No ano 1990 a Asociación de Veciños San Vicente de Oubiña  organizou a 1ª carreira  co obxectivo de fomentar o deporte entre os veciños e veciñas da nosa parroquia e ofertar a deportistas de outros concellos a posibilidade de vir correr a Oubiña un domingo pola mañán.

E o vindeiro domingo celebraremos  a 19 Edición do Marathón Popular de Oubiña. “Memorial Manuel Mariño Castro”.

Esta carreira conta coa participación de deportistas de todas as edades:

§       conta con 8   categorías divididas por idades, nas que poden participar homes e mulleres de todas as edades; e así noutras edicións houbo participantes desde  3 até 65 anos.

§       Con unha categoría absoluta.

A carreira discurre  polas pistas da parroquia de Oubiña con dous recorridos,

§       Un de 5 Kilómetros para as 8 primeiras categorías

§       Outro de 10 Kilómetros para a categoriá absoluta.

No Maratón Popular de Oubiña entréganse máis de 50 premios, xa que en cada categoría se entregan  6 premios: 1º,2º e 3º  aos corredores masculinos e 1º,2º e 3º ás corredoras femeninas.

Na organización do evento participan arredor de 50 persoas, da Xunta Directiva, socios e socias e veciños e veciñas que colaboran activamente en distintas tarefas de organización (inscripción, reparto de dorsais, avituallamento, controles…).Aos que quero dar as gracias ao igual que a todos os patrocinadores que fan posible a realización desta carreira.

A saída será ás 11.30 horas de aquí do Centro Cultual e a meta será tamén aquí.

Montserrat Prado, Maria Xesús López e Gustavo Veloso

Queremos mostrar a nosa satisfacción porque nesta 19 edición contaremos para a entrega de premios coa presencia de:

·       Delegada da Consellaría de Innovación e Industria Montserrat Prado

·       a Delegada Provincial da Consellería de Cultura e  Deporte   Mª Xesús López Escudeiro

·       e de Gustavo César Veloso, o gañador da Volta Ciclista a Catalunya 2008, moi vinculado coa Asociación de Veciños de Oubiña, e aproveitaremos para facerlle un recoñecemento ao seu gran mérito deportivo.

Despois da entrega de premios haberá festa con música, comida e bebidas para todos os participantes e para o público que se acerque hasta Oubiña.

NOVA XENTILEZA DE:

------------------------------------------------------------

Galiza Nova anima as mozas e mozos do Salnés a acudir ao estreo de Pradolongo, en Vilagarcía de Arousa

A proxección deste filme, en Vilagarcía de Arousa, terá lugar a partir deste venres, 30 de maio e durante toda a 1ª semana de xuño nos Multicines Gran Arousa. Galiza Nova amosa publicamente o seu apoio ao filme, e a todo o cinema galego feito na nosa lingua, e anima as mozas e mozos da comarca a acudir a calquera das sesións que dende este venres e ata o próximo xoves se van a proxectar en Vilagarcía de Arousa . Galiza Nova parabenízase pola proxección en Vilagarcía de Arousa do filme Pradolongo, dirixido por Ignacio Vilar e producido por Vía Lactea Films, co apoio da TVG, a Dirección Xeral de Creación e Difusión Cultural da Xunta de Galiza, a Deputación de Ourense, a Axencia Galega do Audiovisual ou Turgalicia, entre outras entidades. O filme, feito integramente en galego e participado, entre outros, por actores como Rubén Riós, Tamara Canosa, Roberto Porto ou Mela Casal está case integramente rodado en espazos da comarca de Valdeorras, moitos deles coincidentes con aqueles onde foi rodado hai agora uns vinte anos o mítico filme Sempre Xonxa. O galego empregado é maioritariamente o propio da zona valdeorrá.Galiza Nova difundirá socialmente durante esta semana a nova estrea do noso cinema e apoiará así o dereito das galegas e galegos a podermos gozar de todo tipo de producións cinematográficas e audiovisuais feitas na nosa lingua. No entanto, desexámoslle a Ignacio Vilar e a todo o seu equipo o mellor dos éxitos nesta súa andaina.

NOVA XENTILEZA DE:

------------------------------------------------------------

OBRADOIRO PARA MAIORES 

O Centro Comarcal do Salnés - Rede de Dinamización da Sociedade da Información - O Concello de Vilagarcía de Arousa

Comezan en xuño unha serie de obradoiros sobre informática enfocados cara asPersoas Maiores.

A iniciativa da Rede de Dinamización da Sociedade da Información do PEGSI (Plano Estratéxico Galego da Sociedade da Información da Dirección Xeral de Promoción Industrial e da Sociedade da Información) é unha das estratexias fundamentais para o desenvolvemento das políticas de inclusión na S.I. e o desenvolvemento rural. A Rede de Dinamización da Sociedade da Información axudará a levar a cabo actuacións relacionadas co desenvolvemento da actividade económica, empresarial e da implantación dos servizos electrónicos, titorizando a cidadanía con

maiores dificultades e proporcionándolles os medios e ferramentas necesarios para poder formar parte activa da Sociedade da Información. A Rede conta con 100 dinamizadores e dinamizadoras, espallados pola xeografía galega en diferentes entidades, que desenvolven charlas, obradoiros e cursos de alfabetización dixital e otros de moi variada temática, adaptándose ás diferentes

necesidades dos colectivos sociais tales como mulleres, persoas maiores, persoas con discapacidade, xuventude, asociacións e empresas.

O Centro Comarcal do Salnés e a Rede de Dinamización da Sociedade da Información, en colaboración co Concello de Vilagarcía de Arousa, ten proxectado desenvolver neste mes de Xuño unha serie de obradoiros enfocados cara as Persoas Maiores, que terán lugar na Casa da Xuventude en horario de mañá (10:00 a 12:00 horas):

 Na primeira semana realizarase o obradoiro sobre o “Manexo do teclado e o rato”. Debido ao número de participantes inscritos (20 en total), formaranse dous grupos de 10: un grupo para os días 3 e 4 e outro grupo para os días 5 e 6. A duración de cada obradoiro

será de duas sesións de dúas horas cada unha.

 Na segunda semana realizarase desde o día 9 até o 12 o obradoiro “Iniciación a Internet”.

A duración será de catro sesións de dúas horas.

 Na terceira semana durante os días 16 e 18 realizarase un obradoiro sobre o manexo do Google (“Googlear”) e, ao igual que sucede no obradoiro sobre o Manexo do Teclado,

volverase a repetir os días 19 e 20. A duración será de duas sesións de dúas horas cada unha.

 Xa por último, e desde os días 23 até o 26, realizarase de novo a obradoiro de “Iniciación a Internet”. A duración será a mesma, catro sesións de dúas horas cada unha.

Para máis información sobre o proxecto pódese acudir ao portal web da Rede de Dinamización da Sociedade da Información: http://dinamiza.sociedadedainformacion.eu

NOVA XENTILEZA DE:

------------------------------------------------------------

CON MOTIVO DA ESTREA DE CHOURIZO FILMS

Moita xente pregúntanos quen é ou que son Chourizo Films, afortunadamente cada vez menos porque  grazas o seu traballo e a difusión do mesmo tanto no Auditorio como na prensa van sendo máis coñecidos. Antes que nada sempre dicimos a quen nos pregunta que Chourizo Films primeiramente son un grupo de amigos de Cambados, son un verdadeiro arco parlamentario porque nese grupo hai de todo, de esquerdas, de dereitas, de centro, apolíticos pero iso non é óbice para que se leven ben, e  todos eles teñen un nexo en común “Pasalo ben”. Empezaron facendo curtos para velos elos mesmos, divertíanse e comezaron a exhibir os seus curtos no Pub A Leria, local onde habitualmente se reúnen, é como o seu local social. O seu primeiro gran éxito a nivel gran público foi cando fai uns meses fixeron unha exhibición no auditorio de tres dos seus curtos e concretamente coa estrea de “To die in Tragove II” . Teñen a súa propia páxina en you tube http://es.youtube.com/Chourizofilms e un  gran éxito xa que un dos seus curtos titulado “No volveré” está próximo a acadar as 90.000 vistas , todo un logro.

Tamén fan colaboracións con outros colectivos e a destacar que entre eles están os artífices do calendario de espidos “Tende unha man” no que recadaron un gran cantidade de cartos facendo entrega da mesma a Asociación “Esperanza Salnés” que se adica o coidado de nenos diminuídos. Mañá venres estrean unha de vaqueiros “a cambadesa” : “A verdadeira historia de W. Joe” no Auditorio de Cambados as 21.30 horas. Por primeira vez  na súa curta pero prometedora carreira cinematográfica o curto ten unha duración de 18 minutos, todo unha incógnita pero dende este espazo queremos animar a todos a que asistades a estrea, de seguro que vos ides divertir. Nesta ocasión pedíronos a súa colaboración tanto no reparto como na música, UNHA GRANDE CHEA  non dubidou nin un intre en participar con eles, porque estamos seguros que eles están a facer historia en Cambados. É incrible o que se pode facer cunha simple cámara de vídeo, moitas ideas e amizade infinda, que non farían “estes” si tiveran medios dabondo ¿sabe Deus?.

UNHA NOVA XENTILEZA DE:

------------------------------------------------------------

------------------------------------------------------------ 

FALTAN POUCOS DÍAS PARA DESCUBRIR O SEGREDO

Este sitio, este monumento, este lugar tan emblemático de Cambados vaise ser o noso "leit motive" do que pensamos facer neste paseo o vindeiro 21 de xuño, insistimos que aínda non podemos dicir nada porque estamos ultimando detalles e non queremos que se nos escape ningún, queremos ir creando expectación , pero tede en conta que se vai falar de Cambados e aínda por riba ben, porque o 21 de xuño, reservada a data, UNHA GRANDE CHEA vai botar a casa pola ventá, todo un reto. Manterémosvos informados.

NOVA XENTILEZA DE:

------------------------------------------------------------UNHA GRAN PROFESIONAL DO PERIODISMO

Os periodistas son como os cámaras no cine o persoal de atrezzo no teatro, a xente de protocolo etc , son os que fan case todo pero nunca saen en nada, nos hoxe queremos destacar o traballo dunha gran profesional, a periodista cambadesa Maruxa Alfonso.  Maruxa como todos sabedes traballa para a "La Voz de Galicia" e cando pode fai todo o posible porque o seu pobo destaque no seu medio de traballo. Hoxe queremos darlle os nosos parabens polo seu traballo en xeral e en particular polas súas novidosas entrevistas a dúas políticos cambadeses Victor Caamaño e Domingo Tabuyo, podedes velas en:

Entrevista a Victor Caamaño:

http://www.lavozdegalicia.es/arousa/2008/05/28/0003_6855459.htm?idioma=galego

Entrevista a Domingo Tabuyo:

http://www.lavozdegalicia.es/arousa/2008/05/29/0003_6858909.htm?idioma=galego

NOVA XENTILEZA DE:

------------------------------------------------------------

UNHA GRANDE CHEA TV

PRESENTA O VIDEO ¡¡¡ALA MADRI!!!

UN VIDEO ANÓNIMO QUE AMOSA A CELEBRACIÓN DA LIGA DO MADRID POLA PEÑA DO BAR GERMAN DE CAMBADOS

¡¡¡ABSTERSE OS BARCELONISTAS NON É UN ESPECTÁCULO AGRADABLE PARA VOS!!!

NOVA XENTILEZA DE:

----------------------------------------------------------- 

 

                   

Letras Galegas 2008.
A escritora galega Fina Casalderrey (Premio Nacional de Literatura)co seu libro 'O misterio de fillos de lúa', recibiu unha afectuosa homenaxe o día 17 de maio en Cambados(13,00 horas en Exposalnés) ó recibir o 5º premio 'Ramón Cabanillas' outorgado polos libreiros de Cambados. Foi un acto moi emotivo para a escritora, recibindo o cariño dos seus amigos Mª.Carmen Durán e X.Vázquez Pintor; alumnos do colexio Magariños(todos participaron no acto); e do público de Cambados. Fina Casalderrey sentiuse coma na súa casa e setiu unha profunda emoción cando recibiu un longo aplauso do público, manifestando que levará para sempre na súa memoria o cariño dos cambadeses. Asinou libros e despois xantou con amigos e libreiros no restaurante 'A Traíña'.

NOVA XENTILEZA DE

------------------------------------------------------------

FARO DE VIGO FAISE ECO DA NOSA FOTO PREMIADA

NOVA XENTILEZA DE:

------------------------------------------------------------

A iniciativa da Rede de Dinamización da Sociedade da Información do PEGSI (Plano Estratéxico Galego da Sociedade da Información da Dirección Xeral de Promoción Industrial e da Sociedade da Información) é unha das estratexias fundamentais para o desenvolvemento das políticas de inclusión na S.I. e o desenvolvemento rural. A Rede de Dinamización da Sociedade da Información axudará a levar a cabo actuacións relacionadas co desenvolvemento da actividade económica, empresarial e da implantación dos servizos electrónicos, titorizando a cidadanía con maiores dificultades e proporcionándolles os medios e ferramentas necesarios para poder formar parte activa da Sociedade da Información. A Rede conta con 100 dinamizadores e dinamizadoras, espallados pola xeografía galega en diferentes entidades, que desenvolven charlas, obradoiros e cursos de alfabetización dixital e outros de moi variada temática, adaptándose ás diferentes necesidades dos colectivos sociais tales como mulleres, persoas maiores, persoas con discapacidade, xuventude, asociacións e empresas.

1º PREMIO A FOTO DE UNHAGRANDECHEA "QUE SINALA" E 2º PREMIO "CATARATA"

O Centro Comarcal de O Salnés en colaboración coa Rede de Dinamización da Sociedade da información celebrou o sorteo do concurso “1 Foto, 100 Fotos” o venres 23 de maio ás 17:00 horas.

A pesares de non acadarse as 100 fotos, a participación foi bastante alta, cun total de 28 fotos presentadas, o que duplicou en algo máis dun mes, o número de fotos colgadas en Abre os ollos ao Salnés.

A fotografía gañadora do Mp4 foi “Sinal” enviada pola Asociación Unha Grande  Chea, de Cambados,, mentras que o Mp3 correspondeu a “Catarata”, enviada por Natividad Fortes Eiré, de Vilagarcía de Arousa .

Noraboa ás premiadas!!!

Grazas por participar e recordade que podedes seguir enviando as vosas fotos ao seguinte enderezo de correo electrónico alberto.cambados@dinamiza.sociedadedainformacion.eu.

 Visita o fotolog no seguinte enderezo web http://www.blogoteca.com/olladaosalnes/

Datos de contacto:

Alberto Fandiño Mariño

Eliana Bouzas Collazo

Rede de Dinamización da Sociedade da Información

Centro Comarcal do Salnés

Tlf.: 986 52 60 13

Fax: 986 54 33 66

http://dinamiza.sociedadedainformacion.eu/centros/index.php?idc=77

Para máis información sobre o proxecto pódese acudir ao portal web da Rede de Dinamización da Sociedade da Información: http://dinamiza.sociedadedainformacion.eu

UNHA NOVA XENTILEZA DE:

------------------------------------------------------------

------------------------------------------------------------ 

O CAMBADÉS FRANCISCO LEIRO PREMIO NACIONAL DA CULTURA GALEGA

NA CATEGORÍA DE ARTES VISUAIS

O escultor cambadés Francisco Leiro recibirá o Premio Nacional dá Cultura Galega, na categoría de Artes Visuais, despois de que o xurado valorase a proxección internacional da obra do artista e entendese que era a mellor das 200 propostas que recibiu.
O xurado dos Premios Nacionais dá Cultura Galega fallou onte os primeiros catro dos seus dez galardóns, que recaeron no arquitecto Manuel Jorreto (Arquitectura e Espazos Públicos), o escultor cambadés Francisco Leiro (Artes Visuais), a profesora Margarita Ledo (Cine e Audiovisual) e no Museo do Pobo Galego (Cultura Tradicional e de Base).
Na categoría de Artes Visuais, os membros do xurado escolleron ao escultor Francisco Leiro polo seu prestixio internacional e a súa forza creativa, que parte dunha tradición e dunha iconografía vinculada a Galicia e que proxecta a través de novas linguaxes e soportes. Francisco Leiro Lois é un dos artistas galegos actuais máis relevantes e conta cunha extraordinaria proxección internacional. Dacabalo entre o seu Cambados natal e os seus estudos en Madrid e New York, Leiro é un dos grandes renovadores da plástica contemporánea na Península.

UNHA NOVA XENTILEZA DE

------------------------------------------------------------

A PLANTA DE FINA

Fina a "Fica" ten unha grande cantidade de plantas na eira da súa casa, cada vez menos porque o "cemento" invadiu parte das súas propiedade, aínda así garda un grande número delas. Fisgando atopámonos este curioso cactus o cal téndeslle que buscar vos o parecido, nos deixármolo o traballo da vosa imaxinación.

UNHA NOVA XENTILEZA DE

------------------------------------------------------------

IÑIGO SILVA PARTICIPANTE NO MEDIO IRONMAN

«O Iroman foi só o principio. Xa fixen todos os dúatlons de Galicia»
Íñigo Silva foi un dos tres cambadeses que participou nun Ironman, unha proba deportiva na que se percorren centos de quilómetros en bicicleta, correndo e nadando. Agora volve ás Canarias para competir nas Tres Illas, unha competición menos dura pero moito máis intensa.
-Despois do Ironman ¿quedan ganas para seguir facendo deporte?
-Este ano xa participamos no medio Ironman de Lisboa e se non fixemos o Ironman foi por falta de horas para adestrar. Despois, vin a páxina das Tres Illas en Internet e gustoume moito, porque inclúe windsurf. Ao final, o Ironman foi só o principio. Xa fixen todos os dúatlons de Galicia.
-Imos, que isto engancha.
-O ano que vén pensamos ir outra vez a Lanzarote. Entras nunha dinámica que, ao final, acábache enganchando. Agora cando adestras dúas horas en bicicleta non chegan a nada porque estás afeito facer cinco.
-Cóntenos en que consiste a proba das Tres Illas
-Sáese nadando do porto da Graciosa. Son dous quilómetros, pero hai moita corrente. Despois hai que subir un barranco de 650 metros, e coller unha bici para percorrer 69 quilómetros ata o sur de Lanzarote. Para terminar usamos unha embarcación, que no meu caso é unha táboa de windsurf, para chegar a Forteventura.
-é unha competición benéfica
-Si. Teñen moitos proxectos no Sahara e este ano queren recadar para cambiar o motor dun autobús.

Texto: Maruxa Alfonso.- Foto: Martina Miser.

UNHA NOVA XENTILEZA DE

------------------------------------------------------------

UNHA NOVA XENTILEZA DE

------------------------------------------------------------

  

A iniciativa da Rede de Dinamización da Sociedade da Información do PEGSI (Plano Estratéxico Galego da Sociedade da Información da Dirección Xeral de Promoción Industrial e da Sociedade da Información) é unha das estratexias fundamentais para o desenvolvemento das políticas de inclusión na S.I. e o desenvolvemento rural. A Rede de Dinamización da Sociedade da Información axudará a levar a cabo actuacións relacionadas co desenvolvemento da actividade económica, empresarial e da implantación dos servizos electrónicos, titorizando a cidadanía con maiores dificultades e proporcionándolles os medios e ferramentas necesarios para poder formar parte activa da Sociedade da Información. A Rede conta con 100 dinamizadores e dinamizadoras, espallados pola xeografía galega en diferentes entidades, que desenvolven charlas, obradoiros e cursos de alfabetización dixital e outros de moi variada temática, adaptándose ás diferentes necesidades dos colectivos sociais tales como mulleres, persoas maiores, persoas con discapacidade, xuventude, asociacións e empresas.

O Centro Comarcal do Salnés en colaboración coa Rede de Dinamización da Sociedade da Información levará a cabo o día 23 de Maio ás 17:00 horas o sorteo dos premios do concurso “1 Foto, 100 Fotos”. Dito sorteo realizarase no propio Centro Comarcal do Salnés.

Hai que lembrar que con esta actividade, que estaba dirixida a todos os públicos, pretendíase  que o fotolog “Abre os ollos ao Salnés” acadase as 100 fotografías. O número de fotos acadadas foi de aproximadamente 70. Aínda que o concurso xa rematou, a xente que estea interesada pode seguir enviando fotos para colgalas no Fotolog e así construír unha radiografía da comarca do Salnés.

Datos de contacto:

Alberto Fandiño Mariño

Eliana Bouzas Collazo

Rede de Dinamización da Sociedade da Información

Centro Comarcal do Salnés

Tlf.: 986 52 60 13

Fax: 986 54 33 66

http://dinamiza.sociedadedainformacion.eu/centros/index.php?idc=77

 

Treixadura son úas concepcións ben arraigadas na música da nosa terra: O CANTO e A GAITA.

Música tradicional salvagardada polos coros decanos galegos . Cantigas populares que arrouparon a gaita no século pasado . Melodías de gaita que máis prenden nos galegos. Novas cantigas que Treixadura “peneira no seu tremiñado” ademais de contribuír á divulgación e normalización da música tradicional, comparte co público o poder e a forza evocadora, máxica e reconfortante do canto colectivo.

Para contactar con Treixadura: Apartado de correos nº 76 , 36630 CAMBADOS , 986 414 196, 609 805 837 , correo@treixadura.com , www.treixadura.com . Como xa anunciamos o vindeiro sábado están no Teatro Principal de Pontevedra as 20.30 horas.

Doutra banda temos que decir que un video de Xaquin Xesteira acaba de acadar  as 3000 visitas en You tube, este non é outro que himno galego gravado por Unha Grande Chea no Café Continental co gallo das Letras Galegas 2007.

UNHA NOVA XENTILEZA DE :

------------------------------------------------------------

NOVA EXPOSICIÓN DE LINO

Lino Silva e o Palacete de Mendoza

Hoxe abre unha mostra o pintor cambadés  Lino Silva no Palacete de Mendoza.

Hoxe é acto inaugural da exposición do pintor cambadés Lino Silva titulada “As pantasmas de Lino Silva”.

Nesta ocasión, o artista, sempre fiel aos seus principios, mostra unha serie de obras innovadoras que sorprenden pola súa ironía, retranca e, ata, descaro. Emprega un ton burlesco que quizais esconda sentimentos máis profundos máis persoais e intimistas do pintor, de modo que se trata dun xeito indirecto de mostrar, a través destas obras, a súa persoal visión da vida e da arte.

Os inicios artísticos de Lino Silva, que naceu en Cambados en 1950, remóntanse ás primeiras nocións de escultura impartidas polo seu tío José Vaamonde Silva. Entre 1966 e 1972 estuda Escultura na Escola de Artes Aplicadas e Oficios Artísticos Mestre Mateo de Santiago e na Escola de Belas Artes de Madrid.

A súa primeira exposición data de 1970 con pezas escultóricas, que se repetiron ao longo dos anos en diferentes puntos da comarca do Salnés.

NOVA XENTILEZA DE :

------------------------------------------------------------

PREMIO CONTOS NA LAREIRA

CECILIA MÉNDEZ OBTÉN O SEGUNDO PREMIO

Unha Cambasesa obtén o 2º premio "Contos na Lareira", que organiza a asociación O Arrieiro de Moraña.
Na categoría de menores de dezaseis anos recibiu ou segundo premio Cecilia Méndez Troncoso, de Oubiña. Esta rapaza, de nove anos, concursou co conto A miña amiga a serpe .

------------------------------------------------------------

Un dos nosos asiduos mandunos o seguinte correo: Despois de moitas horas de arduo traballo, os científicos da escola técnica superior de enxeñeiros industriais de lepe, conseguiron o primeiro reloxo dixital en internet, que ademais,funciona. Picade nesta dirección para comprobar o seu funcionamento:

http://www.yugop.com/ver3/stuff/03/fla.html

------------------------------------------------------------

NA BITÁCORA GaliciaProfunda.com

Os premios "Antilingua": Franco, Paco Vázquez e Galicia Bilingüe

Velaí a decisión dos internautas, que votaron os gañadores dos premios Sacho de Ouro, Boina de Ouro e Fouciño de Ouro.

Franco foi o elixido para a "Boina de Ouro" ao personaxe histórico que máis perseguiu o galego. Os internautas coincidiron en cualificalo como unha "mazá podre, podre" para o idioma.
Francisco Vázquez recibe o "Sacho de Ouro" ao que máis dano lle fixo ao galego nos últimos anos. "O seu rexeitamento frontal a que "A Coruña" quedase sen o "L" quedará marcado para sempre na memoria dos galegofalantes", apuntan os promotores do premio.
Por último, Galicia Bilingüe foi a escollida para o "Fouciño de Ouro". "Esta asociación pretende botar abaixo o decreto de galeguización do ensino, no que se establece que, cando menos, o 50% das materias estarán impartidas en galego, un dos poucos grandes logros que conseguiu o galego nos últimos anos", sinálase no fallo.

------------------------------------------------------------

MIGUEL PALACIOS CONSEGUE O PEÓN DE BRONCE

na foto está miguel co pequeno - Enrique Tejedro, actual subcamepón de España. é cantabro. gañou o torneo vencendo en todas as partidas. 10 de 10.
Javier García, de Aragón, foi segundo. son os únicos que lle gañaron a miguel

O cambadés Miguel Palacios volveu evidenciar o seu bo estado de forma, conseguindo por primeira vez na súa carreira deportiva o peón de bronce, na XX edición do torneo Internacional Peón de Ouro celebrado en Mondariz o pasado sábado e domingo.

O torneo ten como premio en cada categoría 5 peóns, un ouro para o vencedor, outro de prata para o segundo clasificado e 3 de bronce para o terceiro, cuarto e quinto.

Ao Mondariz asistiron preto de 400 xogadores, 80 dos cales participaron na categoría infantil, destacando a presenza de xogadores da selección española, así como destacados xadrecistas portugueses.

Miguel, que terminou o torneo con 7´5 puntos, tan só perdeu dúas partidas; precisamente ante o vencedor final, o cántabro Enrique Tejedor, actual subcampión de España, que fixo pleno, con 10 puntos noutras tantas partidas, e ante o aragonés Javier García, que sería peón de prata.

O éxito de Miguel, que conseguiu sete vitorias e un empate, cimentouse no triunfo obtido na quinta rolda ante Breixo Gómez (vencedor da edición de 2004) así como nas táboas conseguidas na sexta ante o ourensán David Gómez, que sería quinto; e confirmouse coa vitoria en novena rolda sobre o aragonés Alberto Quintín, (15º no último campionato de España e vencedor da edición do Peón de Ouro de 2006) e que acabaría terceiro.

A próxima cita sitúase en Vilagarcía, onde se celebrará o vindeiro sábado o Torneo Santa Rita, valedoiro para o Circuíto Galego Escolar. Logo en xuño o circuíto continuará en Ourense, Ribadumia e Mugardos.

------------------------------------------------------------

------------------------------------------------------------ 

MANOLO PAZ EN NATIONAL GEOGRAPHIC

A veces andando pola rede un atópase cousas do máis rechamante  como é o presente caso, o noso amigo e colaborador Tino González Vilas enviounos un enlace dunha páxina onde saen as quince mellores fotografías de National Geographic do ano 2007, todas elas dunha gran beleza, pero resulta que nunha podemos ver unha das obras dun nosos escultores máis consagrados a nivel internacional e chalequeiro de UNHA GRANDE CHEA e que se atopa nas inmediacións da Torre de Hercules de A Coruña:  MANOLO PAZ.

A ligazón  é a seguinte: http://86400.es/2007/03/31/las-15-mejores-fotografias-de-national-geographic/ 

------------------------------------------------------------

SERIE CAMBADESES  ILUSTRES: ANTONIO MAGARIÑOS PASTORIZA

Antonio Magariños  e na seguinte foto na compaña do seu alumnado e doutro compañeiro.

Naceu en Negreira en 1881, pero a finais do século XIX chega a Cambados coa súa muller, tamén mestra. En 1899 cesa na Escola de Nenos o mestre Marcelino e Magariños toma posesión deste cargo.

Pronto se integra na vidal cultural de Cambados e vai a ser secretario, vicepresidente e bibliotecario do “Casino de Caballeros”, así como vicepresidente da Asociación de Mestres Nacionaís.

En 1907 funda, xunto con Cabanillas e González Fraga, o xornal “El Umia”. Nel escribirá unha serie  de artigos sempre relacionados coa educación e a súa  importancia na sociedade. Un destes artigos titulado “La enseñanza en Cambados” foi moi comentada na súa época.

Participa tamén na vida política do momento, e así nos anos 20 é Secretario do Sindicato Agrícola Católico  e na Ditadura de Primo de Rivera  é secretario do partido Unión Patriótica Nacional.

Foi un dos organizadores de homenaxe e Asorei en 1922, celebrada na finca da casa dos Taboada, á que asisten personalidades  como Castelao, Cabanillas, Risco, Basilio Alvarez, Lugris, Portela Valladares, Lloréis etc., é decir, o máis selecto de literatura, artes e política galega do momento.

O convento onde dou clase Magariños e na outra foto o colexio que leva o seu nome.

Nos anos 30 da dúas conferencias nos cursiños de Magisterio  sobre “Iniciación del niño en el análisis gramatical” e “Curiosidades aritmético-geométricas acerca del metro cúbico”.

En 1950 é nomeado fillo adoptivo de Cambados. Morreu en Cambados en 1955.

O colexio da Avenida de Vilariño leva o nome deste cambadés de adopción, membro dunha familia de mestres e pai doutro  mestre importante: Antonio Magariños Granda.

Cabanillas adicoulle este poema cando finou:

IN MEMORIAM

Escolante de verba clara e limpa

como ágoa de riancho montesío

camiñou pola vida, sonridente,

de vagar, repousado, paseniño,

de xeito que cruzaba

a estrada do Convento, de cotío.

Unha mañán a Corte veu buscalo.

E foise, sin saloucos nin arrepíos.

De cadeira do enseño. Ceo adiante, ó seu novo destiño.

De ternura e paciencia

tiña o ardente corazón tecido.

E era crente e sinxelo. Non o chorodes.

tras do mantelo azul estremecido,

nestrora ten unha cadeira de ouro

e está póndolle escola os anxeliños.

------------------------------------------------------------

MILLEIROS DE PERSOAS NAS RÚAS DE COMPOSTELA NA DEFENSA DO NOSO IDIOMA

Pese á choiva onte fomos milleiros os galegos e galegas que, dando resposta ao chamamento da Mesa pola Normalización Lingüística, nos trasladamos a Compostela e ateigamos a Praza da Quintana, na manifestación máis numerosa que se lembra en defensa do dereito e vivirmos en galego. O rotundo éxito desta mobilización pon de manifesto o compromiso dos sectores máis dinámicos da sociedade galega cun dos sinais básicos da nosa identidade, a lingua.

------------------------------------------------------------

MEIS, CADERNO DE BITÁCORA

Co gallo da semana das Letras Galegas "Meis, Caderno de Bitácora" rescata un dos fitos históricos mais importantes do Concello, pois é en Meis un dos primeiros lugares onde se oficiou misa en galego. Ollade o artigo en:
http://meis.blogaliza.org/ 

------------------------------------------------------------

DÍA DAS LETRAS GALEGAS
 O vindeiro sábado, 17 de maio, Día das Letras Galegas, ás 12 h. do mediodía, o BNG de Cambados celebrará un acto conmemorativo da data, consistente nunha ofrenda floral diante do monumento de Ramón Cabanillas. Neste acto darase lectura a uns poemas e farán unhas intervencións o portavoz municipal, Víctor Caamaño e a Delegada Provincial de Innovación e Industria, Montserrat Prado. Rematará o acto coa interpretación do himno galego por parte dos asistentes, acompañados pola gaita de Xoaquín Xesteira.
Hai xa seis anos que o BNG de Cambados ven facendo este acto de ofrenda floral ante o monumento de Ramón Cabanillas, senlleiro representante cambadés das Letras Galegas; aínda que a distinta hora do acto escolar organizado polo Concello, para non interferir nos actos institucionais.
No BNG consideramos que vivir en galego é un dereito inalienábel das persoas en Galiza, e un dos dereitos fundamentais que temos coma pobo. O pobo galego ten dereito a que a súa lingua ocupe todos os ámbitos da vida social propios de calquera idioma, con digniade e normalidade.
O BNG convoca a tódolos seus afiliados e simpatizantes en particular, e a tódolos veciños e veciñas de Cambados que o desexen, a participar neste acto de reivindicación do noso idioma, ante o monumento de quen sempre o defendeu e lle deu sona e prestixio social e cultural. Asimesmo fai un chamamento para acudir á manifestación que o seguinte día, ás 12 do mediodía, se vai celebrar en Santiago de Compostela para reivindicar o dereito a VIVIRMOS EN GALEGO.
 Cambados, 15 de maio de 2008.

Xoán Antonio Pillado Silvoso.
Responsábel local.

------------------------------------------------------------

A TVG E PANORAMA BOTAN OS RESTOS

10.000 PERSONAS INVADIRÁN HOXE CAMBADOS GRAZAS A CONSELLERIA DE CULTURA

Todo esta listo e praparado para a actuación de hoxe a noite da Orquesta Panorama e demais atraccións internacinais na Praza de Fefiñans. A nosa praza trocou o seu tranquilo aspecto por unha praza dinámica. A gran orquestra Panorama, acompañada entre outros de Rosario Flores, Carlos Baute, King Africa , A Rosa etc, e baixo a presentación de Manquiña, Superpiñeiro e Os Tonechos, van encher sen dúbida ningunha a praza máis bonita de Galiza. ¿Quen decia que a actual Xunta de Galiza se esquencera de Cambados? Con espectáculos como este parece que non. A disfrutar todo o mundo, a Xunta invitanos. Por último queremos decir que se non se toman as oportunas medidas de seguridade , tal e como está a praza hoxe pode haber algún que outro problemas, esperemos que non, pero...

------------------------------------------------------------

 

Este ano  xa todo o mundo sabe a estas alturas, que  o día das letras Galegas está a adicado a Xosé María Álvarez Blázquez (Tui, 5 de febreiro de 1915 - Vigo, 2 de marzo de 1985) foi un escritor (poesía, narrativa e ensaio), arqueólogo, investigador, e editor galeguista. É un dos representantes da poesía neotrobadoresca. O que xa sabe menos xente que xunto con homes de letras  da talla de Cunqueiro, Castroviejo, Lorenzana, Millán Pardo, Caamaño Bournacel, Trigo etc eran dos asistentes os primeiros xantares do Albariño, concretamente Alvarez Blazquez actuaba como si  de tal secretario  se tratase levantando acta e concretamente no ano 1960 cualificaba os viños gañadores como "caballeros albariños", así reza no libro "A festa do Albariño - 50 anos na historia de Cambados" do periodista, escritor e na actualidade Xefe de Prensa do Concello de Cambados, Benito Leiro Conde.

------------------------------------------------------------

Os libreiros de Cambados celebrarán o vindeiro sábado día 17 a VII Feira das Letras Galegas cun amplo e variado programa de actividades que inclúe o acto de entrega do V Premio Ramón Cabanillas, que na presente edición recibirá a escritora Fina Casalderrey (máis información sobre a escritora en www.fina.casalderrey.com). A feira, que se situará no Paseo da Calzada, ao lado do monumento a Ramón Cabanillas, abrirá ás once da mañá e os stands permanecerán ata as dúas e media da tarde.O programa de actividades inclúe a entrega do premio no Centro Comarcal do Salnés, así como a sinatura de libros por parte da escritora. Posteriormente, os xerentes das librarías Ramón Cabanillas, Contos e Castelao, organizadores do acto, procederán a realizar un sorteo de lotes de libros.O último acto previsto para a xornada terá lugar nun coñecido restaurante de Cambados cun xantar no que poderán participar todas aquelas persoas relacionadas co mundo da cultura que o desexen.

Entre os actos organizados polo Concello no Día das Letras terá lugar un concerto da Banda de Música de Castrelo no auditorio as 12.30 h., banda da que forma parte o pólifácetico membro de Unha Grande Chea Xaquin Xesteira ( www.treixadura.com ) nominado tamén os Premios nacionais da cultura galega no eido de promoción da música tradicional , quen de seguro nos ha de ofrecer algunha peza a gaita dentro do concerto, decir ademos que o ilustre gaiteiro fará soar previamente as 12 da mañan do 17 de maio fronte o monumento de Cabanillas as notas do himno galego, nun  acto organizado polo BNG.

  ACTOS TAMÉN NO

------------------------------------------------------------

COLLAGE ADICADO A "TEATRO CARACOL"

FEITO POLO ARTISTA CAMBADÉS EDUARDO APARIZ www.cambadosenfotos.net

Esta collage está feito por Eduardo Apariz e podedes ver con maior amplitude e nitidez na súa paxina web www.cambadosenfotos.net , é unha homenaxe do artista a este gran grupo de teatro cambadés co gallo dos seus quince aniversario de vida. Teatro Caracol por este motivo co xa sabedes está "nominado" os Premios Nacionais da Cultura Galega no eido de iniciativa cultural.

------------------------------------------------------------

 

A Asociación Cultural de Corvillón  organiza durante os días 19 o 24 de maio no Centro Cultural “Xacobe Castro” da mesma parroquia un curso de cata en horario de 21 a 22 horas de luns a venres e de 20 a 22 horas o sábado.  O programa consistirá na cata de Albariños e Rias Baixas da zona de O Salnés, O Rosal e Guarda e cata de tintos  xoves , crianza e reserva das denominacións de orixe Rioja e Ribera del Duero. O prezo do curso é de 25 euros e será impartido polo eminente enólogo Jorge Hervella. Para información e inscrición dirixirse os seguintes teléfonos 986520835 e 607471373. A s prazas son limitados e estará aberto o prazo ata o día 14 de maio.

------------------------------------------------------------

------------------------------------------------------------

OS FUNCIONARIOS DE XUSTIZA NON SUDARON O SUFICIENTE

PERDERON PRANTE OS AVOGADOS E PROCURADORES 5-4 

O pasado venres os funcionarios  de xustiza dos Xulgados de Cambados medironse en partido de futbito perante, os profesionais (avogados e procuradores) e perderon por 5 goles a 4. Formaron polos funcionarios Pedro, Fandiño, Josiño, Vicente, Paco e Charlin. Polos profesiones poidemos ver a Alberto Sanmartin, Miguel Palacios, Fermin Varela, Fernando Guillan e Gabriel Santos. O mellor de todo estivo despois nacea e nas copas. Dirixeu o encontro Pachicho e moi ben pola afección das duas partes tanto funcionarias como profesionais.

------------------------------------------------------------

      

GALIZA NOVA DO SALNÉS LANZA UNHA CAMPAÑA PARA QUE A XENTE NOVA SE COMPROMETA CO FUTURO DA LINGUA GALEGA

“Por que lle tes medo ao galego? Atrévete” tenta desterrar os prexuízos e tópicos sobre a lingua que aínda persisten na mocidade

Galiza Nova, organización xuvenil do BNG, levará a cabo nos próximos días unha campaña para promover o uso da lingua galega entre a xente nova.

Baixo o lema “Por que lle tes medo ao galego? Atrévete” a campaña pretende que a mocidade galega se comprometa co futuro da lingua usándoa na súa vida diaria, así como loitar contra os prexuízos e tópicos contra o galego que aínda perviven na xente moza. Ademais, anima á mocidade a participar na manifestación do 18 de Maio en Santiago de Compostela a prol do idioma que organiza a Mesa pola Normalización Lingüística.

“As administracións públicas deben garantir o dereito a utilizar a lingua galega”

Neste sentido, Galiza Nova defende “o dereito básico a utilizar o idioma nacional de Galiza, o galego, en todos os ámbitos da vida pública, un dereito que as Administracións Públicas deben garantir”, ante os continuos atrancos para vivir en galego.

Pon como exemplo que a imposibilidade de ver cinema en galego ou de estudar na nosa lingua. E aportou datos: ningunha universidade galega supera o 20% de aulas en galego ou a vertixinosa perda da lingua entre a mocidade urbana (só o 1,6 da mocidade de Ferrol ou o 4,3% da de Vigo tivo o galego como primeira lingua).

“Máis de 10.000 dípticos, conferencias, ciclos de cinema.....”

En canto á campaña de Galiza Nova para fomentar o compromiso da mocidade co galego, repartiránse máis de 10.000 dípticos; colocaranse máis de 5.000 cartazes; enviaranse cartas co material de campaña a todos os representantes de alunos de centros públicos e concertados; organizaranse charlas e ciclos de cinema en galego e despregaranse faixas co lema “En galego temos dereito” en lugares simbólicos da comarca.

“As organizacións que se din defensoras do bilingüismo o que pretenden é manter a situación de inferioridade do galego”

Por último, Galiza Nova critica a “aquelas organizacións que se din defensoras do bilingüismo cando o que realmente pretenden é manter a diglosia, a situación de inferioridade social e xurídica do galego, e mesmamente a súa desaparición”.

------------------------------------------------------------

 

venres 9 dMaio
(dende as 23:50h. aprox.)
JAGARWAKAS & MESHKALINA
ARTEFACTOS SICODÉLICOS SUDAMERICANOS
con MUNSTAPHA

Un homenaxe á escena peruana dos sesenta, o proto-punk de Lince, o rhythm'n'blues criollo, a psychodelia andina, extendida por Chile e cunha vertente moito máis beat por Arxentina e Uruguay. A outra parada obrigada é Mexico, dende a loucura do distrito federal ata o tex-mex fronteirizo pasando polo glamour do surf instrumental de Acapulco... aquí está.
Unha sesión moi solicitada e da que seguro que haberá novas entregas.

------------------------------------------------------------