NESTAS FESTAS : PÀNXOLIÑAS, TURRÓN E CURTAS NO NADAL NO C.C. SALNES.

Curtas no Nadal 07 é un proxecto da Consellaría de Cultura e Deporte da Xunta de Galicia, a través da Axencia Audiovisual Galega, coordinado e xestionado por Mr.Misto Films, que na súa segunda edición vai encher o noso Nadal de curtametraxes.
O programa de exhibición de curtametraxes Curtas no Nadal 07 pretende converterse no principal evento audiovisual do país. Un proxecto que vai levar unhas 50 curtas feitas en Galicia por todo o territorio, con presenza na totalidade de comarcas galegas, creando deste xeito un circuíto de cinema alternativo ao das salas comerciais que vai percorrer Galicia.
Curtas no Nadal 07 xorde tanto da necesidade de ofertar un cinema diferente ao que chega ás pantallas comerciais, como da posibilidade de difundir traballos de curta duración que, doutro xeito, non teñen espazo de difusión.
Todos os títulos exhibidos son de produción galega. A intención é achegar ao grande público a curtametraxe e dignificar o xénero.
Esta actividade baséase no desexo da Axencia Audiovisual da Consellería de Cultura e Deporte por vertebrar unha programación regular de curtas galegas en vilas e concellos que teñen dificultades de programación audiovisual.
Deste xeito toda a poboación que participe nesta rede, poderá desfrutar dunha programación audiovisual de calidade.
Na súa meirande parte son espazos hostaleiros e centros sociais e culturais, unha irradiación de proxeccións que irán a ocupar o baleiro que deixa a extinción do cinema comercial en vilas pequenas. Recobrar a costume de ir a ver películas en comunidade e, aínda por riba, cando máis apetece, co frío do inverno, isto poderase facer coas Curtas no Nadal. Deste xeito conséguese achegar ao grande público un formato diferente, a curtametraxe, que polo xeral non conta con espazos de difusión regular.
Curtas no Nadal 07 pretende dar saída á gran cantidade de traballos audiovisuais de curta duración que existen no país e que doutro xeito non chegarían ao público. Así a curtametraxe chega ao grande público e conséguese dignificar o xénero.
O programa Curtas no Nadal 07 está composto de xeito íntegro por curtas feitas en Galicia. Máis de 50 novos cineastas van ter a oportunidade de que os seus traballos se vexan ao longo de toda Galicia.
No Centro Comarcal do Salnés, as proxeccións arrincaran o venres 4 de xaneiro ás 18:00 h., cunha sesión destinadas a todos os públicos, e continuaran o sábado 5 de xaneiro ás 11:30 h. da mañan, cunha proxección especifica para os máis cativos do Salnés.

-----------------------------------------------------------

IRIA RIBADOMAR AMOSANOS O SEU TRABALLO.

Iria Ribadomar ofrecenos o seu traballo consistente en interiorismo e murais en  www.mundofotos.net/iriaribadomar , un traballo digno de admiración. Ademais tamén nos fai saber as derradeiras novidades en debuxos e pinturas na seguinte ligazón www.mundofotos.net/iru .

O MELLOR REGALO PARA UN CINÉFILO: “RODADO EN GALICIA” DE Miguel Anxo Fernández.

Miguel Anxo Fernández e un home polifacetico donde os haixa, entre outras facetas foi profesor de C.I.P. de Castrelo durante moitos anos, prologuista do noso libro "UNHA GRANDE CHEA 20 ANOS DE TROULA" e amigo noso.

• O volume recolle todas as rodaxes de ficción realizadas en Galicia dende o ano 1916 ata a actualidade
• É unha iniciativa da Secretaría Xeral de Comunicación a través do Consorcio Audiovisual de Galicia e o Foro Galego do Audiovisual, coeditores do mesmo
• O coordinador do volume, Miguel Anxo Fernández, destaca que se trata dunha iniciativa pioneira no Estado que demostra que hai “sensibilidade e posibilidades reais de entender o país como un plató de cine”

O secretario xeral de Comunicación, Fernando Salgado, asegurou na presentación do volume Rodado en Galicia, que este proxecto “único no Estado”, contribuirá a afianzar a nosa comunidade como plató de cine ao tempo que consegue a proxección internacional do sector cinematográfico galego.

Rodado en Galicia é un histórico de máis de 170 rodaxes de ficción, concretamente 174, en formato longametraxe filmadas na xeografía galega, integra ou parcialmente, entre o ano 1916, con Miss Ledya de José Gil, ata a actualidade, con Los Girasoles Ciegos, filme que José Luis Cuerda vén de rodar na nosa comunidade.

Rodado en Galicia é un volume gran formato de 625 páxinas sen precedentes no contexto cinematográfico español. Fernando Salgado destacou na súa intervención o feito de que este libro se atopa en permanente reciclaxe. Así, referiuse ás novidades e ampliación no contido, con respecto á edición anterior. Trátase, incidiu, “dunha obra nova, con continuidade, que medra por diante e por detrás”.

Miguel Anxo Fernández destacou que o libro se acompaña dun dvd no que se inclúe a listaxe das películas coa ficha ténica, artística, a sinópse e os lugares de rodaxe das películas.

------------------------------------------------------------

UNHA GRANDE CHEA TV, presenta:

"LO DUDO"

Seguindo cos vídeo clips das nosas cancións, desta vez tócalle o "Lo dudo" unha versión de UNHA GRANDE CHEA de afamada cancións de "LOS PANCHOS", creemos que un bo agasallo de Nadal. Pedimos perdón humildemente a "Los Panchos" por estropearlle a canción:

       

O venres 28 ás 21,00 horas no Auditorio da Xuventude, Kiko da Silva (http://kikodasilva.blogspot.com/ )  presentará o numero 2 da nova revista de humor en galego RETRANCA. Esta presentación estaba programada para facer nalibraría Contos, pero ó coincidir coa proxección de Chourizo Films, puxémonos de acordo con eles para facer a presentación da revista, e a continuación a proxección.
Kiko da Silva, é un dos debuxantes mais importantes do país. Colaborador nas re vistas "El Jueves", "Capital"; escritor  de libros das editoriais "Kalandraka", "Galaxia"; un dos creadores da revista
Bdbanda,acadando varios premios no Salón do Comic de Barcelona,
tamén foille concedido o premio X.M.Pintos do Concello de Pontevedra na última edición.Libros como "Moncho e a mancha" ou "Cando Martiño tivo ganas de mexar na noite de reis", este último
con texto de Chema Heras, foron traducidos a outros idiomas.
agora impulsa unha nova revista de humor en galego: RETRANCA.
Un proxecto moi arriscado, pero Kiko é así de atrevido.

UNHA INFORMACIÓN DA ASOCIACIÓN DOS LIBREIROS DE CAMBADOS.

------------------------------------------------------------

Cumprimos o segundo ano de vida "na rede", e modestia aparte, non nos foi nada mal, estamos preto das 100.000 entradas, viron na nosa páxina en you tube máis de 40.000 persoas, o fotolog é un dos máis visitados, temos unha páxina de música, pero sobre todo e iso é o noso activo máis importante e que vos temos a vos que sodes os que nos facedes mellorarnos , dentro do posible, día a día. Grazas a todos por estar aí no outro lado do ordenador, grazas as nosas páxinas amigas, grazas os colectivos amigos. E como dixo Francisco Rodriguez no parlamente español "SAUDE E SORTE".

-----------------------------------------

DIARIO DE AROUSA VEU ASÍ A NOSA PARTICIPACIÓN NA HOMENAXE O HIMNO GALEGO NO COLEXIO DE SANTO TOME.

-----------------------------------------

Cascallar autor de dous goles. E a Cesta de Nadal que sortea o Club Juventid Cambados, e que se pode ver en Establecimientos Otero

O Cambados disputou un partido que nunca debeu perder. Perante o penúltimo clasificado na liga o Arbo, non puido pasar do empate. Marcando tres goles fora da casa non se pode perder nin empatar un partido hai que gañalo e sobre todo diante dun rival candidato o ascenso. O Cambados segue a ter a súa sinatura pendente fora. A figura do partido foi Cascallar que marcou por dúas veces.A vindeira xornada temos un partido vital pos enfrontámonos o terceiro clasificado o Arcade o cal nos leva un punto. Na actualidade estamos quintos na clasificación a sete puntos do líder e a cinco puntos do segundo clasificado o Nigrán, non podemos perder logo o vindeiro partido.

-----------------------------------------------------------------------------------------------------------------------------------------

CAMBADOS B 9 SOBRADELO 2

Formacíón do Cambados perante o Sobradelo: De pe e de esquerda a dereita: Varela, Chopi, Alberto. Gabi e Gogo. Agachados: Noly, Pablo, Chon, Beni e Eulo.

Partido con pouca historia, pese a a haber empezado gañando o Sobradelo, non foi rival para o Cambados B, que si estivera un pouco máis fino a goleada puido ser de escándalo, ata se permitiron o luxo de fallar un penalti por parte de Pepe. A verdadeira proba de lume ven a partir de agora o Cambados na vindeira xornada enfrontase o Drakkar que última anda un pouco de capa caída e aí a sorprendente derrota perante o Armenteira, pero nunca se pode fiar un. Favoreceunos o empate entre o primeiro e segundo clasificado Bamio e Deiro, agora estamos a un punto do Bamio e a dous puntos do primeiro clasificado o Deiro, doutra banda lóxica a reacción do Zacande que xa está quinto con 28 puntos. De seguido podedes ver unha reportaxe de UNHA GRANDE CHEA TV:

-----------------------------------------------------------------------------------------------------------------------------------------

UNIÓN GROVE 1 - CAMBADOS INFANTIL 4 

O equipo Infantil A de o Club Juventud Cambados venceu o pasado sábado en Monte dá Vila ao Unión do Grove, rompendo a imbatibilidade meca e mantendo a súa, contando os seus once partidos por vitorias.
O resultado final dun a catro é xusto aínda que algo amplo, pois os locais deron a cara en todo momento, e en especial nos últimos 20 minutos de partido.
Iván adiantou aos amarelos na primeira xogada de partido, mentres que o mellor xogador azul, Adrián, conseguiu o empate mediada a primeira metade. Novamente Iván conseguiu o segundo gol cambadés pouco antes do descanso. Na continuación, un lanzamento de longa distancia de Manuel Somoza coouse pola escuadra local e, cando máis presionaban os grovenses, un contragolpe amarelo supuxo o cuarto tanto obra de Luís.
O Cambados formou con Isaac, Óscar, Borja, Miguel, Fran; Yosua, Manuel; Marcos, Mario, Luís e Iván. Tamén xogaron Álvaro, Antón, Cristian e Martín.
Agora os infantís amarelos son primeiros en solitario con once vitorias noutros tantos partidos, sendo os que máis goles conseguiron (96) e os que menos encaixaron (7).

De seguido podedes ver unha reportaxe fofográfica do encontro:

Un traballo de M.A.P.P. e Amancio Horro.

------------------------------------------------------------------------------------------------------------------------
TENIS DE MESA

Unha nova xornada, e as boas novas non deixan de sucederse nos primeiros equipos de Cambados.
En 1ª división, victoria por 0-4 na casa do Narón T.M., no que destacou a victoria por 3-1 de Edu sobre Adrian Vidal, un dos mellores xogadores da categoría, que foi secundada polos solventes Karol e Jacobo.
Sufrida victoria en 2ª na cancha do Vincios por un axustado 3-4. Ñajo foi decisivo o aportar 2.5 ptos, os que Toni sumou 1.5, quedando Fer en branco. O equipo ponse 3º en solitario, a unha victoria do 2º, Monteporreiro a falta dunha xornada para rematar a 1ª volta.
Imparable é o único que se pode dicir do Caixanova, lider indiscutible da 1ª Galega, que voltou a vencer 4-0; e cada vez máis dificil a permanencia para o Xoiería Enrique que voltou a perder por 3-4 e segue afundido na última posición da categoría.
Derrota por 4-0 do equipo de 2ª galega que contaba ca importante baixa de Enrique Barreiro e nada tiveron que facer en Bimianzo.
Tamén derrota dos equipos de 3ª galega contra rivais superiores.
Con estes resultados párase a competición ata a volta do Nadal.
Felices Festas para todos en nome do Cambados T.M.

Unha colaboración de Quique Barreiro.

------------------------------------------------------------------------------------------------------------------------

BALONCESTO

XUVEN 82 - A SALLE 55

Tamén partido con pouca historia para o Xuven quen perante un rival de escasa entidade non tivo problemas para impoñerse por un 82-55, un resultado que o di todo. A Salle con cinco vitorias no décimo primeiro posto da clasificación fixo o que boamente puido. Grazas a iso o Xuven continua na segunda praza da clasificación a un soa vitoria do líder Pavillón quen precisamente perdeu o seu único partido cos cambadeses. Na vindeira xornada o domingo 23 os nosos desprázanse a Coruña onde terán un difícil rival o cal non pode perder senón descolgaría dos tres primeiros clasificados, un partido que promete.

O noso fotolog foi pechado por exhibir fotos artísticas do calendario a prol da Asociación Esperanza Salnés, estes americanos tan liberais como para ser a industria Nº 1 do mundo en materia pornográfica e logo résganse as vestiduras por un espido artístico e benéfico. Moléstanos pola cantidade de fotografías que temos colgado no mesmo  e que non podevemos volver a ver, pero pronto abriremos outro. Como todos sabedes o peche é por mor dalgunha denuncia dalgún usuario, hai que ser un pervertid@ para denunciar esta foto, pero de todo ten que haber polo mundo adiante. Grazas polas mostras de apoio amosadas por moitos de vos.

------------------------------------------------------------

UNHA GRANDE CHEA INVITADA  A PRESENTACIÓN DO PROXECTO "2009. ANO RAMÓN CABANILLAS"

A Asociación Cultural e Deportiva UNHA GRANDE CHEA foi invitada polo Alcalde de Cambados e pola Concelleira de cultura Ana Isabel Carro á presentación do proxecto "2009. Ano Ramón Cabanillas", que terá lugar no Museo do Viño de Cambados o xoves 13 de Decembro ás 19,30 h. No transcurso do acto celebrarase o centenario da publicación "El Umia" dirixida por Ramón Cabanillas en 1907.
Temos que dar grazas o concello e a comisión organizadora por esta invitación e por suposto non faltaremos o acto.

Monumento os "tertulianos" do "Café Moderno" de Pontevedra e na estampa están figuras de calidade humana e artística de Castelao, Paz Andrade, Cabanillas, Alexandre etc.

------------------------------------------------------------

O NOSO SECRETARIO "CHON" NO SUPLEMENTO "MÁIS CAMBADOS" DE  FARO DE VIGO

O texto di o seguinte: 50 anos, cáncer. Naceu en Triana, Cambados, lugar no que resideu toda a súa vida. Estudou na escola de Doña Antonia, Don Nazario e Viritas, antes de cursar bacherelato no I.E.S Ramón Cabanillas. Tres meses despois de rematar o servicio militar, marzo do 79, ingresaba na plantilla laboral do Xulgado  de Cambados, lugar onde leva case tres décadas traballando. Dende 1980 é secretario e coordinador da asociación Unha Grande Chea.

O seu prato favorito: Todos, máis se me teño que decantar por un , quédome coas ostras.

A súa bebida preferida: Albariño.

O útimo libro que leu: A nación galega existe, unha escolma de entrevistas  realizadas polo xornalista Xosé Mexuto ao deputado nacionalista Francisco Rodriguez.

Un disco: Unha semaniña enteira de Treixadura.

Unha virtude: A constancia.

Un defecto: Traballo moi pouco na casa, deberia axudar un pouco máis nas tareas domésticas.

Un desexo: Que ao XXX aniversario de Unha Grande Chea  asista o maior número posible de cambadeses.

Unha mañá de domingo ideal:  Levantarme a unha e disfrutar comendo coa miña familia. Xaquin Charlín é secretario e coordinador de Unha Grande Chea.

------------------------------------------------------------

O RECUNCHO DE DOMIN

Foto: www.cambadosenfotos.net

Na paxina  www.cambadosenfotos.net  ten unha sección adicada o noso bombeiro maior Domin denominado "O  recuncho de Domin" o cal podedes ver premendo directamente no seguinte enlace http://www.cambadosenfotos.net/domin-2.html  nel disfrutarás de fotos do noso compañeiro  e amigo,  e unha case espido integral (non a imos publicar aquí a ver se nos fechan tamén o blog)  así como caricaturas a toda cor. Canto lle temos que agradecer a Eduardo Apariz, é un fenómeno.

------------------------------------------------------------

ANTONIO GÓMEZ CHARLIN, UN ESCRITOR CAMBADÉS MOI PECULIAR.

Na primeira foto (de A Voz de Galiza) podemos ver a Antonio co seu novo libro, e na seguinte de porteiro coa "Selección de Portugal" (1990) o equipo, no que os compoñentes eran case todos de Unha Grande Chea e nel concretamente están: De pé: Geno, Antonio, Chon, Dominguez e Xaime Pillado; Agachados: Mon, Miguel Palacios, Salva, Hadrián e Javito.

 antonio lorenzo gómez charlín  escritor cambadés autor de «hai putas que teñen algo de santas»

 «Ou sexo e a prostitución só son un compoñente máis do libro»

A experiencia do autor á fronte de varias casas de citas de luxo volta a impregnar a súa terceira novela

Aos seus 35 anos, ou cambadés Antonio Lorenzo Gómez Charlín agarda a próxima chegada do 2008 coa satisfacción de ver publicada a súa terceira novela, Hai putas que teñen algo de santas . Facendo boa a máxima literaria de experimentar na vida para dotar despois de espírito a súa creación, ou autor volta a impregnar a súa máis recente proposta do pouso vital de tres anos á fronte de varias casas de citas de luxo na súa Canarias de adopción. Ata alí chegou este campión de España de maratón por equipos movido pola oferta laboral dá construción. Dez anos de peón de albanel que acabaron quedando atrás sen pena ningunha para probar non mundo dá prostitución, antes de recalar non motel de Adeje (Tenerife) non que traballa desde hai seis anos. Unha editorial arxentina decidíu apostar por Hai putas que teñen algo de santas . Suxestivo escaparate rodeado de chiscadelas ao lector, como a identidade do seu padriño, un diácono canario, ou a capacidade para predicir a rodaxe dá película de Vicente Aranda, Cancións de amor en Lolita's club .

-«Hai putas que teñen algo de santas». Un título sen dúbida provocador...

-A editorial arxentina que a publicou decidíu incluíla na súa colección de novela erótica. Pero eu entendo que ou erotismo, ou sexo e a prostitución só son compoñentes dá novela. Están presentes, pero como un elemento máis. Hai outras cuestións que son tan ou máis importantes na obra, como ou feito de ver como ou pasado axuda a configurar ou presente. Non meu libro conto a historia de amor entre un escritor e unha prostituta ao longo de 18 anos. Así comezo a reseña dá novela, na que tento transmitir a idea do amor e do sexo como fontes imprescindibles para sentirnos libres e vulnerables, pero tamén ou peso abafador do pasado e dous acontecementos azarosos e incontrolables que van construíndo ou noso presente. É un libro moi dinámico, moito mellor cós meus dous anteriores. Carmen Posadas , a gañadora do Premio Planeta 1998, díxome que é moi ousado. Eu non ou creo tanto...

-Cun título encabezado pola palabra puta conseguir que un diácono católico ou presente en sociedade é todo un golpe de efecto...

-Presentamos ou libro non mes de maio en Adeje. Alí hai un diácono, Manuel Gabriel Trujillo, pertencente á corrente dá Teoría dá Liberación, que antes de ser cura foi guerrilleiro en Venezuela, e que tamén dedícase a escribir.

-Voltando á apunta do seu libro, resulta sorprendente ler que ou seu protagonista dirixe a adaptación cinematográfica dá novela de Juan Marsé «Cancións de amor en Lolita's Club», película de Vicente Aranda (coa prostitución como parte do pano de fondo) que acaba de ser estreada...

-Eu rematei Hai putas que teñen algo de santas en agosto do 2006. Cal foi a miña sorpresa cando hai tres ou catro meses me enterei de que Vicente Aranda rematase a rodaxe dá película. A min gústame ou libro de Juan Marsé, e con boa ou mala sorte, quixen falar do na miña novela. E ata acertei non nome do actor que interpreta ou papel principal, Eduardo Noriega. Mesmo creo que tamén ou dá actriz. Na miña obra poño que é colombiana, pero como cando a escribín non lembraba ou nome, non ou puxen (Flora Martínez).

-A súa novela non se atopa en librerías...

-Non, agora só pódese mercar a través de Internet, na páxina dá editorial arxentina:  www.elaleph.com. Tiráronse 1.000 exemplares, pero xa se esgotaron en Canarias. As miñas dúas primeiras novelas publicounas a obra social de Caixa Canarias, pero non me gustou como as editaron e busquei unha alternativa. Entereime de que esta editorial arxentina tinga un selo, edicións deauno.com que coeditaba a autores. Eles cobren a metade dous gastos, e ou autor ten que correr co resto. Por sorte conseguín a axuda dunha librería de Tenerife, Todo Hobby.

-E xa está de novo mans á obra. ¿Ou seu próximo traballo seguirá a liña de «Hai putas que teñen algo de santas»?...

-Xa teño moi avanzada a cuarta novela, e conto con tea publicada a finais do 2008 ou comezos do 2009. A primeira, O soño da noite azul , era unha especie de diario íntimo, e a prostitución tinga un pequeno oco. Na segunda, O camareiro está triste , ou tema tinga máis presenza.

Pablo Penedo “A Voz de Galiza”

 -----------------------------------------------------------

¡¡¡FELICIDADES SR. X!!!

O tempo vai pasando para todos, e a noutra hora polémica páxina coñecida vulgarmente como " A páxina do Sr. X"  http://camba2.blogspot.com/  cumpre un ano de vida. Esta páxina lembrades que se fixo famosa por publicar unhas fotografías nas que Tourís e outros concelleiros saian esposados ou detidos e que dou orixe a unha denuncia de Tourís, Dominguez, Aragunde e Rosa Oubiña da cal se fixeron eco medios de alcance estatal incluídos entre outros  O País. Parabéns e a cumprir máis.

------------------------------------------------------------

A Consellería de Medio Rural invita a esta Asociación a presentación do programa Leader 2007-20113, as seis Directrices Estratéxicas  deste programa son:
Mellorar a competitividade dos sectores agrario e forestal
Mellorar o medio ambiente e a contorna rural
Mellorar a calidade de vida nas zonas rurais e fomentar a diversificación
Desenvolver a capacidade local de creación de emprego e diversificación
Traducir en programas as prioridades
Velar por que os instrumentos comunitarios compleméntense mutuamente.

A cita é no Pazo de Congresos e Exposicións o vindeiro día 14 de decembro ás 12 horas.

-----------------------------------------

Víctor Caamaño Rivas, presenta para o seu tratamento no próximo pleno a seguinte MOCIÓN:

PUNTO LIMPO

Desde hai  uns anos vense desenvolvendo, nos concellos galegos, un sistema de recollida selectiva dos Residuos Sólido Urbanos. Esta actuación era unha das que estaban contempladas no Plan de Xestión de RSU de Galicia, o cal ten por finalidade reducir a cantidade de residuos producidos nos nosos fogares.

Resulta evidente que se este sistema de eliminación de residuos funcionara correctamente sería unha boa solución para reciclar certo tipo de residuos (envases e embalaxes de cartón, vidro e papel) que producimos en gran cantidade.

O Plan de Xestión de RSU de Galicia, contempla igualmente, para a eliminación doutro tipo de residuos como pinturas, disolventes, escombros, electrodomésticos, mobles, tubos fluorescentes, etc, a creación dos chamados “Puntos Limpos”. Estes complementarían  o sistema de recollida selectiva de residuos procedentes dos nosos fogares. A Consellaría de Medio Ambiente tiña como obxectivo a creación dun punto limpo por cada concello de máis de 5.000 habitantes. A construción destes establecementos  realizouse por medio dun convenio entre os concellos, a Xunta e a Unión Europea. O valor dun punto limpo estímase en 210.000 euros, e gran parte desta cantidade procede dos Fondos de Cohesión da UE, mentres que do concello depende unicamente a cesión dos terreos para a ubicación das instalacións e o posterior mantemento.

O Punto Limpo debe ser un lugar accesible e ben comunicado para que o cidadán se poida achegar a el doadamente. Disporá dunha zona cuberta e outra descuberta para diferentes residuos, en colectores independentes segundo os distintos tipos, e xamais albergará residuos perigosos. Ademais estes recintos non deberán desprender malos olores nin producir ningún tipo de contaminación. Os residuos almacenados serán enviados a un xestor autorizado para que proceda a súa reciclaxe.

O Concello de Cambados conta desde hai tempo cun punto limpo para a súa utilización. Desde o ano 2001 os veciños e veciñas de Cambados dispoñemos deste servicio no polígono industrial de Sete Pías. Aínda contando con esta situación privilexiada, a día de hoxe unha gran parte da poboación de Cambados descoñece a utilidade deste servizo ou ignora a súa situación, polo que resulta habitual que de xeito continuado aparezan no concello vertedoiros incontrolados. Outra parte dos veciños e veciñas que si son coñecedores deste servizo, acaban transformando as inmediacións  das instalacións do Punto Limpo nun vertedoiro incontrolado ao no coincidirlle o momento da súa visita cos residuos  en horario de apertura das instalacións.

Para que este servizo mellore o seu funcionamento en Cambados e con isto o noso concello colabore na defensa e protección do medio ambiente, propoñemos ao Pleno da Corporación Municipal  os seguintes ACORDOS:

•        Que o Concello realice unha campaña de promoción do Punto Limpo para que os veciños e veciñas teñan moi claro a utilidade deste servizo, así como a localización e o horario destas instalacións.

•        Realizar unha campaña de divulgación do Punto Limpo nos colexios de educación primaria e nos institutos de educación secundaria (os nenos e nenas de hoxe son os cidadáns do mañá).

•        Mellorar a sinalización e os accesos ás instalacións.

Asdo: Víctor Caamaño Rivas

------------------------------------------------------------

     

Manolo Paz naceu en 1957 en Castrelo, Cambados, vila esta última na que vive actualmente. No seu taller, en Quintáns, Cambados, nun amplo prado xunto ao mar, algunhas das súas pezas máis fermosas dialogan en silencio coa natureza. Nado e criado nunha "casa de traballo" galega, na que a súa familia atendía negocios de carnicería e do campo, Paz comezou de neno a facer tallas de madeira coa súa navalla. Estudou na Escola de Artes e Oficios "Mestre Mateo" de Santiago de Compostela. É profesor de escultura na "Escola de Canteiros" de Poio (Pontevedra). Como material utiliza os distintos tipos de granito galego, ao que atribúe un carácter sacro e ritual, que traballa coa antiga técnica dos "canteiros" galegos.

O seu traballo coas pedras é enteiramente persoal: manual, corporal, e por iso, mental. O martelo e o cicel estruturan unha orde que, xunto cos diversos graos de pulimento e a aceptación da súa estrutura en bruto, natural, fan brotar a forma na pedra. A metáfora da pedra como alimento é central no universo estético de Manolo Paz, para quen as grandes moles de granito, de máis de cento vinte toneladas de peso, son "barras de pan" difíciles de atopar. Ás que hai que romper para darlles vida.

Desde esta semana expón na galería SCQ de Santiago de Compostela unha mostra dos seus formatos grandes máis recentes, complementada cunha colección de pezas máis pequenas., esta exposición  Manolo defínea "é o resultado dun proceso de maduración que ten relación con ir entendendo o que piden as pedras". A este exposición foi invitado de excepción o presidente de Unha Grande Chea,  Fico e a súa muller Irene.

Logo de definir poéticamente a Manolo e a súa obra , diremos que aparte de ser un artista de fama mundial , Manolo é sinxelo, adorable, amigo dos seus amigos, falando con el  ris aínda que non queiras, ás veces os seus pensamento filosóficos raian o absurdo, pero como dicimos en Cambados "e como un cacho de pan". Manolo foi un dos que puxo a semente para a creación de Unha Grande Chea e foi un dos primores en facer o Enterro da Sardiña en Cambados, é unha persoa que lle encanta o Entroido e disfruta bebendo albariño. É simplemente xenial.

------------------------------------------------------------

¡¡¡ACÁBANSE!!!

Foto: A Voz de Galiza

Infórmanos o Servizo de Ventas da Comisión Organizadora “Tende unha Man”, que a venta dos calendarios a prol de Esperanza Salnés, non pasara desta ponte da constitución , probablemente. A estas horas hai sobre 150 calendarios en stock, despois da primeira reposición polos puntos de venda, aínda que se descoñece como van as mesmas en Arousa e no Grove onde tan só o primeiro dia vendéronse 40 calendarios. Calculan os organizadores que estarán vendidos xa máis de 1300 calendarios, dos 2000 que se tiraron en principio. Estase a facer polo comisión un novo estudio de mercado  para  prover unha nova tirada.  Esta fin de semana haberá novamente revisión dos puntos de venta, os  teléfonos non paran de sonar e isto é moi bo, e iso que aínda queda o Nadal,  e que mellor agasallo que un calendario.

------------------------------------------------------------

OS GAITEIROS PRESENTES NA CEA ANIVERSARIO DO BNG

Gaiteiros da talla de Xaquin Xesteira, Nando Casal , Magoia Bodega , Paulo Nogueira ,  e Moncho o Chilro, estiveron presentes.

Tamén estivo presente  o noso Secretario Chon a quen podemos ver na foto con Moncho "O Chilro", Xaquin Xesteira e Paulo Nogueira, e a sua dona Teresa na foto con Magoia Bodega, Carrión e Esther.

O pasado venres un de decembro tivo lugar nas Adegas Martín Codax de Vilariño-Cambados, a cea organizada polo Comité Comarcal do BNG do Salnés, coa intervención de Suarez Canal e Olaia Fernández en conmemoración do 25º aniversario da fundación da fronte nacionalista, cea a que asistiron a titulo particular o vicepresidente de Unha Grande Chea Ulloa e o Secretario da Asociación Chon, que estivo acompañado  moi ben durante a cea,  escorado polos dous mellores gaiteiros de Galiza Paulo Nogueira e Xaquín Xesteira. Só nos falta ir a unha cea do PP, a ver se nos invitan. Tamén se atopaba pola cea Nando Casal gaiteiro de Milladoiro, e claro o remate da cea con todos estes artistas era raro non oír gaitas , Unha Grande Chea Tv tomou estas imaxes:

------------------------------------------------------------

"O BUFÓN E A INFANTA"

Juan Galiñanes (Foto: A Voz de Galiza)

O noso futuro gañador do Goia a mellor curtametraxe de animación  por "O Bufón e a Infanta" , o noso paisano Juan Galiñanes,  esta a facer promoción da súa película,  e o noso amigo e colaborador Angel Cambados, fíxonos chegar o vídeo de promoción da mesma, e como non podía ser doutro xeito aquí volo presentamos. Toda a sorte do mundo para Juan.

------------------------------------------------------------

ACTIVIDADES DO CENTRO COMARCAL DO SALNÉS

O Centro Comarcal do Salnés acollese a unha nova actividade da Axencia Audiovisual Galega: "REDestreas".
 "REDestreas" é un servizo de apoio ás estreas de curtametraxes, documentais ou longametraxes sen distribución comercial. Esta rede de espazos permitirá que un filme destas tipoloxías se presenten nalgúns dos núcleos urbanos máis importantes de Galicia coa repercusión que iso significa.
 O servizo de REDestreas ven a cubrir unha demanda dos creadores e produtores dos proxectos audiovisuais galegos que non tiñan un lugar axeitado para a súa primeira presentación ante os espectadores.

Anxel Fole

O Centro Comarcal do Salnés, dentro do ciclo de Cinemas Dixitais, emitirá este sábado O Tesouro (de Ánxel Fole) ás 17:30 h.
 O Tesouro (de Ánxel Fole) é a adaptación do relato de Ánxel Fole do mesmo título.
 Argumento: Partindo do escenario onde son contados os relatos, a carón dunha lareira ou chemenea nunha noite do inverno, Anxel Fole, exemplo do costumismo galego, presenta nos seus contos un retrato da historia da Galicia labrega. Os elementos fantásticos pertencen ao mundo irreal e descoñecido. Visións ou
soños onde aparecen estrañas personaxes tendo como elemento común a búsqueda do tesouro e a forma violenta de tratala morte como no caso presente, no que os ciumes levan á morte ao amante e anos despois ao seu descendente no mesmo lugar.
 A entrada é de balde, ata completa aforo.

------------------------------------------------------------

UNHA GRANDE CHEA TV FAISE ECO DUN VIDEO CLIP DE "TINO BAZ"

Tino Baz (Foto: O quiquiriquí)

Tino Baz é un gaiteiro, gutarrista, narrador pero sobre todo cantareiro que chega dende A Guarda. O seu chorro de voz, grave, importante se cadra incluso épica é unha das mellores do país.
A súa traxectoria musical colócao como peza fundamental do Orfeón de Treixadura, colaborador do grupo Quempallou ou parte da gravación do disco de panxoliñas “O quiquiriquí” con xente como Guadi Galego, Ugía Pedreira, Mini ou Mero.
Tamén é artífice dos seus propios traballos como “Cinsa namorada” na que Tino vén coller o relevo dos cantautores galegos deixando o listón moi alto. Tino estivo fai poucos dias en Cambados na homenaxe de Isaac Diaz Pardo na compaña de Paulo Nogueira e Magota Bodega.

UNHA GRAN DE CHEA TV faise eco do seu Videoclip, extraído de su primer trabajo discográfico en solitario, "Cinsa namorada”, paga a pena velo e escoitalo.

------------------------------------------------------------