PUBLICACIÓN  DO LIBRO SOBRE CABANILLAS

NA CHARLA ORGANIZADA POR CANDEA LUÍS DIXO QUE O LIBRO SAIRÁ EN  MARZO OU ABRIL

LEU LIMIAR DO MESMO NA CONFERENCIA.

Cambados 14 de outubro de 2008

CHARLA DE LUÍS REI ,"REPRESENTANTE DE CABANILLAS NA TERRA"
VERSARÁ SOBRE "A DIMENSIÓN HUMANA DE RAMÓN CABANILLAS"
O CHALEQUEIRO DE UNHA GRANDE CHEA É O BIÓGRAFO OFICIAL DE CABANILLAS.

1.- Luis Rei.- 2.- Ramón Cabanillas.- 3.- Luis Rei sendo nomeado "Chalequeiro" por Unha Grande Chea (2006). (Preme nas fotos para velas ampliadas)

Maña mércores, as 16.30 da tarde no salón de actos do I.E.S. Ramón Cabanillas, vai ter lugar a conferencia de Luís Rei Núnez, biógrafo oficial de Ramón Cabanillas,  co titulo "A Dimensión Humana de Ramón Cabanillas". Luís rei é meco de nacemento, esta arredor da cincuentena, no súa mocidade cursos estudos no Instituto que leva por nome o home que el máis admira "Ramón Cabanillas", logo opositou para encargado da Casa da Cultura de Cambados  gañando a oposición merecidamente. É todo un estudoso de D. Ramón,  e aparte de escribir sobre el tamén ten feito obras de teatro sobre o autor. No ano 2006 foi nomeado "Chalequeiro" pola Asociación Cultural e Deportiva Unha Grande Chea. Luis Rei foi unha das personaxes claves na organización de Gala Ramón Cabanillas 2006 organizada por Unha Grande Chea, que foi o xerme do Ano Cabanillas 2009. Paga a pena acudir a esta conferencia saberemos moito máis do poeta da raza.

Texto e fotos: Unha Grande Chea.

------------------------------------------------------------

Cambados 13 de outubro de 2008

GOGUE PORTADA DUN LIBRO EN E.E.U.U.
ADICADO O XOGADOR DE BÉISBOL RYAN HOWARD
ESCRITO POR ROBERT L. MEND

1.- Ryan Howard o mítico xogador de Béisbol. 2.- Caricatura feita por Gogue do famoso deportista.

O famoso caricaturista meco-cambadés Gogue, ven de ser novamente noticia xa que unha das súas caricaturas concretamente a adicado o famoso e mítico xogador de béisbol Ryan Howard e a portada do libro que o famoso escritor americano Robert L. Mend escribiu sobre a vida do famoso deportista. Outra vez o Noso Gogue volta a ser recoñecido alén dos mares e nos tan orgullosos de estar entre os seu amigos. Parabéns Gogue.
Texto: Unha Grande Chea. Fotos: Gogue.

------------------------------------------------------------

Cambados 12 de outubro de 2008

HELENA VILLAR JANEIRO ABRIRÁ O CICLO DE CONFERENCIAS  SOBRE CABANILLAS
MAÑÁ LUNS ÁS 18 HORAS
NO I.E.S. RAMÓN CABANILLAS.

1.- Helena Villar Janeiro.- 2.- Ramón Cabanillas.

A docente e escritora Helena Villar será a encargada de abrir a ciclo de conferencias  das "I Xornadas Cabanillas na Escola",  o título da conferencia é "O legado dun escritor como recurso para o ensino" A entrada as conferencias é libre e gratúita. Helena Villar Janeiro naceu en Becerreá, Lugo, o 28 de setembro de 1940. É licenciada en Filosofía e Letras pola Universidade Complutense, e membro fundador do PEN club en Galicia do que é secretaria. É profesora de literatura e lingua en Santiago de Compostela. Os seus libros infantís están incluídos no Catálogo White Ravens do Internationale Jugendbibliothek de Münich. Tamén é Secretaria da Fundación Rosalía de Castro. Obtivo os premios de narrativa, Breogán en 1990 e Rodríguez Figueirido en 1991.

Texto e fotos: Unha Grande Chea.

------------------------------------------------------------

Cambados 11 de outubro de 2008

NACE UN NOVO PERIÓDICO EN AROUSA: "O ATURUXO"
GRATUÍTO E CUNHA LIÑA DE CENTRO DEREITA
OS PRIMEIROS NÚMEROS ESTÁN NA RÚA

Nace un novo periódico en Arousa que se ven a chamar "O Aturuxo", un periódico de corte centro dereita e de carácter gratuíto. De momento descoñecemos onde se pode conseguir o mesmo, pero podedes acadar máis información acudindo a súa páxina web www.aturuxo.es .
Texto e fotos: Unha Grande Chea.

------------------------------------------------------------

Cambados 11 de outubro de 2008

CRÓNICA DUN CAMBADÉS EN MISIÓN DE PAZ

ANGEL CAMBADOS CÓNTANOS A SÚA EXPERIENCIA MEDIANTE FOTOS

IMPRESIONANTES FOTOS DO ETNA

1.- Unha calle de Beirut.- 2.- Descargando en Beirut.- 3.- Canal de Corinto.- 4.- Outro intre da descarga en Beirut.- 5.- Catania.- 6 e 7.- Volcán Etnia. 8.- Catania.- 9.- Unha das mesquitas máis grandees do mundo.- 10.- O Partenón. 11.- En Ploce (Croacia).- 12.- Ploce (Croacia). -13.- Unha rúa arumeada en Beirut. (Preme nas fotos para velas ampliadas)

Ola paisanos,aquí vos mando por medio de www.unhagrandechea.org.es  unhas fotos da misión de paz que estou a realizar en Beirut(Libano), levo 35 días de navegación nos cales visitei os seguintes portos, Catania (Sicilia-Italia) cunhas fotos do volcán Etna salivando lava e unhas fotos do teatro Bellini. Seguinte porto Ploce (Croacia),Canal de Corinto, Atenas cunha foto do famoso Partenón e por ultimo Beirut (Libano) tamén podedes ver unhas fotos da posiblemente a maior mesquita do mundo, e outra foto do barco en plena carga de carros. De Beirut soamente teño tres  fotos porque a policía de aquí non deixa sacar fotos da cidade,  é mais se te ven cunha cámara de fotos pode ser que cha requisen ,por iso as fotos que podedes ser  son feitas dende o barco.

Texto e Fotos: Angel Cambados Tirado.

------------------------------------------------------------