Cambados 29 de Outubro de 2009

                                                       CINEMAS DIXITAIS

                           “O PEQUENO E FERMOSO”

  O 30 DE OUTUBRO AS 18 HORAS NO CENTRO COMARCAL DO SALNÉS

CATRO ESCULTORES:

Vídeo sobre os escultores Enrique Velasco, Manolo Paz, Francisco Leiro e Francisco Pestana e parte das súas esculturas. Director: Eloy Lozano , Xénero: Arte e Patrimonio , Modalidade: Documental, Duración: 18 min, Ano de produción: 1986 Idioma: Galego.

CONTACTOS:

Virxilio Vieitez construíu sen sabelo cos seus peculiares retratos de estudio a memoria dun pobo. O álbum de Virxilio é o álbum da Galicia que foi. Director: Marcos V. del Pino  Xénero: Arte e Patrimonio , Modalidade: Documental, Duración: 15 min , Ano de produción: 2006 , Idioma: Galego.

J

JEDIN

Documental creativo sobre José Ernesto Diaz-Noriega, un cineasta independente nado en Madrid e chegado a Galicia nos anos 50. Conseguiu filmar unha serie de filmes en formatos domésticos. A súa sombra protectora e inspiradora foi a semente de gran parte de dos cineastas galegos dos 70 e 80. Director: Marcos Nine Búa , Xénero: Historia e Biografía, Modalidade: Documental, Duración: 16 min, Ano de produción: 2006, Idioma: Galego.

 

OS SEÑORES DO VENTO:

Eles idearon un sistema para dominar o vento... Dirixiron centos de botellas desafiando o ceo mais, coma elas, a vida tamén dá voltas... Cada vez quedan menos... Eles son... "Os señores do vento"., Director: Xurxo González, Xénero: Sociedade, Modalidade: Documental, Duración: 11 min, Ano de produción: 2008, Idioma: Galego.

Cambados 29 de outubro de 2009

O SAMAIN EN CAMBADOS

O 31 DE OUTUBRO NO PAZO TORRADO

As 18 horas no Pazo de Torrado “Noite dos zombis”. Obradoiros de maquillaxe, efectos especiais, zombificación, disfraces e máscaras. Homenaxe ao Thriller de Michel Jackson a cargo da Escola Municipal de Teatro, a continuación procesión funesta da Santa Compaña e dos zombies e o remate degustación de doces tradicionais e chocolota quente.

Xa dentro do apartado “Cambados Concello Saudable”, durante os meses de Novembro, Decembro e xaneiro “Curso de Risoterapia” para persoas maiores no Ximnasio do Colexio de Santo Tome os luns e mércores ás 19 h. (grupo 1) e ás 20 h. (grupo 2).

Dende o 15 de outubro ó 15 de novembro no Centro Comarcal do Salnés exposición de Manuel Bonabal, artes pláscticas.

Cambados 29 de Outubro de 2009

O VOLEI CAMBADÉS A ESCENA

 

  

SÉNIOR

LOCAL	RESUL.	VISITANTE	SETS
Bertamiráns Voleibol	0-3	XAV Cambados	11-25/12-25/21-25

Excelente debut das Sénior contra un prometedor equipo, o Bertamiráns, composto por un cadro repleto de xóvenes xogadoras, que en ningún momento tirou a toalla.

Pero é que as cambadesas saltaron á cancha cun claro obxectivo: vencer e acadar a súa primeira vitoria da tempada. E así foi, o resultado fala de por si da eficacia do cadro de Cambados: 11-25/12-25/21-25

No primeiro set, e a pesar de que o equipo era a primeira vez que xogaba despois da súa renovación, o X.A.V. raiou a perfección e venceu con autoridade ó igual ca no segundo set. Xa no terceiro e último ac ousa estivo un pouco máis disputada pois tras acadar un parcial de 8-17 a favor, as cambadesas cederon un pouco e cometeron algúns erros na recepción e no ataque o que foi aproveitado polas de Bertamiráns que se aproximaron no marcador ata o 17-21. Finalmente,despois de pedir un tempo técnico, a adestradora Paula Rial aleccionou as súas xogadoras e compañeiras que voltaron ó terreo de xogo coa cabeza posta na vitoria.

Xogaron Susana Falcón, Lidia Gómez, Mariel (capitá) e Raquel Oubiña, Paula Rial, Aida e Fátima Cortegoso, Salomé Lois, Celestina Padín, e Tania Mondragón (xuvenil).

O fin de semana que ven verémolas na casa contra un duro rival, o EMEVE B de Lugo.

CADETES:

LOCAL                                  RESULTADO .                     VISITANTE                         SETS

Xuvenil Teis  A                   3-0                                          XAV Cambados                   25-13/25-10/25-22

 

Lamentablemente as cadetes afrontaron o seu primeiro encontro (coas baixas das lesionadas Iria Cochón e Aida Vidal) contra as viguesas que se impuxeron con autoridade no primeiro e no segundo set diante da súa nutrida afección.

Xa no terceiro, as nosas xogadoras saíron a loitar ata o final decatándose de que a a opción que lles queda nesta competición é só unha: pelexar e facer o seu mellor xogo, deste xeito amosáronse máis seguras no saque e  na recepción e acadaron un merecido parcial de 21-21 nun apertado set que finalmente gañou o Teis.

Participaron Sara Baña, Fuen Buceta, Mariña Charlín, Cris Cores, Clara Fernández, Nicole Magariños, Romina Molares, Aida Rey e Paula Serantes (capitá) e as infantís Bibi Silva e Tuti Vilanova. Tamén queremos darlle especialmente ánimos

INFANTÍS

LOCAL                                  RESULTADO       VISITANTE                         SETS

Xuvenil Teis                        1-3                           XAV Cambados A             24-26/9-25/25-21/11-25

Saíron á cancha Tuti Vilanova, Bibi Silva (capitá), Claudia Cores, Celia Bao, Mariña Durán e Carmen Cortegoso, que gañaron o primeiro set nun duro final. No segundo set, entraron Lara Diz por Claudia e Iria Martínez por Celia; gañaron con facilidade. No terceiro set, as novidades foron Sandra Moares, Rita González e Marta Palacios. Pese ós esforzos das rapazas de Teis, o noso equipo gañou con autoridade o cuarto set. O fin de semana que ven contra o Ribeira Sacra A hai que seguir mellorando.

 

A próxima xornada cadetes e infantís xogan na casa contra o Ribeira Sacra A, un dos rivais máis fortes das súas respectivas competicións. Os encontros celebraranse tralo partido do primeiro equipo do X.A.V. o domingo ás once no Pavillón Municipal do Pombal.

Pola súa banda o equipo xuvenil fai a súa estrea na liga zonal ás 17:30h do sábado no pavillón do Cabanillas e medirase co cadro do C.V. Noia.

Máis información en http://xavcambados.blogspot.com/

Unha crónica de Suso Bao.

 

Cambados 28 de outubro de 2009

VAIA FOTAZO

TITA A DE MANOLO, AUTORA DA FOTO

Posta de sol en Vilanova.

"Tita a de Manolo" autora de foto.

A veces non hai que ser un gran profesional para sacar unha excelente foto, e aquí temos o exemplo a cambadesa “Tita a de Manolo” que cumple o seu exilio matrimonial en Vilanova, e dende a parte traseira da súa casa s quitou a  excepcional foto que podedes ver máis arriba ¿Quen da máis?

 

CURSO MONITOR TEMPO DE LECER “ACTIVATE”

Organizado pola Deputación de Pontevedra e o Concello de Cambados no centro cultural de A Merced os venres 30 de outubro, 6, 13 e 20 de novembro de 17 a 20.30 horas e os sábados 31 de outubro e 7, 14 e 21 de novembro de 9.30 a 13.30 horas.

Cambados 27 de Decembro de 2009

MANOLO “O PORTUGUÉS” UN GRAN HOME

FOISE CALADIÑO RODEADO DOS SEUS.

Aqui vemos a Manolo nun momento feliz en Cambados a donde acudia visitar o seu fillo e os amigos deste.

Manuel Dominguez “O Portugués”, pai do noso “Domin” abó de Jacobo e de Alberto, foise sen facer ruido. Este home traballador incansable, taxista, hostaleiro, facia de todo un pouco…, deixonos para sempre. Calquera de Cambados que fora a Palas e parara na casa do Portugués tiña as portas abertas para todo, comida, bebida, descanso, encantaballe que tanto o seu unico fillo como os seus netos levaran xente, notabaselle na cara a súa alegria e gozaba da nosa compañía. Os que lle queiran dar o seu derradeiro adeus poden facelo mañan en Palas de Rei as 17.30 horas. ¡¡¡Ata sempre Manolo!!!.

Cambados 27 de outubro de 2009

II XUNTANZA DE AMIGOS DAS CANLES GALEGAS YOU TUBE

A PRENSA DE AROUSA FAISE AMPLO ECO

  

Os tres medios de comunicacións máis importantes de Arousa,  La Voz de Galicia, Faro de Vigo e Diario de Arousa, fixeronse amplo eco do acontecemento que vai organizar Unha Grande Chea, e que vai trair a Cambados xente de todos os puntos de Galicia. A II Xuntanza de Amigos das Canles Galegas You Tube, vai ter lugar no nosa vila co programa de actos que podes ver o principio deste espazo e vai ter como punto máis culminante a Gran Gaiteirada que vai haber despois do xantar, canles tan tipicas como Xoanarcodavella, Papigil, Edelmiro 007, xa están anotadas e esperamos moitas máis.

Cambados 26 de outubro de 2009

O DIA GRANDE JACOBO DOMINGUEZ TODO UN ÉXITO

A EXPOSICIÓN E O LIBRO DE JACOBO CAUSARON SENSACIÓN

O DOCUMENTAL ELABORADO POR CHOURIZO FILMS EMOCIONOU.      

Portada do libro de Jacabo Dominguez sobre a Juventud

Decenas de persoas déronse onte cita no edificio da Xuventude, o auditorio municipal de Cambados que noutras épocas foi sede do movemento de Acción Católica. O motivo non era outro que festexar o 75 aniversario do inmoble e o 80 aniversario da que foi, sen dúbida, unha das asociacións máis activas da localidade. Para iso elixiuse un 25 de outubro, data na que antigamente Cambados festexaba o Día de Cristo Rei. Da parte histórica encargouse Jacobo Domínguez Pedreira, que elaborou un libro, unha exposición e un documental na compaña de Chourizo Films e do seu director Rodrigo Piñeiro que recollen as mellores épocas e historias deste inmoble. Da emotiva, os mozos doutras épocas, que subidos ao escenario interpretaron poemas, tal e como se facía nos anos 30 e 40.

  

Jacobo Domingo con Rodriño Piñeiro de Chourizo Films elaboraron o documental.

O edificio da Xuventude forma parte activa da historia de Cambados. Construído por peditorio popular, poucas entidades tiveron tanta forza nesta localidade como o movemento de Acción Católica, promotor e propietario inicial destas instalacións. O inmoble foi construído nun terreo que María Valvanera Izquierdo , marquesa de Figueroa, cedeu aos veciños. Era unha parte da horta do antigo pazo de Bazán, hoxe en día Parador de Turismo. Nesta transacción tivo moito que ver Dolores do Val, alcumada A Francesa , que tamén contribuíu cunha partida económica. Na súa construción «participaron todos os mozos da localidade», asegura o historiador Jacobo Domínguez. Estas e outros moitas historias son recollidas no seu libro «A Juventud de Cambados, 75 anos de historia», cuxa presentación serviu para render homenaxe a esta parte tan importante da historia deste municipio.

Un intre na inaguración da exposición

UNHA IMPORTANTE ASOCIACIÓN

Ás sete da tarde, o agora auditorio da Xuventude abriu as súas portas para mostrar unha exposición que trata de recompilar 80 anos de historia. Son imaxes da asociación Acción Católica, que se implantou na localidade en 1929. Promovida polo cura Jesús Rodríguez Cadarso, pronto se converteu nunha das máis importantes de Galicia e na organizadora de boa parte da vida cultural da localidade. Foi a primeira agrupación das súas características en dispor dunha sede como A Xuventude en toda España. Tiña un auditorio para 500 persoas -o dobre de capacidade do que ten agora o de Cambados- e no seu interior proxectábanse películas de cine -despois de que estas pasasen a censura-, celebrábanse veladas musicais e xogábase ao parchís, «porque as cartas dicían que eran perigosas», argumenta Domínguez.

Ernesto Falcón, Juan Silva e Piluca Cunqueira, entre outros, nunha actuación na Xuventude.

A mostra recolle aquelas imaxes que forman parte do recordo de moitos veciños da localidade, pois houbo épocas nas que a vida social non existía á marxe desta entidade. Tamén, obxectos curiosos, como as insignias ou as cuncas que utilizaban para o almorzo, así como roupas do párroco. «Todo o mundo estivo vinculado á Xuventude nalgunha época porque era o que había durante corenta anos», asegura Domínguez. Desta contorna xurdiron diversos clubs deportivos da localidade, como o de fútbol ou o de baloncesto. Domínguez e Rodrigo Piñeiro son tamén autores dun documental. Nel, o veciños da localidade rememoran historias sobre este inmoble e sobre Acción Católica.

Para terminar coa homenaxe, mozas doutras épocas subíronse ao escenario. Acompañados de profesores do conservatorio leron e escenificaron diversos poemas, tal e como fixeron fai agora varios anos neste mesmo espazo. eles tamén foron parte da historia da Xuventude.

Cambados 25 de outubro de 2009

COCTEL DE NOVAS

DO TEATRO O ALBARIÑO

 

TEATRO

Onte tivemos a sorte de asistir a estrea de obra “La Casa de Bernarda Alba”, por parte da Escola Municipal de Teatro, temos que dicir e aparte dos nervos da presentación ante o gran público, que poidemos gozar dunha noite de teatro , unha boa interpretación e unha boa posta en escena, quedamos sorprendidos gratamente sobro todo de rexistro que poden acadar algunhas persoas a hora de interpretar, dentro do bo ton xeral das interpretacións, xa que todas as actrices raiaron a gran altura destacar o papel da aztriz que facia de nai de Bernarda Alba, excepcional interpretación a desta muller. Se hai algo que criticar e a pouca experiencia teatral do público o rirse en escenas dramáticas, pero esto non deixa de ser anécdotico.

 

 

RETRANCA

Se estades interesados en apadriñar unha páxina da revista de humor galego "Retranca" de Kiko da Silva por só 5 euros, podedes contactar coa libraría Ramón Cabanillas no tel.986 542952. Se o facedes estardes contribuindo a que unha revista de humor en galego siga manténdose no mercado por moito tempo. 

 

ANISIA MIRANDA

O outro día foi o pasamento da escritora Anisia Miranda, muller do gran escritor galego X.Neira Vilas. Os dous escritores foron homenaxeados en Cambados en xaneiro de 2007. Neira Vilas no seu último libro titulado "Lóstregos", adícalle un dos artigos a esta homenaxe e a súa visita casa museo do poeta cambadés, titulado "Na terra de Ramón Cabanillas", que remata decindo: "Foi moi reconfortante esta viaxe a Cambados".

 

  

 

CANDEA

O luns comezan as II Xornadas “Cabanillas na Escola”.

As persoas que non se matriculen poden asistir a algunha actividade libremente, e máis concretamente as seguintes

CONFERENCIAS:

Luns 26, ás 19 horas:

Cabanillas tradutor. Esperanza Mariño

Xoves 29, ás 18,30:

Ramón Cabanillas e a construción dunha Patria e unha Lingua. Francisco Fernández Rey

Xoves 29, ás 19,30:

PRESENTACIÓN DO LIBRO: Agoiña milagreira. Tomás Ares Güimil (TESAL)

Venres 30, ás 16,30: Ruta polo Salnés e visita ao Pazo Barrantes (Manuel Núñez)

 

 

AUDIS

Onte podia ver esta curiosa estamba na Praza de Fefiñas, todos os coches aparcados son de marca Audi, o parecer habia unha concentración en el algún lugar preto da nosa vila e fixeran a correspondente parada nunha das Prazas máis bonitas de Galicia.

 

 

VIÑOS

A Adega Martin Codax acaba de lanzar o marcados tres viños con tres nomes ven curiosos que son Alba unha nova marca de Albariño da adega, Anxo un raxul afrutado e exquisito e Mara un godello tamén de moi boa calidade podelos catar onte no Restaurante Pandemonium de Cambados.

Cambados 24 de outubro de 2009

ISI VAAMONDE CONSIGUE O TOP OURO

QUEDA ETERNAMENTE AGRADECIDO A CAMBADOS E COMARCA

AS  PAXINAS PRIVADAS MÁIS IMPORTANTES DE CAMBADOS AOPIARONO A FONDO.

www.cambados.tk, www.cambadosweb.net , http://www.rifrockerz.blogspot.com/ e www.unhagrandechea.org.es, fixeron todo o posible para que o noso paisano Isi Vaamonde conseguira o Top Ouro do Top 20 música do famoso portal http://www.20minutos.es/  e máis concretamente en http://www.20minutos.es/musica/top/  , o estar tres semanas consecutivas de número 1, conseguiu preto de 2000 votos. A ver si esto lle sirve para lanzalo a fama e darse a coñocer a nivel estatal, dende logo que calidade non lle falta. Parabéns Isi, e aquí nos tes para o que faga falta.

 

Cambados 23 de Outubro de 2009

DÚAS “ACTRICES” DE CARACOL “PÁSANSE” A ESCOLA MUNICIPAL

MONTSE GONZALEZ VILAS E ROSA MARY DEBUTAN EN “LA CASA DE BERNARDA ALBA”

QUE SE ESTREARÁ O VINDEIRO 24 DE OUTUBRO AS 20.00 HORAS NO AUDITORIO DA XUVENTUDE.

Montse e Rosa Mary.

Dúas das principais actrices de Caracol, unha delas é a primeira actriz Montse Vilas  na compaña da actriz secundaria Rosa Mary pásanse a Escola Municipal de Teatro, e con esta compañía van debutar o vindeiro 24 de outubro  na obra “La Casa de Bernarda Alba”. Montse de forma accidental, alo menos é o que nos dixeron,   e por unha baixa dunha das actrices da obra e por consello de Rosa Mary, esta sen embargo forma parte xa das dúas "compañías". Dende aquí desexámoslle sorte as dúas e por engadidura a Escola Municipal de Teatro na estrea desta importante obra.

Cambados 22 de outubro de 2009

UNHA GRANDE EXPOSICIÓN DE  JACOBO DOMINGUEZ

CONMEMORATIVA DO 75º ANIVERSARIO DO EDIFICIO DA JUVENTUD CATÓLICA

O VINDEIRO DOMINGO 25 DE OUTUBRO ÁS 19 H., INAUGURACIÓN.

     

1.- Jacobo Dominguez "alma mater" da exposición. 2.- Chopi e Chon vistindo a camiseta da Juventud T.A.C nos seus tempos mozos.

 

O vindeiro domingo 25 de outubro as 19 horas vai ter lugar un dos actos mais importantes a celebrar este ano en Cambados, trátase da inauguración da exposición conmemorativa do 75º aniversario da construción do Edificio da Juventud Católica. Esta magna exposición ten un nome e non é outro que o do historiador cambadés Jacobo Domínguez Pedreira, fixo un traballo impresionante de recollida de documentos, testemuños, fotografías, datos, anécdotas en fin varios meses de traballo van ver a luz o vindeiro domingo. Con todo este traballo Jacobo tamén presente un libro conmemorativo do evento, de seguro que llo van quitar das mans.

 

Dia de Cristo Rey de 1975, de pe de esquerda a dereita: Pepe Cubeiro, Andrés Vieites, Oscar Fariña, Chon, Reboeiras, Jose Luis e Piño (falecido). Agochados: Ramón Padin, Sanchis e Eduardo.

Equipo da Juventud T.A.C. 1975, de pe de esquerda a dereita: José Luis, Reboeiras, Eduardo Toniño, Andrés Ramiro. Agochados: Pepe, Sanchis, Roberto, Chon e Egidio.

 

Os que temos máis de corenta e cinco anos e podemos gozar da Juventud Católica sabemos o ben que o pasamos nese edificio , foron varias xeracións de xoves cambadeses que gozaron do edificio. Explicarllo os xoves de hoxe é un tanto difícil, porque agora teñen discotecas, pubs, consolas, ordenadores, infinidade de deportes etc. Pero antes non tiñamos nada  e poder estar na rúa de 7 a 11 da noite todos os días sen que teus pais che dixeran nada e aínda encima estar reunidos todos xuntos homes e mulleres , iso non había cartos que os pagara.  Dicir que neste edificio naceu o Club Juventud Cambados, o “Xuven”, o Club de Tenis, e moitos matrimonios.

 

1.- Procesión de Cristo Rey de 1976.- De esquerda a dereita, Chon, Eduardo, Roberto, Reboeiras e Oscar. 2.- Cabalgata de Reis de 1976, organizada pola Juventud, Chon de Rei Mago.

 

Dentro dos numerosos actos tanto relixiosos como pagáns que se van celebrar  neste 75º aniversario da Juventud Católica vai haber unha xantar de confraternidade o vindeiro 22 de novembro as 14.30 horas no Restaurante Forniños de Cambados no que poderán participar todos os que dun xeito ou doutro estiveron ligados a este edificio. Pódense retirar as entradas na Caixa Rural (antigo Banco Zaragozano). Todos os que algún dia gozamos deste magnifico edificio agradecémoslle a Jacobo Domínguez Pedreira, o seu traballo, a súa intelixencia, a súa dedicación e por suposto esta magna exposición. Él e só él é o verdadeiro artífice da mesma.  Parabéns Jacobo.

Cambados 21 de Outubro de 2009

O BOSQUE MÁXICO DE TEATRO CARACOL

A COMPAÑÍA DE CAMBADOS COMEZA O TRABALLO DA SÚA OBRA DESTE CURSO ESCOLAR

 

Chon, Montse e Dominguez nun intre da obra do ano pasado. Este ano Caracol non contara con Dominguez por motivos personais.

Unha bruxa enfeitiza a unha parella de panadeiros para que non poidan ter fillos. Para romper o maleficio, ambos terán que penetrar nun bosque e superar unha serie de probas. No seu camiño atoparán a personaxes dos contos populares centroeuropeos, como a Carrapuchiña Vermella ou a Cincenta. Este é o punto de partida de "Dentro do bosque", unha opereta de Stephen Sondheim que este curso versiona Teatro Caracol. A compañía empezou estos días o traballo e abriu o prazo para que os colexios e institutos do Salnés reserven praza para as funcións de abril.

A compañía Teatro Caracol vén de iniciar o traballo para o seu espectáculo deste curso 2009 –10. Desta volta, o grupo escolleu a obra "Dentro do bosque", escrita a finais dos anos setenta polo norteamericano Stephen Sondheim.
A directora de Caracol, Olga González, explica que se trata dunha opereta que obtivo un premio Tony –os Óscar dos musicais– nos anos oitenta, e que "parte dos contos populares dos irmáns Grimm para falar dun xeito irónico dos comportamentos dos adultos respecto ós desexos de cada un".
A peza que porá en escena Teatro Caracol é unha versión especialmente pensada para os nenos da obra de Sondheim, elaborada pola propia Olga González.
A trama arrinca con dous personaxes, unha parella de panadeiros que non teñen fillos por culpa do feitizo dunha bruxa. "Para romper o maleficio –conta Olga González– teñen que adentrarse nun bosque, no que coñecerán ós demais personaxes", entre os cales se atopan a Carrapuchiña Vermella ou a Cincenta. A medida que avanza a acción, os panadeiros decátanse de que o cumprimento dos desexos sempre ten consecuencias, e que a veces non son positivas.
A directora da veterana compañía de teatro de Cambados explica que "Dentro do bosque" aborda "o que pasa despois do foron felices e comeron perdices", e que amosa que en ocasións "os príncipes azuis dos contos destiñen".
Como todos os anos, Caracol está traballando no salón de actos do instituto cambadés Francisco Asorey, que é tamén onde realizan as representacións para o público escolar. O pasado ano case unha vintena de colexios e de institutos da zona –a maioría do Salnés– puideron ver a obra de Caracol, e este ano xa está aberto o prazo para que os centros educativos se poñan en contacto con Olga Costa para reservar praza nas funcións, que serán en abril de 2010.
Como todos os anos, o espectáculo de Teatro Caracol combina música e coreografías de baile con teatro de actor e moito humor. O autor escollido nesta ocasión, Stephen Sondheim, é tamén o autor da música dunha das películas máis coñecidas de Tim Burton, "Sweeney Todd: o barbeiro diabólico", e en 1990 gañou o Óscar á mellor canción orixinal pola de "Dick Tracy".
Caracol é unha compañía creada hai xa 17 anos por un grupo de pais de alumnos de Cambados como homenaxe ós seus fillos. Este ano subirán ó escenario 18 actores.

ANXO MARTÍNEZ.- FARO DE VIGO 

Cambados 20 de outubro de 2009.

XORNADA DA MEMORIA HISTÓRICA NO GROVE

A REPRESIÓN FRANQUISTA: ENTRE A LIBERDADE DE INFORMACIÓN E O DEREITO AO HONOR

”CALLAR AL MENSAJERO” E “ROCÍO” A DEBATE NO GROVE O XOVES 22 DE OUTUBRO ÁS 20 H.

1.- Francisco Espinosa.- 2.- Dionisio Pereira.- 3.- Antón Mascato.

A concellería de cultura do Concello do Grove organiza unha xornada de debate arredor da Memoria Histórica, concretamente sobre a represión dos investigadores, dos historiadores, sobre os que se intenta manter o silencio, cando non o medo.

Esta actividade consta de dúas partes, a primeira será a presentación do libro “Callar al mensajero”, do catedrático Francisco Espinosa, no que se analiza o intento de silenciar aos investigadores levándoos aos tribunais de xustiza por recolleren as voces dos represaliados. Na obra son doce os casos descritos con precisión, entre os que se analiza o que afecta á familia de Ramón Garrido Vidal, á que un Xuíz de Cambados lles pechou -sen sequera escoitalos- a web na que incluían a memoria escrita do seu pai, nunha acción promovida polos descententes do ex alcalde grovense Joaquín Álvarez Lores.

Outros casos analizados son os do historiador Dionisio Pereira, absolto das acusacións da familia do excalde falanxista de Cerdedo; ou o da directora de Documentais da Televisión catalana, Dolòrs Genovés, tamén absolta de graves imputacións nas que sinalaba aos responsables do fusilamento dun político catalán; casos que demostran que a liberdade de investigar, o dereito a saber quen foron os represores, está por riba do dereito ao honor que reclaman as familias dos responsables da represión que asolou a nosa historia recente.

Nesta obra do profesor Espinosa, O Grove está moi presente xa que tal e como el mesmo dí na súa introdución "o antecedente inmediato deste libro foron as xornadas que se celebraron no Grove en setembro de 2007 co título “A represión en Galiza; o dereito a saber, e a liberdade de investigar”, que reuníu á maior parte dos afectados por demandas relacionadas co dereito ao honor; unha ocasión única para percibir o problema e contactar cos protagonistas deste libro". Temos neste libro as conclusións principais daquelas xornadas que marcaron un camiño de respecto para o coñecemento da Historia oral en relación coa represión franquista.

A segunda parte desta xornada será a proxección da película máis censurada da historia da democracia española, “Rocío”, de Fernando Ruíz Vergara, que despois de ser xulgado por enfocar, e identificar, aos responsables dos crimes acontecidos nos anos da Guerra Civil nos lugares nos que se celebra a romería máis simbólica de Andalucía, tivo que padecer que a súa obra fose amputada pola lexislación vixente na transición. Fernando Ruíz decidíu entón que non se daban as condicións de liberdade e democracia, para continuar vivindo en España, polo que decidíu marchar ao exilio, en pleno proceso de Transición democrática. Unha película que supón por si soa un completo exercicio do estado da situación deste asunto que se move entre o dereito a investigar e informar e o dereito ao honor das persoas implicadas en feitos delictivos.

Ao remate haberá un coloquio cos participantes na actividade.

Esta xornada celebrarase na Casa da Cultura Lueiro Rey, o xoves 22 de outubro, ás 20.00 horas da tarde, e na mesma participan Francisco Espinosa, autor de “Callar al mensajero”; Dionisio Prereira, historiador; e o concelleiro de cultura, Antón Mascato.

Cambados 19 de outubro de 2009

MANOLO PAZ “GALEGO DO MES”

NOMEADO POLO GRUPO CORREO GALEGO

FÁIXELLE ENTREGA DO GALARDÓN O VINDEIRO XOVES

 

O chalequeiro de Unha Grande Chea, Manolo Paz, amigo e escultor ilustre de fama mundialmente coñecida , foi designado “Galego do mes de Maio” polo Grupo Correo Galego.Este grupo designa nunha gala , esta ano acada a 20ª edición, os galegos do ano 2009 no mes de maio este ano o galardón recaeu sobre o noso ilustre paisano, entre outros galardoados atópanse o ex-presidente da Xunta Xerardo Fernández Albor, a actriz María Castro Jato ou o escritor Xosé Neira Vilas. O acto o cal está invitada a Asociación Unha Grande Chea, terá lugar o vindeiro 22 de Outubro ás 20.00 no Pazo de Congresos e Exposicións de Galicia en Santiago de Compostela, o mesmo será clausurado polo Presidente da Xunta Alberto Núñez Feijoo e actuará o Grupo de Cámara da Real Filharmónica de Galicia. Parabéns o noso ilustre chalequeiro.

Máis información prmendo AQUÍ.

Cambados 17 de Outubro de 2009

“O CINE EN CAMBADOS” XA ESTÁ NAS LIBRARIAS CAMBADESAS

ONTE FOI A SÚA PRESENTACIÓN NA ADEGA MARTIN CODAX

ADELA LEIRO E MIGUEL ANXO FERNÁNDEZ FORON OS PRESENTADORES DO LIBRO

   

Sabela Pillado presenta o seu libro sobre a evolución histórica do cine en Cambados
Sabela Pillado Villaronga presentou onte o seu libro titulado “O cine en Cambados”, un esmerado traballo de 120 páxinas no que fai un percorrido pola importancia que tivo a sétima arte na capital do albariño ao longo dos anos.
A autora expuxo que o libro divídese en dous partes, unha na que se fai un percorrido pola historia dos cinematógrafos e as salas de cine en Cambados desde a primeira en 1909 ata a última, o Cine Avenida, en 1999. A segunda parte céntrase principalmente nas películas nas que sae Cambados, así como os actores que visitaron a vila. Cabe destacar que a Praza de Fefiñáns é a que máis saíu nas longametraxes.
Pola súa banda, Adela Leiro, presidenta da Asociación de Ensinantes do Salnés e editora do libro, manifestou que dentro da idea de promocionar os traballos sobre a historia local e comarcal “pareceunos interesante este documentado traballo que recolle a historia do cine e dous cines en Cambados”. Tamén agradeceu a colaboración de Isidro Dozo, que deseñou a portada, e de Miguel Anxo Fernández, quen destacou “a importancia dás historias locais e do traballo de investigación realizado por Sabela Pillado”. Na presentación, Benxamín Rei realizou unha montaxe de secuencias de películas referidas a Cambados.

 

 

MÁIS COUSAS HOXE SÁBADO

Hoxe tamén comeza en Cambados un curso de “Habilidades sociolaborais e administrativas” no Centro Cultural de A Merced e que se alongará ó 24 e 31 de outubro de 17 a 20 horas. A partires das 23 horas no Centro Cultural “Manuel Mariño Castro” de Oubiña e organizado pola Asociación de Veciños San Vicente vai ter lugar un Serán no que actuan ata des grupos no que se inclue comida e bebida, entre eses grupos está o noso,  o Grupo de Gaitas Unha Grande Chea e Asociación Obradoiro Volandeira,  e por último no Auditorio da Xuventude ás 23.00 horas concerto do grupo de Pop Rock “Marvel” .