Cambados 23 de Outubro de 2009

DÚAS “ACTRICES” DE CARACOL “PÁSANSE” A ESCOLA MUNICIPAL

MONTSE GONZALEZ VILAS E ROSA MARY DEBUTAN EN “LA CASA DE BERNARDA ALBA”

QUE SE ESTREARÁ O VINDEIRO 24 DE OUTUBRO AS 20.00 HORAS NO AUDITORIO DA XUVENTUDE.

Montse e Rosa Mary.

Dúas das principais actrices de Caracol, unha delas é a primeira actriz Montse Vilas  na compaña da actriz secundaria Rosa Mary pásanse a Escola Municipal de Teatro, e con esta compañía van debutar o vindeiro 24 de outubro  na obra “La Casa de Bernarda Alba”. Montse de forma accidental, alo menos é o que nos dixeron,   e por unha baixa dunha das actrices da obra e por consello de Rosa Mary, esta sen embargo forma parte xa das dúas "compañías". Dende aquí desexámoslle sorte as dúas e por engadidura a Escola Municipal de Teatro na estrea desta importante obra.

Cambados 22 de outubro de 2009

UNHA GRANDE EXPOSICIÓN DE  JACOBO DOMINGUEZ

CONMEMORATIVA DO 75º ANIVERSARIO DO EDIFICIO DA JUVENTUD CATÓLICA

O VINDEIRO DOMINGO 25 DE OUTUBRO ÁS 19 H., INAUGURACIÓN.

1.- Jacobo Dominguez "alma mater" da exposición. 2.- Chopi e Chon vistindo a camiseta da Juventud T.A.C nos seus tempos mozos.

O vindeiro domingo 25 de outubro as 19 horas vai ter lugar un dos actos mais importantes a celebrar este ano en Cambados, trátase da inauguración da exposición conmemorativa do 75º aniversario da construción do Edificio da Juventud Católica. Esta magna exposición ten un nome e non é outro que o do historiador cambadés Jacobo Domínguez Pedreira, fixo un traballo impresionante de recollida de documentos, testemuños, fotografías, datos, anécdotas en fin varios meses de traballo van ver a luz o vindeiro domingo. Con todo este traballo Jacobo tamén presente un libro conmemorativo do evento, de seguro que llo van quitar das mans.

Dia de Cristo Rey de 1975, de pe de esquerda a dereita: Pepe Cubeiro, Andrés Vieites, Oscar Fariña, Chon, Reboeiras, Jose Luis e Piño (falecido). Agochados: Ramón Padin, Sanchis e Eduardo.

Equipo da Juventud T.A.C. 1975, de pe de esquerda a dereita: José Luis, Reboeiras, Eduardo Toniño, Andrés Ramiro. Agochados: Pepe, Sanchis, Roberto, Chon e Egidio.

Os que temos máis de corenta e cinco anos e podemos gozar da Juventud Católica sabemos o ben que o pasamos nese edificio , foron varias xeracións de xoves cambadeses que gozaron do edificio. Explicarllo os xoves de hoxe é un tanto difícil, porque agora teñen discotecas, pubs, consolas, ordenadores, infinidade de deportes etc. Pero antes non tiñamos nada  e poder estar na rúa de 7 a 11 da noite todos os días sen que teus pais che dixeran nada e aínda encima estar reunidos todos xuntos homes e mulleres , iso non había cartos que os pagara.  Dicir que neste edificio naceu o Club Juventud Cambados, o “Xuven”, o Club de Tenis, e moitos matrimonios.

1.- Procesión de Cristo Rey de 1976.- De esquerda a dereita, Chon, Eduardo, Roberto, Reboeiras e Oscar. 2.- Cabalgata de Reis de 1976, organizada pola Juventud, Chon de Rei Mago.

Dentro dos numerosos actos tanto relixiosos como pagáns que se van celebrar  neste 75º aniversario da Juventud Católica vai haber unha xantar de confraternidade o vindeiro 22 de novembro as 14.30 horas no Restaurante Forniños de Cambados no que poderán participar todos os que dun xeito ou doutro estiveron ligados a este edificio. Pódense retirar as entradas na Caixa Rural (antigo Banco Zaragozano). Todos os que algún dia gozamos deste magnifico edificio agradecémoslle a Jacobo Domínguez Pedreira, o seu traballo, a súa intelixencia, a súa dedicación e por suposto esta magna exposición. Él e só él é o verdadeiro artífice da mesma.  Parabéns Jacobo.

Cambados 21 de Outubro de 2009

O BOSQUE MÁXICO DE TEATRO CARACOL

A COMPAÑÍA DE CAMBADOS COMEZA O TRABALLO DA SÚA OBRA DESTE CURSO ESCOLAR

Chon, Montse e Dominguez nun intre da obra do ano pasado. Este ano Caracol non contara con Dominguez por motivos personais.

Unha bruxa enfeitiza a unha parella de panadeiros para que non poidan ter fillos. Para romper o maleficio, ambos terán que penetrar nun bosque e superar unha serie de probas. No seu camiño atoparán a personaxes dos contos populares centroeuropeos, como a Carrapuchiña Vermella ou a Cincenta. Este é o punto de partida de "Dentro do bosque", unha opereta de Stephen Sondheim que este curso versiona Teatro Caracol. A compañía empezou estos días o traballo e abriu o prazo para que os colexios e institutos do Salnés reserven praza para as funcións de abril.

A compañía Teatro Caracol vén de iniciar o traballo para o seu espectáculo deste curso 2009 –10. Desta volta, o grupo escolleu a obra "Dentro do bosque", escrita a finais dos anos setenta polo norteamericano Stephen Sondheim.
A directora de Caracol, Olga González, explica que se trata dunha opereta que obtivo un premio Tony –os Óscar dos musicais– nos anos oitenta, e que "parte dos contos populares dos irmáns Grimm para falar dun xeito irónico dos comportamentos dos adultos respecto ós desexos de cada un".
A peza que porá en escena Teatro Caracol é unha versión especialmente pensada para os nenos da obra de Sondheim, elaborada pola propia Olga González.
A trama arrinca con dous personaxes, unha parella de panadeiros que non teñen fillos por culpa do feitizo dunha bruxa. "Para romper o maleficio –conta Olga González– teñen que adentrarse nun bosque, no que coñecerán ós demais personaxes", entre os cales se atopan a Carrapuchiña Vermella ou a Cincenta. A medida que avanza a acción, os panadeiros decátanse de que o cumprimento dos desexos sempre ten consecuencias, e que a veces non son positivas.
A directora da veterana compañía de teatro de Cambados explica que "Dentro do bosque" aborda "o que pasa despois do foron felices e comeron perdices", e que amosa que en ocasións "os príncipes azuis dos contos destiñen".
Como todos os anos, Caracol está traballando no salón de actos do instituto cambadés Francisco Asorey, que é tamén onde realizan as representacións para o público escolar. O pasado ano case unha vintena de colexios e de institutos da zona –a maioría do Salnés– puideron ver a obra de Caracol, e este ano xa está aberto o prazo para que os centros educativos se poñan en contacto con Olga Costa para reservar praza nas funcións, que serán en abril de 2010.
Como todos os anos, o espectáculo de Teatro Caracol combina música e coreografías de baile con teatro de actor e moito humor. O autor escollido nesta ocasión, Stephen Sondheim, é tamén o autor da música dunha das películas máis coñecidas de Tim Burton, "Sweeney Todd: o barbeiro diabólico", e en 1990 gañou o Óscar á mellor canción orixinal pola de "Dick Tracy".
Caracol é unha compañía creada hai xa 17 anos por un grupo de pais de alumnos de Cambados como homenaxe ós seus fillos. Este ano subirán ó escenario 18 actores.

ANXO MARTÍNEZ.- FARO DE VIGO 

Cambados 20 de outubro de 2009.

XORNADA DA MEMORIA HISTÓRICA NO GROVE

A REPRESIÓN FRANQUISTA: ENTRE A LIBERDADE DE INFORMACIÓN E O DEREITO AO HONOR

”CALLAR AL MENSAJERO” E “ROCÍO” A DEBATE NO GROVE O XOVES 22 DE OUTUBRO ÁS 20 H.

1.- Francisco Espinosa.- 2.- Dionisio Pereira.- 3.- Antón Mascato.

A concellería de cultura do Concello do Grove organiza unha xornada de debate arredor da Memoria Histórica, concretamente sobre a represión dos investigadores, dos historiadores, sobre os que se intenta manter o silencio, cando non o medo.

Esta actividade consta de dúas partes, a primeira será a presentación do libro “Callar al mensajero”, do catedrático Francisco Espinosa, no que se analiza o intento de silenciar aos investigadores levándoos aos tribunais de xustiza por recolleren as voces dos represaliados. Na obra son doce os casos descritos con precisión, entre os que se analiza o que afecta á familia de Ramón Garrido Vidal, á que un Xuíz de Cambados lles pechou -sen sequera escoitalos- a web na que incluían a memoria escrita do seu pai, nunha acción promovida polos descententes do ex alcalde grovense Joaquín Álvarez Lores.

Outros casos analizados son os do historiador Dionisio Pereira, absolto das acusacións da familia do excalde falanxista de Cerdedo; ou o da directora de Documentais da Televisión catalana, Dolòrs Genovés, tamén absolta de graves imputacións nas que sinalaba aos responsables do fusilamento dun político catalán; casos que demostran que a liberdade de investigar, o dereito a saber quen foron os represores, está por riba do dereito ao honor que reclaman as familias dos responsables da represión que asolou a nosa historia recente.

Nesta obra do profesor Espinosa, O Grove está moi presente xa que tal e como el mesmo dí na súa introdución "o antecedente inmediato deste libro foron as xornadas que se celebraron no Grove en setembro de 2007 co título “A represión en Galiza; o dereito a saber, e a liberdade de investigar”, que reuníu á maior parte dos afectados por demandas relacionadas co dereito ao honor; unha ocasión única para percibir o problema e contactar cos protagonistas deste libro". Temos neste libro as conclusións principais daquelas xornadas que marcaron un camiño de respecto para o coñecemento da Historia oral en relación coa represión franquista.

A segunda parte desta xornada será a proxección da película máis censurada da historia da democracia española, “Rocío”, de Fernando Ruíz Vergara, que despois de ser xulgado por enfocar, e identificar, aos responsables dos crimes acontecidos nos anos da Guerra Civil nos lugares nos que se celebra a romería máis simbólica de Andalucía, tivo que padecer que a súa obra fose amputada pola lexislación vixente na transición. Fernando Ruíz decidíu entón que non se daban as condicións de liberdade e democracia, para continuar vivindo en España, polo que decidíu marchar ao exilio, en pleno proceso de Transición democrática. Unha película que supón por si soa un completo exercicio do estado da situación deste asunto que se move entre o dereito a investigar e informar e o dereito ao honor das persoas implicadas en feitos delictivos.

Ao remate haberá un coloquio cos participantes na actividade.

Esta xornada celebrarase na Casa da Cultura Lueiro Rey, o xoves 22 de outubro, ás 20.00 horas da tarde, e na mesma participan Francisco Espinosa, autor de “Callar al mensajero”; Dionisio Prereira, historiador; e o concelleiro de cultura, Antón Mascato.

Cambados 19 de outubro de 2009

MANOLO PAZ “GALEGO DO MES”

NOMEADO POLO GRUPO CORREO GALEGO

FÁIXELLE ENTREGA DO GALARDÓN O VINDEIRO XOVES

O chalequeiro de Unha Grande Chea, Manolo Paz, amigo e escultor ilustre de fama mundialmente coñecida , foi designado “Galego do mes de Maio” polo Grupo Correo Galego.Este grupo designa nunha gala , esta ano acada a 20ª edición, os galegos do ano 2009 no mes de maio este ano o galardón recaeu sobre o noso ilustre paisano, entre outros galardoados atópanse o ex-presidente da Xunta Xerardo Fernández Albor, a actriz María Castro Jato ou o escritor Xosé Neira Vilas. O acto o cal está invitada a Asociación Unha Grande Chea, terá lugar o vindeiro 22 de Outubro ás 20.00 no Pazo de Congresos e Exposicións de Galicia en Santiago de Compostela, o mesmo será clausurado polo Presidente da Xunta Alberto Núñez Feijoo e actuará o Grupo de Cámara da Real Filharmónica de Galicia. Parabéns o noso ilustre chalequeiro.

Máis información prmendo AQUÍ.

Cambados 17 de Outubro de 2009

“O CINE EN CAMBADOS” XA ESTÁ NAS LIBRARIAS CAMBADESAS

ONTE FOI A SÚA PRESENTACIÓN NA ADEGA MARTIN CODAX

ADELA LEIRO E MIGUEL ANXO FERNÁNDEZ FORON OS PRESENTADORES DO LIBRO

Sabela Pillado presenta o seu libro sobre a evolución histórica do cine en Cambados
Sabela Pillado Villaronga presentou onte o seu libro titulado “O cine en Cambados”, un esmerado traballo de 120 páxinas no que fai un percorrido pola importancia que tivo a sétima arte na capital do albariño ao longo dos anos.
A autora expuxo que o libro divídese en dous partes, unha na que se fai un percorrido pola historia dos cinematógrafos e as salas de cine en Cambados desde a primeira en 1909 ata a última, o Cine Avenida, en 1999. A segunda parte céntrase principalmente nas películas nas que sae Cambados, así como os actores que visitaron a vila. Cabe destacar que a Praza de Fefiñáns é a que máis saíu nas longametraxes.
Pola súa banda, Adela Leiro, presidenta da Asociación de Ensinantes do Salnés e editora do libro, manifestou que dentro da idea de promocionar os traballos sobre a historia local e comarcal “pareceunos interesante este documentado traballo que recolle a historia do cine e dous cines en Cambados”. Tamén agradeceu a colaboración de Isidro Dozo, que deseñou a portada, e de Miguel Anxo Fernández, quen destacou “a importancia dás historias locais e do traballo de investigación realizado por Sabela Pillado”. Na presentación, Benxamín Rei realizou unha montaxe de secuencias de películas referidas a Cambados.

MÁIS COUSAS HOXE SÁBADO

Hoxe tamén comeza en Cambados un curso de “Habilidades sociolaborais e administrativas” no Centro Cultural de A Merced e que se alongará ó 24 e 31 de outubro de 17 a 20 horas. A partires das 23 horas no Centro Cultural “Manuel Mariño Castro” de Oubiña e organizado pola Asociación de Veciños San Vicente vai ter lugar un Serán no que actuan ata des grupos no que se inclue comida e bebida, entre eses grupos está o noso,  o Grupo de Gaitas Unha Grande Chea e Asociación Obradoiro Volandeira,  e por último no Auditorio da Xuventude ás 23.00 horas concerto do grupo de Pop Rock “Marvel” .

Cambados 16 de outubro de 2009

ISI VAAMONDE CONTINUA NO Nº1 DO TOP 20 MINUTOS

TEMOS QUE SEGUIR VOTANDO POR EL

Isi Vaamonde con Chon e Domin de Unha Grande Chea.

Isi vaamonde non se cansa de darnos as grazas a todos por votar por el e dinos:
"Grazas a todos os que votachedes. volvemos a gañar o TOP 20 MINUTOS por segunda semana consecutiva..grazas a TODOS. Se gañamos o nº1 nesta semana o xoves 22 de outubro obteremos o TOP OURO de 20 MINUTOS”
O premio será a visibilidade a nivel nacional que normalmente e cos medios ao alcance de calquera é un pouco complicada. Se podo contar co teu voto agradézocho.  Podes seguilo facendo premendo AQUÍ

Cambados 16 de outubro de 2009

HOXE É A PRESENTACIÓN DUN GRAN LIBRO:

“O CINE EN CAMBADOS”

DA CAMBADESA SABELA PILLADO VILLARONGA

A Asociación de Ensinantes do Salnés e as Librarias “Ramón Cabanillas” e “Contos”, programan a presentación do libro “O Cine en Cambados” da escritora cambadesa Sabela Pillado Villaronga e vai ter lugar hoxe ás 20 horas no salón da Adega “Martin Codáx” de Vilariño. Unha obra inprescindible na casa de todos os cambadeses e todos os amantes o cine. Parabéns Sabela.

Cambados 18 de Outubro de 2009

“QUEREMOS GALEGO” DENDE CAMBADOS

DOMINGO 18 OUTUBRO ÁS 10.15 HORAS

DENDE A PRAZA DO CONCELLO “PREGASE PUNTUALIDADE”.

A Plataforma “Queremos Galego Salnés”, pon autubuses dende Cambados a Santiago para acudir a manifestación a prol da nosa lingua. Salirán as 10.15 horas dende a Praza do Concello, prégase a máxima puntualidade. Para calqueira eventualidade chamar o telefono 660266069.

Cambados 15 de outubro de 2009

DEFINITIVAMENTE UNICORNIO AZUL GAÑADOR DO V DESAFÍO

VENCE ASÍ NO TOTAL DE REGATAS POR 3-2 A AIREXA.

Fai uns días neste mesmo espazo web, publicaramos, posiblemente debido a un mal entendido ou  unha mala interpretación , que o “V Desafío Unicornio Azul-Airexa”, suspenderase por falta de vento. Pois ben isto non foi así, despois de falar cos  armadores das respectivas embarcacións, declarase como gañador do “V Desafío” a embarcación UNICORNIO AZUL , con todo merecemento. Realmente o que pasou na conversa que se pode ver na fotografía foi que efectivamente o armador da Airexa Fernando Pombo  manifestoullo o armador do Unicornio Azul e patrón da mesma Emilio, que eles retirábanse por falta de vento que non ían vogar entre outras cousas porque non tiñan remos, que si Emilio quería gañar a regata tería que facer todo o percorrido como así fixo e dentro da legalidade vixente. En canto o dos remos non se chegaron a prohibir, senón que simplemente Airexa non quixo levalos. En definitiva, de común acordo entre os armadores é xusto e pertinente declarar gañador do “V Desafío unicornio Azul-Airexa” a UNICORNIO AZUL con todo merecemento, polo que no total de regatas estes avantaxan a Airexa por 3 a 2. Pese a este pequeno malentendido esperamos que para o ano siga habendo “Desafío”.

Cambados 14 de outubro de 2009

O SERÁN DE OUBIÑA VAI ROMPER COA PANA

ATA DEZ GRUPOS VAN PARTICIPAR NO MESMO

COMENZA ÁS 21 HORAS O VINDEIRO SÁBADO 17 DE OUTUBRO.

1.- Bou de Bou e  2.- Ventiños de Oubiña.

1.- Volandeira e 2.- Faiscas de Solobeira.

1.- Xironsa e 2.- Unha Grande Chea

Asociación Cultural Dorna.

Este ano o Serán que vai organizar a Asociación de Veciños San Vicente de Oubiña, vai romper coa pana. Ata dez grupos van participar no evento a sáber:as propias pandereteiras da Asociación, A Asociación  Volandeira, Faiscas de Solobeira, Ventiños de Oubiña, Xironsa, Bou de Bou, San Pedro de Cea ,. Asociación Cultural  Dorna , Os Quicos  de Vilagarcia e Unha Grande Chea. Promete ser un serán visto e entretido, paga a pena pasar este sábado polos locais da Asociación de Veciños San Vicente de Oubiña "Manuel mariño Castro".  

Cambados 14 de ocutubro de 2009

AUTOBUSES PARA A MANIFESTACIÓN DO 18-0

DE CAMBADOS TAMÉN PODE SAIR UN AUTOBUS

INTERESADOS CHAMAR A 660266069

A Plataforma QUEREMOS GALEGO  Salnés  informa a todos aqueles que teñan interés en acudir o vindeiro 18 de Outubro a Manifestación que tamén pode sair un autobus dende Cambados se o ritmo de anotación aumenta ata chegar a ún número determinado. Para anotarse para sair dende Cambados  chamar o teléfono 660266069.

Cambados 14 de outubro de 2009

AUTOBUSES PARA A MANIFESTACIÓN DO 18-0

QUEREMOS GALEGO SALNES SAIRÁ DENDE VILAGARCIA

A Plataforma QUEREMOS GALEGO  Salnés  informa a todos aqueles que teñan interés en acudir o vindeiro 19 de Outubro a Manifestación que se vai celebrar en Santiago a prol do noso idioma que a sáida para os autobusus do Salnés será ás 10 da mañá dende o Paseo Elpidio Villaverde de Vilagarcia de Arousa, entre o auditorio e a casa do mar. Para anotarse chamar os telefonos 647652471 ou 693421476.

Cambados 13 de Outubre de 2009

A BENEMÉRITA TAMÉN TEN SENTIDO DO HUMOR

DISFRAZARON DA GARDA CIVIL A FONTE DA PRAZA DA LEÑA

NO DÍA DA SÚA PATRONA.

Onte Dia do Pilar, Patrona da Garda Civil, probablemente membros da benemérita disfrazaron a Fonta da Praza da Leña en Fefiñans de Garda Civil, a tal efecto puxeron na bola bigote, un tricornio e máis a súa capa. Cando chegou o noso fotográfo xa estaba algo desfeito o moneco para paga a pena velo. Quen dicia que a benemérita non ten sentido do humor.

Cambados 13 de outubro de 2009

PARA O UNICORNIO AZUL NON HOUBO SUSPENSIÓN

UN DOS SEUS TRIPULANTES IAGO OTERO ACLARA O TEMA

TODO ELO SEGUNDO A SÚA PROPIA VERSIÓN.

Iago Otero tripulante de Unicornio Azul, cree que o publicado nesta páxina con respecto o V Desafio Airexa-Unicornio Azul, non se axusta a realidade e fai a seguinte aclaración:

 “Teño que decir que ¡¡non se suspendeu!! o ano pasado a Airexa utilizou as palas de canoa de piraguismo de este mismo modo non estan prohibidas a utilización de elas neste ano... e o comisario non comunicou a suspension da regata, fixo unha proposta e comunicou que a Airexa quedara sen vento e retirouse ... o Unicornio Azul nese intre tiña vento para desplazar a embarcacion sen remos, como ven se dixo unha regata devese anular cando por causas moi extremas de vento sea imposible ou perigoso para os tripulantes, ou polo contrario por un tempo prolongado a regata quedase sen vento e fora imposible moverse grazas o vento. E non se rematou por vondade propria, porque se lle comunicou a Airexa, esta xa retirada,que tomou a opcion ela mesma de que o Unicornio rematase a regata completamente ou quedaria anulada a regata. De este modo cando o Unicornio se encontra a piques de coller a bolla da Illa da Arousa, comunicouselle o que propuxo a Airexa e continuou rumbo a Cambados con vento.
con esto teño que decir que realmente tampouco me gustou bogar o comenzo da regata e a mediados de ela,que teño que repetir que non se prohibiu.
O que propoño eu , e que no vindeiro ano engadase unha norma o desafio Airexa- Unicornio azul, da prohibición  da utilizacion de medios externos para o movemento da embarcacion se non se trata do vento, e tamen se este vento e dunha velocidade non e precisa para o movemento das embacacions que fora aplazada antes,  non despois no medio da regata. Esto é a verdade.”
 Asi tal cual nos envio a aclaración , así a publicamos, esperamos logo  se ten que dicir algo a tripulación da Airexa, tamen teñen este medio para efectuar as aclaracións que coiden pertinentes.

Cambados 12 de outubro de 2009

LINO, SEMPRE LINO

A CAFETERIA REYMAR ESTASE O CONVERTIR NUNHA GALERIA DE ARTE

A EXPOSICIÓN DE LINO ATA O 1 DE NOVEMBRO.

1.- Cafeteria Reymar, exposición de Lino Silva.- 2.- Autoretrato de Lino Silva.

As exposicións de Lino Silva sempre crean expectación. A súa pintura, inzada de sombras que semellan saír do interior dúas personaxes, a miúdo inmersos en ambientes bohemios, conta con ducias de incondicionais. A cafetería Reymar “situada na rúa Val le Inclán de Cambados” acolle a última mostra do pintor cambadés.
"Paisaxes e Personaxes" pode visitarse ata ou 1 de novembro e consta de 18 cadros en pintura acrílica, nos que caben tanto as paisaxes “case sempre ocupadas por unha mesta vexetación, mesmo algo tenebrosa” e os retratos. Entre estes hai dende a imaxe dunha muller completamente enloitada, que pousa para ou artista dende unha humilde banqueta, ata un autorretrato do propio Lino Silva ou unha Virxe que sostén non colo a un Neno Xesús cunha frondosa barba.
Comezou na escultura:
Liño Silva naceu en 1950 e axiña amosou a súa inclinación cara ou arte. Empezou estudando co seu tío José Vaamonde Silva, e logo tivo estadías na escola de artes e oficios Mestre Mateo de Santiago de Compostela e na de Belas Artes de San Fernando (Madrid).
Nos seus comezos cultivaba a escultura e, de feito, a súa primeira exposición foi desta modalidade. Tiña entón só 20 anos, e Cambados empezaba a coñecer os traballos doutros mozos escultores que andado ou tempo conquistarían enormes éxitos artísticos, como Francisco Leiro ou Manolo Paz.
Fose pola razón que fose, cos anos a carreira de Liño Silva foi escorando cara a pintura, e remataría cristalizando nun acusado estilo persoal, non que ou fume dous cigarros flota non aire como unha presenza fantasmal, e as personaxes semellan ollar ó espectador dende a noite, ou dende a profundidade dunha habitación sen luz. A exposición dá cafetería Reymar permite deste xeito un reencontro do público co traballo de Lino Silva. Ou artista cambadés xa tivo a oportunidade de expoñer nos últimos anos nalgunhas dás salas máis importantes dá comarca, como a Rivas Briones de Vilagarcía ou a galería Borrón 4 de Cambados.

M.A. MARTINEZ.- Faro de Vigo.