Cambados 3 de Setembro de 2008

UN ANXO "VOOU" DAS RUÍNAS
UN DEBUXO DE 1957 CONSTATA A SÚA PRESENZA
NA ACTUALIDADE HAI UN ENORME BURACO.

1.- Debuxo de "Reina?".- 2.- Foto na actualidade.

Moncho Botana sempre anda a procura de imaxes de internet sobre Cambados, estes días atopou a que vedes arriba, tratase dun debuxo de tinta  dun tal "Reina?" segundo se pode deducir da súa sinatura, no que na súa marxe superior dereita apreciase claramente a cabeza dun anxo (sinalado cunha frecha vermella), comprobeino onte persoalmente quitando unha foto o mesmo lugar e puiden apreciar que a cabeza do anxo non existe  e no seu lugar  hai un grande buraco, a "desaparición" é de fai algún tempo, pero a gran pregunta é: ¿Cómo desapareceu ese anxo?

Texto: Chon.- Debuxo "Reina?" (facilitado por Moncho Botana) Foto: Unha Grande Chea.

------------------------------------------------------------

Cambados 1 de Setembro de 2008

TRES NOVOS ÁLBUMS DE FOTOS
FOTOS DE UNHA GRANDE CHEA CON FAMOSOS, POPULARES, POLÍTICOS ETC.
FOTOS DO 3X3 E DO PREGÓN DE CARLOS RÁBADE

1.- Co Presidente da Xunta. 2.- Con Pele.- 3.- Con Moncho Borrajo.

Dende o mes pasado que non podiamos subir fotos a sección de "As nosas fotos...As vosas Fotos", porque coa Festa do Albariño habiamos esgotado o espazo que nos daban para o mes. Cumprida a "pena", subimos un álbum que nos consideramos moi interesante onde podedes ver fotos de membros de  Unha Grande Chea co Presidente da Xunta, co Vicepresidente da Xunta,  con Pele, con Moncho Borrajo , con Marlene Morrau, co Alcalde   Touris, e un longo etc.. logo tamén subimos algúnhas fotos do campionato de Basket 3X3 e do pregón do no querido Carlos Rábade na seu pobo natal, ademáis engadironse cento e pico fotos máis o almbun de Hadrián Cores do Albariño. Dende aquí animamos a todos os que queirades que se publiquen as vosos fotos de algún acontecemento ou festa,  para  que nos las enviedes o noso correo.Tamén advertimos que se algúen sae nunha foto publicada neste espazo e por calqueira circunstancia non quere salir, non ten máis que poñelo no noso coñocemento e inmediatamente retirase a fotografía.

------------------------------------------------------------

Cambados 31 de Agosto de 2008

NOVO VÍDEO CLIP DE UNHA GRANDE CHEA

"O ESCUDO" É A CANCIÓN QUE SERVE DE SOPORTE.

CANCIÓN DE CEGO QUE FOI A ESTRELA DO ENTROIDO DE 1987.

1.- Foto do antroido de 1987 co panel confeccionado por Mon Daporta.- 2 e 3.- Dous fotogramas do devandito panel.

Un accidente dun camión con pluma o chocar contra a única ponte da praza de Fefiñans no ano 1987, causando danos no seu escudo foi o que nos dou pe a facer unha das mellores letras da nosa comparsa, de xeito gracioso  e con música de cego contase o ocorrido no accidente  e a consecuencia do mesmo. Dicir a modo de anécdota que nun bar de Cambados onde cantamos a canción estaba o propio autor do sinistro o cal nos invitou a unhas botellas de albariño. Podedes ver o videoclip que inclue tódalas viñetas do panel de cego , arriba en videos.

Texto: Chon.- Fotos: Unha Grande Chea.

------------------------------------------------------------

Cambados 30 de Agosto de 2008

CON DE XIDO A ALACANTE

NESTE MES DE SETEMBRO

INTERCAMBIO CULTURAL CO GRUPO DE DANSES CENTENER DE VILA JOIOSA

1.- Susa, pandereteira de Unha Grande Chea tamén forma parte de conde Xido.- 2.- Formación de Conde Xido.

Os integrantes do grupo folclórico Con de Xido devolverán en setembro a visita ao Grupo de Danses Centener de Vila Joiosa e viaxarán a Alacante, no marco do intercambio folclórico no que ambos están participando.

O grupo alacantino estivo en Cambados ata fai uns días participando nun festival folclórico que convenceu aos cambadeses. Ademais, tiveron ocasión de coñecer os lugares máis emblemáticos da comarca do Salnés e gozar da amabilidade dos habitantes desta zona.

O intercambio cultural no que participa Con de Xido desenvólvese co patrocinio do Concello de Cambados e co apoio da Deputación de Pontevedra, o que lles permite coñecer outras paraxes.

Texto: Diario de Arousa.- Fotos: Unha Grande Chea e Con de Xido.

------------------------------------------------------------

Cambados 30 de Agosto de 2008

LIBRO PARA LER: “AVOS”

DE CHEMA HERAS

RESIDENTE EN CAMBADOS

1.- Chema Heras e Rosa Osuna.- 2.- Portada do libro "Avós".

Hoxe presentámosvos unha marabilla de libro, aínda que quizá non destaque tanto polo seu formato ou pola súa tradición, é unha delicia, un libro cunha historia moi tenra. "Avós" (Abuelos) é o seu título.

Dous avós decátanse de que vai haber baile no pobo, e o avó mételle présa á súa muller xa que ten moitas ganas de ir, aínda que ela non está do todo convencida. Unha historia de aceptación do paso do tempo, tenra e doce como poucas. Un libro que nos ensina o poder do amor e o respecto a pesar do paso dos anos.

Chema Heras é o seu autor é profesor de inglés e vive en Cambados, e escribiu libros para o ensino da lectura en galego e tamén outros para o Departamento de Educación de Nova Gales do Sur durante a súa estancia en Australia. Nacido en Avila en 1957 é un dos personaxes máis recoñecidos da actualidade,  no noso país,  e tamén no estranxeiro. As ilustracións son de Rosa Osuna.

Texto: Chon.- Fotos: A Voz de Galicia e Imaxes Google.

------------------------------------------------------------

Cambados 30 de Agosto de 2008

TENIS DE MESA DE ALTURA EN CAMBADOS

XXXII EDICIÓN DO TORNEO DO ALBARIÑO

ORGANIZA TENIS DE MESA CAMBADOS

1.- Raquel Martinez.- 2.- Karoll Hasek.- 3.- Ñajo Padin

Os principais equipos galegos e varios conxuntos de Portugal danse cita esta fin de semana non pavillón de San Tomé na trixésima segunda edición do Trofeo Albariño de Tenis de Mesa. Un torneo organizado polo Cambados T.M., e que conta coa colaboración do Concello de Cambados, ou Salnés T.M., a Deputación de Pontevedra e mais a Fundación Deporte Galego, dependente dá Dirección Xeral para ou Deporte dá Xunta.

Na xornada de hoxe competirán vos raquetistas dás categorías benxamín, alevín, infantil, cadete, xuvenil e veterán. Entre a representación local, parten con opcións de podio Paula Padín e Andrea Chaves, en benxamín feminina, Martín Regueiro, en alevín masculina, Raquel Martínez e Cristina Barreiro, en infantil feminina, Eduardo Barreiro e Fernando Padín, en cadete masculina, e Ñajo Padín, en veterán.

Mañá será ou quenda dá categoría absoluta. Nela, e cos mellores xogadores de Galicia e do norte de Portugal en competición, Karol Hasek será a principal baza do Cambados T.M.

O Trofeo do Albariño comezará ás dez dá mañá, e prolongaráse ata iso dás dúas dá tarde, para completar a súa primeira xornada desde as catro ata a última hora dá tarde.

Texto: A Voz de Galicia.- Fotos: Tenis de Mesa Cambados.

------------------------------------------------------------

Cambados 29 de Agosto de 2008

OUTRO CARBONCIÑO DE LLORENS SOBRE CAMBADOS

DESTA VEZ TRATASE DA CAPELA DO HOSPITAL

FOI REALIZADO EN 1924.

1.- Carbonciño da Capela do Hospital de LLorens (1924).- 2.- Capela do Hospital  na actualidade.- 3.- Pintor Llorens

Lembrabamos o mes pasado  que en 1924, Lloréns viaxou coa súa muller a Cambados. Alí realizou unha serie de apuntes, dos cales algúns, serviron de base a óleos, pintados posteriormente. Nesta ocasión LLorens fai unha composición da Capela do Hospital , ten un punto de vista baixo, case a nivel de chan. As casas que aparecen representadas, están realizadas dun modo lineal e xeométrico, contribuíndo a crear a sensación de profundidade e perspectiva da rúa. Francisco LLorens Diaz, naceu na Coruña en 1874, se no coñeces podeslle dar un repaso a súa biografia en http://es.wikipedia.org/wiki/Francisco_Llorens_D%C3%ADaz

Texto e fotos: Moncho Botana.

------------------------------------------------------------

------------------------------------------------------------

                

  

1º.- Preme na dirección de abaixo.

http://www.star28.net/snow.html   

2º.- Escribe o teu nome no recadro branco donde pon a palabra: Message

3º.- Preme donde pon:  Submit

4º.- Xa verás que cousa máis refrescante.

Grazas a Juan Maceiras por enviarnos este simpático correo.

------------------------------------------------------------

II REGATA CALMOSEIRA

SAIDA DENDE PEIRAO DE SAN TOME

UNHA GRANDE CHEA PARTICIPARA ACTIVAMENTE NO EVENTO

1.- Cartel anunciador do evento.- 2.- Gerardo, un dos organizadores, na súa dorna.

A regata Calmoseira, para dornas tradiconais,  celebra o vindeiro sábado en Cambados a súa segunda edición con saída dende o Peirao de San Tome as doce da maña, cunha novidade importante na organización: pódese bogar. Deste xeito, se o mar queda en calma podre, os navegantes poden botar man dos remos. A iniciativa contribuirá a darlle emoción e espectacularidade á regata de dornas a vela.  O remata festa rechada no Bar Xeito de Cambados con sardiñeda e xuralada para os particpantes e invitados.

Texto Chon.- Fotos Calmoseira.

------------------------------------------------------------

------------------------------------------------------------

FOTOGRAFÍA EDUARDO APARIZ

www.cambadosenfotos.net

¿CANDO PARARÁ DE SORPRENDERNOS?

1.- Jorge Herbella.- 2.- Haytam (Preme nas fotos para velas ampliadas ou  directamente visita www.cambadosenfotos.net  para velas )

Sabiamos e sabemos do bo facer e do traballo de Eduardo Apariz, sabemos tamén que é un home que revolucionou a fotografía en Cambados, que o acaban de contratar para facer unha voda en Madrid, outra en Foz etc, e todo grazas o seu traballo e a súa páxina), pero que nos decides destas dúas fotografías unha resume un home feito e dereito e triunfador na vida o famoso enólogo Jorge Herbella gran triunfador da Festa do Albariño deste ano e a outra fainos ver en todo o seu esplendor un rapaz que acaba de chegar a Cambados despois de nove meses de viaxe dende o Limbo, Haytam.

------------------------------------------------------------

Cambados, 20 de Agosto de 2008.

MARIA JESUS RUIZ EXPON EN EXPOSALNÉS

HIPERRREALISTA, CONSIDERASE AUDOTIDACTA.

DURANTE A SEGUNDA QUINCENA DE AGOSTO.

1.- Maria Jesús Ruiz Villar.- 2.- Hindú.- 3.- Cabalo na aldea.

Durante a segunda quincena de agosto o Centro Comarcal do Salnés acolle a exposición da pintora-retratista Mª Jesús Ruíz Villar.  Esta pintora autodidacta nace o 4 de xaneiro de 1961 en Ponferrada. E adícase á profesión artística 40 anos. Dou clases de pintura en diferentes localidades do Bierzo e continúa niso, á vez que prepara obra, constantemente, sen parada. A súa pintura suxire hiperrealismo, serenidade, surrealismo, imaxinación, maxía, ensoñación. Delicadeza nos seus trazos. Forza nas súas obras. Inspiran confianza, sensibilidade, sentimentos. Toma con exactitude o matiz das formas e cores. Súas obras desprende vida propia. Entre pinceles creáronse 700 obras.

MÁIS INFORAMACIÓN:670352116

Centro Comarcal do Salnés

Paseo da Calzada s/n

36630 Cambados (Pontevedra)

Tl.: 986 52 60 13 - Fax: 986 52 40 12

Correo electrónico: ccsalnes@comarcasdegalicia.com

Texto: Centro Comarcal Do Salnes.- Fotos: Páxina web de Maria Jesus Ruiz.

TEATRO DE TITERES EN PAZO TORRADO.

"CARMIÑA BRAÑOLAS E AS TARRAÑOLAS"

DA COMPAÑÍA TITIRIMAÑA, E ORGANIZADO POLO CONCELLO.

  

1.-Portada de Carmiña Brañolas e as Tarrañolas.- 2.- Compoñentes de Tarrañolas.- 3.- O Duende, protagonista tamén do teatro.

 A compañía Titirimaña vai representar as 12 do mediodía  do vindeiro xoves “Carmiña Brañolas e as Tarrañolas”, teatro infantil de monicreques,  o argumento é que Carmiña e Charrasquiño son dos bos amigos, viaxeiros que adoran a música e os contos. Nas súas viaxes pásanlle cousas marabillosas e descobren máxicos personaxes e instrumentos  moi antigos que tocaran cos rapaces. E un xeito de ensinar os nenos os nosos instrumentos máis tradicionais. Tamén a destacar este fin de semán , concretamente o sabado 23 a Festa do turista con verbena incluída meixolada e queimada, e a celebración da XII Triatlón Popular.

------------------------------------------------------------

           

   

     

LUNS 18 DE AGOSTO: "ARMA FATAL". MARTES 19 DE AGOSTO: "UN ENGAÑO DE LUJO". MERCORES 20 DE AGOSTO: "HASTA QUE EL CURA NOS SEPARE".

LUGAR: PAZO DE TORRADO (SE CHOVE FARASE NO AUDITORIO DA XUVENTUDE)

HORA 22.00. ORGANIZA: CONCELLO DE CAMBADOS.

TEXTO: Chon. Fotos: Index.

------------------------------------------------------------

SONDESEU EN VILAGARCIA

TODO UN ESPECTÁCULO NO ESCENARIO

XAQUIN XESTEIRA DIRECTOR DE GAITAS E PERCUSIÓN

 

SonDeSeu nace dunha experiencia musical e didáctica realizada no Conservatorio de Música Tradicional da Escola de Artes de Vigo a partir do curso 2001-2002. Alumnos e profesores forman a primeira orquestra folc de Galicia. Un total de 35 músicos recrean repertorio tradicional e de nova composición dende un espirito aberto, un timbre fundamentalmente acústico, instrumentos construidos na súa maioría no propio país por artesáns mesmo pertencentes á propia orquestra e arranxos contemporáneos na liña do xa clásico folc galego producidos en exclusiva para a formación polos profesores das aulas do conservatorio, todos eles con longa traxectoria no estilo. A coidada presencia escénica constitúe de por si un espectáculo orixinal e vistoso. O son, potente e cheo de enerxía, transmite ó publico mensaxes de ledicia e harmonía, como xa o puxeron a proba nos concertos que veñen dando en Galicia. O director de gaitas e de percusión e noso amigo e mestre Xaquin Xesteira, E O Director Xeral da Orquesta Folck é Rodrigo  Romani. Podedes ver unha actuación dos mesmos nun video máis arriba.

Texto e fotos:  paxina de Son de seu;   www.sondeseu.org .

------------------------------------------------------------

Cambados 17 de Agosto de 2008

PAPIGIL EN CAMBADOS
O GAITEIRO DE CANIDO -FERROL TERRA FIXO UNHA VISITA RELÁMPAO A NOSA VILA.
DEPARTIU UNS INTRES CO NOSO SECRETARIO CHON

1.- O gaiteiro Papigil.- Video de Papigil coa nena Noelia Fersan.

Papigil, un dos máis famosos gaiteiros da "rede" estivo onte en Cambados coa súa dona e seu pequeno fillo Alejandro,  de paso de Baiona a Ferrol, para estar expresamente con membros de Unha Grande Chea. Papigil ten o seu propio espazo web http://www.myspace.com/galegadeculturadegaita  así como en you tube http://es.youtube.com/user/papigil  . De seguido vos deixamos cun vídeo da homenaxe a Xosé Manuel Seivane Rivas onde interpreta "O merlo" na compaña de pequena gaiteira Noelia Fersan. Grazas Papigil por facer este esforzo de vir a visitarnos. 

Texto: Chon.- Foto:  http://www.myspace.com/galegadeculturadegaita .- Video : Edelmiro7

------------------------------------------------------------

 

1.- O Alcalde Touris e Anabel e Anabel Carro.- 2.- Feira de Artesanía na Calzada.- Susa, pandereteira de Unha Grande Chea, tamén participa hoxe con Con de Xido no irmandamento de baile na praza de Fefiñans. (PREMA NAS FOTOS SE QUERES VELAS AMPLIADAS.)

Hoxe abre as súas portas no stands da calzada a Feira de Artesanía cunha participación de máis de vinte artesáns que nos amosaron os seus produtos tanto utensilios como gastronomía, que se podaran degustar nos mesmos será inaugurada polo Alcalde Touris e pola concelleira de Cultura Anabel Carro. Sen esquecer o inmandamento dos grupos de danzas Con de Xido e Centener de Vila Joiosa de Alicante, a o prato forte o espectáculo Sit de Clowning dirixido por Tricicle.

Texto: Chon.- Fotos: Diario de Arousa e Unha Grande Chea.

------------------------------------------------------------

1.- Carlos Blanco na presentación do libro de Unha Grande Chea NO 2005.- 2.- Carlos Blanco na chegada o Concello de Vilagarcia para dar o pregón ONTE.3.- A Alcaldesa de Vilagarcia imponlle a medalla de ouro da cidade. (PREME NAS IMAXES PARA VELAS AMPLIADAS).

Como non podía ser menos o artista Carlos Blanco, non defraudou os seus paisanos no pregón das festas de San Roque, un discurso reivindicativo, irónico e con moito humor, amén de repasar a súas anécdotas como neno. Non é con ánimo de criticar nin moito menos,  pero a ver cando vemos no noso pobo un pregón popular como o de Rabade ou como o de Vilagarcía, nunha das festas máis importantes de Galicia, a do Albariño. 

Texto: Chon. Fotos: La Voz de Galicia, Diario de Arousa e Unha Grande Chea.

------------------------------------------------------------

Actuación en Cambados de A Beat Road o mércores do Albariño (Preme na foto se queres vela ampiada).

A Beat Road é a fusión de Nestor Blanco  e Familia con "El Bosque Ambulante". Este grupo comezou a xerminar na Festa Beatles organizada en Discoteca Zao a ano pasado por UNHA GRANDE CHEA. O mércores do Albariño tiveron unha grande actuación en Cambados, e agora véñenos a presentar o seu novo espazo web onde podedes ver fotos, vídeos e actuacións futuras do grupo.

Texto: Chon.- Foto: Unha Grande Chea.

------------------------------------------------------------

CARLOS RABADE FOI PROFETA NA SÚA TERRA

O PREGOEIRO DE RABADE ENCADILOU OS PRESENTES CUN EXCELENTE PREGÓN

NON SE ESQUECEU DE CAMBADOS E DE UNHA GRANDE CHEA NA LECTURA DO MESMO.

1.- Carlos despois de ler o pregón recollendo a estatuiña co cheleco de Unha Grande Chea de mans do Alcalde de Rabade. 2.- Departindo coa delegaciónde Unha Grande Chea.3.- Un abrazo emocionado con Fico.(PREME NAS FOTOS PARA VELAS AMPLIADAS).

Onte era o gran dia para o noso amigo Carlos Rabade, era o día que lía o pregón no seu pobo natal, un día moi importante para el. Evidentemente unha representación de UNHA GRANDE CHEA tiña que estar alí, e a hora que dende o palco empezou a ler o pregón fomos aparecendo cos nosos chalecos na praza para sorpresa do pobo en xeral e del en particular, foi moi emocionante para el e para nos. O Alcalde de Rábade agasallouno cunha estatuiña caricaturizada de Carlos vestindo o típico chaleco de Unha Grande Chea. Alí estivemos departindo coa súa familia e percorremos coas nosas gaitas varios bares de Rábade. Parabéns Carliños.

Texto: Chon.- Fotos: Unha Grande Chea.

------------------------------------------------------------

  

         

O día quince hai doble función na praza de Fefiñans por un lado, ás 21 h.  o intercambio cultural dos grupos folclóricos Conde de Xido de Castrelo e Grup de Danses Centener de la Vila Jiosa, e posteriormente o espectáculo Sit da Compañía Clownic dirixida por Triciclo, patrocinada pola obra social Caixanova e dentro das actividades que organiza o Concello.

Texto: Programa do Albariño.- Fotos.- Con de Xido.- Paxinas web de Centener e Tricicle.

------------------------------------------------------------

     

Ás 22 horas do vindeiro xoves 14 de Agosto no Pazo de Torrado, "CINE NA RÚA", coa proxección  da película "THE HOLIDAY , unha comedia romántica, podes ver, trama, actores, etc, na seguinte ligazón http://www.labutaca.net/films/47/theholiday.htm  , patrocinada pola obra Social Caixanova e dentro do programa de actos da Festa do Albriño.

Texto: Chon.- Fotos. "Internet".

------------------------------------------------------------

        

O noso Amigo Moncho Botana, xubilado él, sempre anda buscando cousas na "rede" e abofé que atopa curiosidades dignas de mención como un debuxo a carboncillo do Pazo de Fefiñans dun tal "Toni Conejo", un afamado pintor , catedrático de debuxo  nado no 59, podes ver o seu curriculum na seguinte liagazón http://conejo.ws/hojas/curriculum/curriculum_web.htm . 

Texto: Chon.- Fotos Página de Toni Conejo e Eduardo Apariz.

------------------------------------------------------------

UNHA GRANDE CHEA TV PRESENTA:

XI CONCENTRACIÓN DE MOTOS VELLAS DO SALNÉS

SAÍDA DENDE A PRAZA DE FEFIÑANS DE CAMBADOS

1.- Os organizadores coa Concelleira de Cultura.- 2.- A xoia da Concentración.- 3.- Roberto , de Unha Grande Chea, tamén participou no evento.

Hoxe tivo lugar no incomparable marco da Praza de Fefiñans de Cambados a saída da XI Concentración de Motos Vellas do Salnés, alí podemos ver os organizadores do evento como o Concellal Rafael Guerrero, Amancio Horro, Piti, Portas etc, e un gran número de participantes, entre os que se atopaba  o noso Roberto Cababelos que tamén participou no evento. A saída oficial douna a Concelleira de Cultura Anabel Carro. Unha Grande Chea TV estivo  alí e preséntavos esta reportaxe , na que respetamos o son das motos vellas porque de verdade era espectacular.

Texto: Chon I.- Fotos: Diario de Arousa e Unha Grande Chea.- Video: Unha Grande Chea.

------------------------------------------------------------

Cambados 10 de Agosto de 2008

O 3X3 DO 2008 EN MARCHA

ANEDEGA E EMBAIXADA PRUSIANA ABREN O PERIODO DE INSCRIPCIÓN

ESTE ANO PREVEESE UNHA PARTICIPACIÓN MASIVA.

1.- Anedega + Embaixada Prusioana toman a dianteira.- 2.- Ramón Falcón un dos organizdores do evento,. ·.- Richar de Unha Grande Chea, participou na anterior edición.

ANIDEGA +
EMBAIXADA PRUSIANA presentan:
3º Torneo de BASKET 3x3. SÁBADO 23 de AGOSTO CAMBADOS, NO APARCAMENTO DO PASEO MARÍTIMO DE SANTOMÉ. O LUNS ÁBRESE O PERÍODO DE INSCRICIÓNS QUE PODEDES FORMALIZAR NOS SEGUINTES LOCALES, E NOS QUE PODEREDES CONTEMPLAR AS BASES:
RIF-ROCK, TETUÁN. A LERIA e CONTINENTAL.

Texto: Organización.- Fotos: Montaxe de Unha Grande Chea. Fotogramas da reportaxe de Chourizo Films.

--------------------------------------------------------

Cambados 10 de Agosto de 2008

UNHA GRANDE CHEA TV PRESENTA:

A FESTA EROPEA DO VIÑO E O RASTRILLO.

AMBOLOS DUAS EVENTOS FORON NA CALZADA.

------------------------------------------------------------

O DOMINGO DO ALBARIÑO SHOW NA CALZADA

VOLANDEIRA E UNHA GRANDE CHEA XUNTOS NO ALBARIÑO

PROBABLEMENTE PARA O ANO A.C. VOLANDEIRA SAQUE AS SÚAS GAITAS A RÚA.

1.- O Presidente de Unha Grande Chea coa presidenta da A.C. Volandeira2.- O Dr. Mundo invitado a tocar con Unha Grande Chea.- ·.- O bo rollo que había o domingo na calzada.

O Domingo despois de levantarse as tantas, sempre nos vemos no Paseo da Calzada, alí co pouco que sabemos tocar, facemos que a xente a esa hora estea a tomar postos nos viños se achegue a nos  e baile e goce da festa. Este ano a A.C. Volandeira, coa que temos varios nexos comúns , sendo o máis significativo Montse, tamén participou con nos, podedes ver arriba no "Vídeo Albariño 2008" varias escenas do evento, así como o noso xa amigo Roberto Gesteira e o médico da residencia sanitaria Montecelo  Mundo. Un pracer estar con Volandeira, logo fomos para o Pazo de Ulloa a tocar tamén unas pezas no Xantar que se fai alí, e xa mais nada ata o ano non hai máis albariño.

Texto: Chon I.- Fotos: Unha Grande Chea.

------------------------------------------------------------

MEMBROS DE CHOURIZO FILMS PARTICIPAN EN "AGALLAS" COMO EXTRAS

O FILM QUE ESTIVERON RODANDO EN CAMBADOS CARMELO GOMEZ  E HUGO SILVA

NAS RUINAS DE SANTA MARIÑA.

Varios fotogramas da curta "EL FUNERAL" de Chourizo Films

Os de Chourizo films están en todas. Pero non só de caras coñecidas vive o cine. Aos extras ninguén os mira, pero sen eles non hai escena. A produtora lanzou a súa convocatoria fai unhas semanas e os cambadeses responderon con xenerosidade. E, como non, alí estaban os mozos de Chourizo films enfundados nos traxes de loito que lles entregou a produtora e cumprindo de corrida as instrucións da dirección á hora de gravar as secuencias do enterro no interior das ruínas. A algúns lles tocou portar a caixa, e non era a primeira vez. Xa tiveron que facer o propio no funeral, co selo de Chourizo. O mentor de leste e outros curtos, Rodrigo Piñeiro, estaba onte alén da cámara para ver de cerca como traballan os profesionais. Él e os seus colaboradores, de momento, están no plano afeccionado pero, ¿quen sabe? Quizá algún cazatalentos queira darlles unha oportunidade. Esta semana, polo pronto, o ciclo Cinema Variedades ofrece a oportunidade de ver os seus traballos na praza de Alfredo Brañas.

Texto: Bea Costa. Fotogramas “El Funeral” de Chourizo Films.

------------------------------------------------------------

Cambados 8 de Agosto de 2008

ESTE VENRES 8 DE AGOSTO
COMBATE NA CABINA DO RIF-ROCK:

COMOMEPOS
VS
MIA WALLAS

NUNHA DESCONCERTANTE NOITE DE FREEROCKIN
NA QUE NINGUEN SABE O QUE PODE PASAR!!!
EXPANSIVE & PROGRESSIVE FREE RAWK'N'ROLLLL
NON VO-LO PERDADES!!!
dende as 00:00 ou algo así...

Texto e fotos: RifRock.

------------------------------------------------------------

Cambados 8 de Agosto de 2008

ACLARANDO QUE É XERUNDIO

Este e-mail só é para corrixir un comentario que facedes sobre a parroquia á que pertence Ponte-Arnelas. Efectivamente esta aldea é do Concello de Vilanova de Arousa (ata hai poucos anos era terra de ninguén: todos sabían onde estaba, pero ninguén investía nada na aldea), aínda que a parroquia á que pertencen os seus feligreses (crentes e non crentes - non coñezo ninguén que non estea bautizado ou que solicitase a apostaSía... Se cha dan???) é a de Oubiña. O cura que celebra misas na súa capela é o de Oubiña e Corbillón, polo que, dende o sentido relixioso e do "cepillo", si está vinculada ao Concello de Cambados.

XOSÉ GARCIA MOLDES.

------------------------------------------------------------

Cambados 7 de Agosto de 2008

XI CONCENTRACIÓN MOTOS VELLAS DO SALNÉS

EN CAMBADOS O 10 DE AGOSTO

UN PERCORRIDO POLA NOSA COMARCA

1.- A "peñas" coas suas vellas motos. 2.- Escudo de club. 3.- Tres cambadeses e unha moto vella.

O vindeiro dez de Agosto o Club Motos Vellas do Salnés organiza unha concentración de motos vellas que incluirá un percorrido pola comarca e inmediacións, comida e premios, podes recoller moita máis información e fotos en : http://motosvellasdosalnes.blogspot.com/

------------------------------------------------------------

     

O sábado do Albariño tivo lugar  o tipico xantar de confraternidade de Asociación, coa asistencias das seguintes personalidade e autoridades:

Excmo. Sr. D. Jorge Francisco Castiñeiras Arenaz, Presidente do Club Xuventude Baloncesto e Director de Banesto en Vilagarcia de Arousa.

Excmo. Sr. D. Carlos Rabade Pallares, Inspector técnico da Administración e avogado non exerciente.

Excmo. Sr. D. Salvador Cores González Director Xerente de “Electricidade Salvador Cores S.L.”, Presidente de Unha Grande Chea, e Chavalier de Secavin (Anjois – Francia).

Excmo. Sr. D. Ricardo Charlin Rey, Presidente do Club Juventud de Cambados e Especialista en Deportes varios no Concello de Cambados.

Exmo. Sr. D. Egidio Varela Lois , Interventor de Caixanova en Cambados e Secretario do Club Xuventude de Baloncesto durante 28 anos inenterrumpidamente. 

Excmo. Sr. D. Alfonso Prado Blanco, Subdirector do I.S.M de Bamio-Vilagarcia e Profesor Emérito do mesmo centro.

Excmo. Sr. D. Emilio Millán Galiñanes, Director Gerente de Explotaciones Marisqueras Rico II e Rico III.

Excmo.D. Xocas Cores González, Codirector Xerente de “Electricidade Salvador Cores S.L.” e gaiteiro Maior do Grupo de Gaitas Unha Grande Chea.

Excmo.D. Hadrián Cores Cacabelos, está a desenrrolar na actualidade estudos de Inxenieria Ténica Industrial  na Universidade de  Vigo e primeiro herdeiro na linea de sucesión de “Electricidade Salvador Cores S.L.”

Excmo.D. Ramón Martinez Ulloa, ex vice patron maior da Confraria de Cambados e, Vicepresidente de Unha Grande Chea e exconcellal do Concello de Cambados.

Excmo.D. José Manuel Domínguez Sánchez profesor  emérito especilista de Educación Física de I.E.S. Asorey de Cambados e embaixador vitalicio de Palas de Rei en Cambados.

Excmo.D. Juan Luis Iglesias Patiño, Xefe dos Servicios Informáticos de Pita Hermanos e asociados e expresidente do Club Xuventude de Baloncesto de Cambados.

Excmo. Sr. D. Xaquin Charlin Piñeiro, estudante de Pedagoxía da Universidade de Santiago de Compostela.

Excmo. Sr. D. José Maria Trigo Daporta, Administrador Xeral de Datrimar e empresas asociadas.

Excmo. Sr. D. Xaquín Charlin González, membro do Corpo de Tramitación procesual da Administración de Xustiza  e membro da Xunta de Personal de Administración de Xustiza de Pontevedra e expresidente do Club Juventud de Cambados.

Excmo. Sr. D. Luis Paulino Charlin Director Gerente dos concesionarios Ford de Pontearnelas e Vilagarcia de Arousa.

Excmo. Sr. D. Roberto Gesteira Losada, Arquitecto Técnico pola Universidade da Coruña e Xefe de Departamento  de T.A.D. de Madrid.

Excmo. Sr. D. Roberto Cacabelos Fernández, Interventor Xefe de Caja Rural de Cambados e Colaborador emérito de San Benito.  

     (Todolos cargos citados son reais, ainda que pareza mentira).

     O menú consisteu este ano en: Tapas variadas, Salpicón feito por Yoli e Carne asada feita por Anxeles, postres variados e todo elo regados con Albariños, Rioxas e Riveras del Duero, cafe puros e licores variados. Todo estaba boisimo. Temos que destacar que este ano sumaronse a sobremesa os da Leria que estaban a xantar o lado na casa de Perto Pisalleira, compartimos copas e piscina e o compromiso de que para ano nos temos que devolverlle a visita.

Queda para outra crónica o campionato de barrigas.

------------------------------------------------------------

CINE É MUSICA NA RÚA

CHOURIZO FILMS E BRONQUITIS CRÓNICA PROTAGONISTAS, ENTRE OUTROS

NORABOA A CONCELLEIRA DE CULTURA ANABEL CARRO POR TAN EXCELENTE INICIATIVA.

1.- To die in Tragove.- 2.- Averdadeira historia de W Joe. 3Bronquistis Crónica e 4.- Anabel Carro con Rodrigo e Alberto.

Grazas a unha excelente iniciativa da Concelleira de Cultura Anabel Carro, ssta seman temos cine dabondo o  ciclo abrirá hoxe mércores coa proxección do curto To die en Tragove 2 , da produtora cambadesa Chourizo Films, e continuará co don da dúbida . A oferta do xoves inclúe a proxección de tres curtos frikis : Centolos e gaitas , Un home de éxito (de Chourizo Films), e A fin do mundo , e o documental Pista Catro , de Pela do Alamo.

O venres proxectaranse os curtos A verdadeira historia de W. Joe , de Chourizo Films na que como todos sabedes participou a Grupo de Gaitas de Unha Grande Chea, así como  algún membro como actor. A maldición do capitán Centolo , Dez Minutos , Encarna , Formularios Truculentos , Entorrados , 7.35 da mañá , Pablo no labirinto , Redondeo , Ntensidad , Conciencias tranquilas , X , Carne de neón e Choque . A festa pechará coa actuación do grupo de hip hop Bronquitis Crónica.

------------------------------------------------------------

Cambados 4 de Agosto de 2008.

   

CHEJAR E ENCHER E UNHA GRANDE CHEA, UNIDOS POLO ALBARIÑO

A CEA TIVO LUGAR NO PAZO DE ULLOA

ESPERAMOS REPETIR PARA O ANO.

1.- Eduardo Dolado Presidente de Chejar e Encher, Montse de U.G.CH., Fico Presidente de U.G.CH e Javito tamén da mesa asociación. 2.- Camiseta que Chejar e Encher lle regala a Unha Grande Chea.3- Cartel que lle regalo U.G.CH a Chejar e Encher.

     Do venres do Albariño polo día pouco podemos contar porque estamos durmindo, pero ese dia foi un dos máis impor tantos do Albariño para Unha Grande Chea, foi a I Cea de Confraternidade entre Chejar e Encher e Unha Grande Chea, a remate da cea intercambiamos regalos, recibimos de Chejar Encher unha camiseta curiosa cos colores da peña amiga pero na que no anverso poñía "Chejar e Encher" e o reverso era o escudo da nosa Asociación, tamén recibimos un banderín  cos colores e lema da peña amiga, nos pola nosa banda regalámoslle unha camiseta de Unha Grande Chea, o libro do Entroido tamén da nosa Asociación e un cartel do Albariño de este ano lembrando a conmemoración da cea e con foto das dúas peñas. Despois baixamos para a de Juan Silva e continuamos festa. Por certo a cea tivo lugar nun marco incomparable, o Pazo de Ulloa agradecemos a familia Daporta a xentileza pola utilización do Pazo e dámoslle as grazas tamén o cociñeiro Vaquero ,  a Milagros e Lola que nos serviron a cea. Mais fotos da mesma en "Venres do Albariño 2008  O Albariño fotografiado por outra xente- Mais Albumns - A nosa Portada."  Grazas a Iria Botana a a Perto Pisalleira por enviarnos a súas fotos.

------------------------------------------------------------

Cambados 1 de Agosto de 2008.

ASTERIX E OBELIX VOLVEN A FALAR GALEGO

A EDITORA SALVAT CEDEU A PRESIÓN DA MESA POLA NORMALIZACIÓN LINGÜÍSTICA

OS PAXINAS WEBS GALEGAS TAMÉN TIVERON A SÚA INFLUENCIA, ENTRE ELAS A DE UNHA GRANDE CHEA.

1.- Asterix e Obelix falando galego.

     A presión galega exercida sobre a Editora Salvat por parte da Sociedade Galega encabeza pola Mesa ´da Normalización Linguistica, fixo o fin o cabo recapacitar a devandita editora e en outubro e novembro do presente ano volverán a falar en Galego, coa publicación dun triplo tomo de Asterix en outubro ou novembro vindeiro. Grazas a Anxel Cambados por facernos participes da nova.

------------------------------------------------------------