UNHA GRANDE CHEA - CAMBADOS -, TITULARES:

Cambados 26 de Noviembre de 2009

O GDR RENOVA AS MESAS SECTORIAIS

CHON REELIXIDO NOVAMENTE POR UNANIMIDADE

EN REPRESENTACIÓN DAS ENTIDADES CULTURAIS DEPORTIVAS…

A asociación do Grupo de Desenvolvemento Rural do Salnés (GDR www.gdrosalnes.com), que se encarga da xestión do programa Leader 2007-2013, celebrou onte varias reunións no centro de interpretación ambiental A Telleira, de Vilalonga (Sanxenxo). Presentouse un informe sobre a tipoloxía dos proxectos presentados ao Leader e presentouse aos socios as propostas innovadoras para o premio GDR O Salnés. Asemade dentro do orde do dia e concretamente no punto 5º estaba a renovación dos representantes  da mesa sectorial na xunta directiva segundo os estatutos da asociación e concretamente no que se refiere a mesa  das asociacións  deportivas , recreativas de veciños e culturais, acordouse por unanimidade que continuara no cargo o presidente de Unha Grande Chea , Xaquín Charlín “Chon”.

Cambados 25 de Novembro de 2009

XORNADAS LITERARIAS EN CAMBADOS

RAMÓN CABANILLAS: A MODERNIDADE NA POESÍA GALEGA

Por este orde: Carlos L. Bernardez, Luis Rei, Gonzalo Navaza, Ramón Nicolás, Miro Villar, Ramón Caride, Domingo Tabuyo, Elvira Riveiro, Kamo Petrosyan, Luis González Tosar, Manuel Bragado, Xosé Maria Dobarro e Xosé Ramón Pena.

Cambados (EXPOSALNÉS), 27 e 28 de novembro 2009

Organiza: Centro P.E.N. de Galicia

Patrocinan: Ministerio de Cultura

Dirección General del Libro, Bibliotecas y Archivos

Colaboran: Concello de Cambados

Sociedade para o Desenvolvemente Comarcal de Galicia. Salnés.

Venres, 27 novembro:

17,00 hs.- A significación de “Samos” a cargo de Carlos L. Bernárdez.

Presenta.- Ramón Caride Ogando

19,00 hs.- Cabanillas na voz dos poetas de hoxe Música e poesía.       

Interveñen.- Silvia Penas, Elvira Riveiro, Miro Villar

Ramón Caride Ogando, Domingo Tabuyo, Luís González Tosar. Música a cargo de Kamo Petrosyan, presenta  Ramón Nicolás

Sábado, 28 novembro:

11,30 hs.- Presentación da “Poesía galega completa” de Ramón Cabanillas (Edicións Xerais de Galicia)

Interveñen.- Xosé Ramón Pena, Xosé Mª Dobarro, Manuel Bragado.

12,30 hs.- Actualidade da obra de Cabanillas

Interveñen.- Xosé Mª Dobarro, Xosé Ramón Pena, Luis Rei

Presenta.- Gonzalo Navaza.

Cambados 25 de novembro de 2009

REPRESENTACIÓN DUN DINOSAURIO A TAMAÑO REAL:

POLOS ALUMNOS DA PRIMEIRO DA ESO DO ASOREY DE CAMBADOS

Arxentinosaurus: 50 m de lonxitude, 15 m de altura e 40 toneladas (quedouse un pouco curto no peso, necesitabamos máis xente). Participou todo o centro e a actividade estivo realizada polo alumnado de 1º de ESO que se encatgou de facer o debuxo e distribuir o traballo.

Cambados 25 de Novembro de 2009

O MECO-CAMBADÉS GOGUE EN NEW YORK

ALI COINCIDEU CON BILL GALLO

Gogue con Bill Gallo   na redaccion do Daily News

Gogue estivo en New York de donde volveu a semana  pasada, ali estivo con  Bill Gallo quen  leva varios anos pasando uns dias sempre na Illa da Toxa e depaso comendo e ceando no Restaurante Dorna, donde Gogue soubo del por Marisol e Lis. Fixeron  unha grande amizade, pois son colegas de profesion, Bill  con Bertha e Yuchie e Gogue con Floreano.

BILL GALLO, naceu en Manhattan o 28 de Decembro de 1922, é un dos máis prestixiosos debuxantes de prensa dos Estados Unidos traballando diriamente no Daily News desde 1941. Foi chamado ao Exercito e paticipó na Segunda Guerra Mundial na zona do Pacifico. É o creador dos personaxes Bertha e Yuchie, moi coñecidos na prensa americana.As súas grandes paixóns son o Beisbol e o Boxeo, onde leva moitos anos debuxando, creando e cultivando premios e mencións pola súa gran creatividade e humanidade para goce dos seus miles de admiradores tanto de Estados Unidos como do resto do Mundo. Recibiu o James J. Walker Award da Asociación de Escritores de Boxeo e o Champions Award do Downtown Athletic Club.  Está incluído no International Boxing Hall Of Fame. Recibiu da National Cartoonist Society o Milton Caniff Lifetime Achievement Award en 1998 e moitos innumerables premios mais, o que fan deste xenial artista sexa un dos mais admirados caricaturistas da prensa americana na actualidade. 

Cambados  24 de Novembro de 2009

EVA SOTO E EDUARDO APARIZ TRABALLANDO XUNTOS

A FAMOSA DESEÑADORA CAMBADESA E O FAMOSO FOTOGRAFO COLABORAN NUN GRAN TRABALLO.

Moda, fotografia e cetreria nunha mesma imaxe, e non está trucada.

Este traballo foi encargado pola afamada deseñadora cambadesa Eva Soto, "Tesoira de Prata 2008"para a súa colección "Pajaros na cabeza" .Todo un pracer poder traballar con Eva Soto e contar coa inestimable colaboración dos cetreros Evaristo e Moncha ,que co seu saber facer co aguia, falcón e bufo, fixéronnos o traballo moito mais fácil. Ningunha das fotografías é unha montaxe , só froito da paciencia e saber facer dos adiestradores e as modelos Andrea e Aelssandra.
Todo un pracer, unha vez mais , traballar con Eva Soto e poder fotografar o seu enorme talento plasmado nas súas creacións. Podes ver parte dos seus diseños premendo AQUI

Eduardo Apariz

Cambados 24 de Novembro de 2009

OS LUNS A POESIA DE RAMÓN NOGUEIRA

ALMORZAR INTENSIDADE

 “Envexo que as estrelas non teñan vertixe”

Neste mundo incompleto
de saciedade de carne
(de comer ao outro)
acompaño as raiolas de sol
no seu camiño agarimoso
entre as polas
abrindo fiestras
e molestando nos ollos
ás oito da mañá.
Coa luz vexo
e vexo cada enfeitizado,
cada cortello de sentimentos,
cada un
gardadiño nun peto,
non vaia ser que se vaian…
Quero unha lupa!
e ver xunto coas raiolas de sol.
Completar
os vacíos cheos de mágoa,
o sentimento
completamente magoado
pero cheo de luz,
da nosa luz.

Cambados 23 de Novembro de 2009

HOTEL OS PAZOS, FABULOSO ANFITRIÓN

A XUNTANZA DE CANLES YOU TUBE NON PUDO BUSCAR MELLOR LUGAR

FELICITACIÓN POR PARTE DOS ASISTENTES A UNHA GRANDE CHEA POLA ORGANIZACIÓN.

1.- membros de Unha Grande Chea brindando cos demais concentrados no Pazo A Capitana.- 2.- Carmelo xerente do Hotel Os Pazos facendo a queimada  despois da cea.

Como ben sabedes o pasado sabado celebramos a II Xuntanza de Amigos das Canles Galegas You Tube, cun programa de actos moi completo, Pavitren, Recepción no Concello, Ruinas de Santa Mariña, Pazo a Capitana, e debido a choiva non poidemos asistir a outros lugares que tiñamos programados, pero tiñamos certo temor a Hotel Os Pazos, porque nunca  celebraramos nada ali pese a estar no centro de Cambados, pero os temores volveronse en satisfaccións porque a acollida por parte de Carmelo e familia foi maravillosa, a comida excelente (felicitacións as cociñeiras) e o prezo excepcional, Carmelo tivo a delicadeza de facernos ademais despois da cea unha boa queimada con aturuxo incluido, todo elo adornado con gaiteirada tanto despois de comer como despois de cear. Podes ver un resumo fotográfico en “As nosas fotos” e videos nas canles you tube XOANARCODAVELLA e ETERNIA7. Os asistentes que o longo da tarde noite foron aumentando ata chegar a treinta persoas, marcharon contentisimos pola vila, pola xuntanza, pola nosa organización e sobre todo polo Hotel Os Pazos, lugar que recomendamos expresamente para calqueira clase de celebración. Tamén lle queremos agradecer o Pazo A Capitana pola súa acollida e por facernos partícipes dos seus excecelentes caldos como Albariño, Espedeiro e Tinto Barrantes. Xornada completa quizais un pouquiño deslucida pola choiva pero na maravillosa terra na que estamos tampouco é de extranar. Grazas a todos os asistentes por facernos tan felices.

Cambados 23 de Novembro de 2009

As “canas” son unha das consumicións máis populares en case calquera bar. Pero aínda que o acto de encher un vaso con cervexa de barril pareza sinxelo ten a súa arte, e nas escolas de hostalería ensínanse diferentes técnicas para “tiralas”. Un veciño de Cambados de 23 anos, Alberto Castiñeiras Cacabelos, pode considerarse como un dos mellores “tiradores” de canas de cervexa de toda España.
Alberto Castiñeiras estuda Cociña na Escola de Hostalería de Santiago de Compostela e tras realizar un curso de coctelería con Juanjo Fernández “presidente da Asociación Galega de Barman” en abril deste ano participou no campionato galego de Coctelería, alzándose coa vitoria na categoría de mozas.
Grazas a ese triunfo invitáronlle a dous campionatos nacionais, un celebrado en maio en Sitges (Barcelona) “organizado por unha marca de ron”, e outro convocado pola Federación de Asociacións Españolas de Barman, que tivo lugar hai pouco en Palma de Mallorca.
A cana perfecta
Este torneo de Palma dividíase en tres modalidades distintas: elaboración de gin-tónic, coctelería e tiradores de cervexa, e Castiñeiras gañou este último. O xurado requiría unhas normas moi estritas: debían encher de cervexa o 70 por cento do vaso, e este debía manter unha inclinación de 45 graos con respecto á billa.
Outra condición era que a cana tivese dous dedos de espuma “sen que pasase en ningún momento o bordo do vaso” e o xurado analizaba tamén a técnica e a posición do camareiro detrás da barra.
Alberto Castiñeiras tardou entre tres e catro minutos en completar cada unha das dúas “canas” que tivo que servir, pero ao final o xurado valorou que ambas se achegaban moito ao que se considera a “cana ideal”, polo que lle outorgaron a máxima puntuación na súa categoría.
“Nun concurso así non podes tirar a cervexa toda de golpe. Eu fíxeno en tres tempos”, comentaba Alberto Castiñeiras, un mozo apaixonado pola cociña, tanto que nin sequera os seus éxitos como barman fanlle dubidar se escolleu ben a especialidade que estuda na escola de Hostalería.
“Isto todo foi grazas a Juanjo Fernández e a José Soto “o relacións públicas da Asociación Galega de Barman”, que son quen estiveron comigo e os que máis fixeron por min”, comentaba un exhultante Castiñeiras ao seu regreso de Palma de Mallorca.
Vocación hostaleira
Alberto Castiñeiras foi xogador de baloncesto e na actualidade adestra o equipo junior feminino do Xuventude de Cambados, e é o segundo adestrador do filial deste mesmo club. Tras terminar os estudos secundarios matriculouse en Relacións Públicas na Coruña, pero non chegou a terminar os estudos. Recorda que “sempre quixen dedicarme á hostalería, desde pequeño”, de modo que ao final deixou as relacións públicas e buscou o seu lugar na escola de cociña de Santiago.
Está convencido de que ese é o oficio ao que desexa dedicarse “co que terá a oportunidade de continuar a excelente tradición de restauradores que ten Cambados” e que a cociña é o seu.
A pesar de todo, non nega que os traballos de barra tamén lle atraen, e de feito xa decidiu participar no próximo campionato galego de Coctelería, co obxectivo de obter o billete para o nacional.

Texto e foto Faro de Vigo.

Cambados 21 de Xaneiro de 2009

ORGANIZA: Departamentos de Bioloxía e Xeoloxía, e Física e Química do I.E.S. Francisco Asorey. Cambados

DATAS: 23 a 30 de outubro

Como en anos anteriores o centro quere sumarse a esta importante celebración que ten lugar todos os anos en Novembro para chamar a atención do alumnado e da comunidade en xeral, sobre un evento, ou tema científico, de interese. Este ano adicámollo á Astronomía e á persoa e a obra de Charles Darwin, pioneiro no estudo da evolución das especies. Coa finalidade de darlle a maior difusión posible fixemos unha serie de actividades nas que participaron profesorado e alumnado, algunhas delas abertas e ás que convidamos a todas as persoas que estean interesadas.

ACTIVIDADES:

EXPOSICIÓNS:

-Darwin: a súa vida e a súa obra

-Evolución da vida-expecies extinguidas (elaborada polo alumnados de 1º de ESO)

-Libros

-Fósiles

OBRADOIROS:

-Astronomía (alumnado)

-Dinosaurios (alumnado)

-Observación do ceo nocturno: mércores 25, das 19 ás 21 horas, no patio do centro.

  Dirixida por membros da Asociación Astronómica “Sirio” de Pontevedra (actividade  aberta)

VISITAS GUIADAS POLO ALUMNADO:

-Para grupos de Primaria interesados.

TEATRO:

-“Discurshow. Matarratas Darwin” (alumnado)

Cambados 21 de Novembro de 2009

THE HENRY WARNIMONT EN TV

NA CANLE CORREO

O grupo cambadés The Henry Warnimont foi entrevistado pola canle de TV  CORREO  nunha ampla reportaxe. Este grupo que en principio se chamaba “Play Back” deuse a coñocer por primeira vez nunha actuación perante o gran público na Noite Beatles organizada por Unha Grande Chea en Discoteza Zao. Unha da suas mais sonadas actuacións foi no Flup Pop festival rock que tivo lugar en Cambados, así como na derradeira Festa do Albariño despois de varias peticións desta páxina para que asi o fixeran. Están adquirindo experiencia a pasos axigantados. Podes ver a reportaxe premendo AQUÍ.

II XUNTANZA DE CANLES GALEGAS YOU TUBE

FORON RECIBIDOS NO CONCELLO DE CAMBADOS

Ás 13 horas e despois de percorrer o pobo no Pavitren os asistentes a II Xuntanza de Amigos das Canles Galegas You Tube, foron recibidos no Concello de Cambados polo teniente de Alcalde Antonio Iglesias Pombo, o Presidente de Unha Grande Chea, agredeu os asistentes a su presencia e animandos a continiuar propagando a nosa terra polo mundo adiante por medio de you tube. O Sr. Iglesias doulle a benvida o noso pobo os asistentes e agredeceulles que escolleran Cambados para celebrar este evento. Logo xiraron visita o Pazo-Adega-Casa Rural “A Capitana” donde degustaron os ricos caldos da súa adega e de seguido retiraronse a xantar o Hotel Restaurante Os Pazos.  En breve pondremos unha ampla reportaxe fotográfica do evento.

Cambados 20 de Novembro de 2009

O XAV CONSEGUE DUAS VITORIAS E DUAS DERROTAS

RESULTADOS 14/15 NOVEMBRO

2ª DIVISION B FEMININA

25-12 25-8 25-13

Cuarta victoria consecutiva, sen ceder un set, do equipo senior. Partido rápido e sen grandes dificultades; en tres cuartos de hora superaron ó Val do Dubra que opuxo esforzo e vontade. Xogaron Mariel Oubiña (capitá), Raquel Oubiña (líbero), Gema Chazo, Paula Rial, Salomé Lois, Fátima Cortegoso, Lidia Gómez e Nicole Magariños (cadete).

Clasificación trala Xornada numero 4

LIGA ZONAL XUVENIL FEMININA

Grupo: Norte

25-18/25-13/15-25/19-25/15-8

Nun partido longo e de marcador incerto, as xuvenís pasaron de perder 2-0 a empatar o encontro para finalmente sucumbir no quinto set. É a primeira derrota do equipo na competición. Participaron Tania Charlín (capitá), Ana Pombo (líbero), Leticia Nogueira, Andrea Carro, Isabel Lois, Nelly Vidal, Selemne Jorge, Sofía Fernández, Noa García e Valentina Barreiro.

Clasificación trala Xornada numero 3

LIGA GALEGA CADETE FEMININA

9-25 29-27 14-25 6-25

Entre lesións e gripes só poideron acudir ó encontro cinco cadetes ás que axudaron catro infantís. Partido de grandes contrastes xa que a pesar de gañar o segundo set, o primeiro e o último caeron do lado vigués dunha maneira fácil. Necesitamos ese espíritu de loita dos segundo e terceiro set para próximas xornadas. Xogaron Paula Serantes (capitá), Nicole Magariños, Fuensanta Bugallo, Clara Fernández, Aida Rey e as infantís Bibiana Silva (líbero), Estela Vilanova, Lara Diz e Mariña Durán.

Clasificación trala Xornada numero 4

LIGA GALEGA INFANTIL FEMININA

25-18 25-19 21-25 25-13

O partido peor xogado das infantís no que levamos de temporada. As infantís non xogaron co seu bó xogo ao que nos teñen acostumados ata os últimos puntos do encontro. Os seus saques puideronlle xogar unha pala pasada ao equipo de Aida Cortegoso. Aínda que gañaron, agardamos mellor xogo das infantís este domingo ás 11:30 en Monforte contra a Pinguela. Neste partido xogaron: Bibiana Silva (capitá), Estela Vilanova, Celia Bao, Mariña Durán, Claudia Cores, Carmen Cortegoso,Lara Diz, Marta Palacios, Iria Martinez. Na bancada quedaron: Sandra Moares e María Pomares.

Clasificación trala Xornada numero 4

Cambados 20 de Novembro de 2009

HOXE VENRES, NOVA PROXECIÓN DO CICLO CINEMAS DIXITAIS

NO CENTRO COMARCAL DO SALNÉS

•        O Centro Comarcal do Salnés proxectará, o venres 20 de novembro ás 18:00 h. a sesión que se denomina "A XAURÍA HUMANA (Galicia na Guerra Civil)", das curtametraxes que se verán hai máis información no arquivo que se adxunta a esta nova. A entrada é de balde, ata completar aforo.

Achegar o cine ás vilas que non contan con salas comerciais, promover as producións audiovisuais galegas e contribuír a estabilizar unha programación audiovisual nos concellos do país son as necesidades que a Consellaría de Cultura cubriu con este proxecto.

O salón de actos do Centro Comarcal do Salnés converterase, de novo, en sala de cine grazas a esta rede de exhibición que a través do soporte dixital, vai continuar co ciclo de curtametraxes este venres 20 de novembro coa proxección do ciclo "A XAURÍA HUMANA (Galicia na Guerra Civil)" dentro do ciclo cinemas dixitais.

As curtametraxes que se proxectarán son:

•        1939: UN BERRO DE SILENCIO FORMULARIOS TRUCULENTOS, dirixida por Alicia Conchas.

•        A GUERRA DOS AVÓS dirixida por Oscar Galansky

•        ALMA ESQUECIDA dirixida por Clara García Nieto

•        CORES dirixida por Jairo Iglesias

MINAS dirixida por Dani De la Torre

•        RIBADEO, 1936 dirixida por Jairo Iglesias

•        SOLDADO SEN FORTUNA dirixida por Roque Cameselle

Esta proposta pretende dar a coñecer a amplísima e excelente oferta de producións de curtas e achegar aos cidadáns do Salnés, as últimas producións de curtas sobre temas diversos.

--

Centro de Desenvolvemento Comarcal do Salnés

Paseo da Calzada s/n

36630 Cambados (Pontevedra)

Tl.: 986 52 60 13 - Fax: 986 52 40 12

Correo electrónico: ccsalnes@comarcasdegalicia.com

Cambados 19 de Novembro de 2009

O 25 DE NOVEMBRO

DIA CONTRA A VIOLENCIA DE XÉNERO

Mariña Varela encargada do C.I.M. de Cambados.

Co gallo do día mundial contra da violencia de xénero haberá unha exposición de debuxos sobre igualdade entre homes e mulleres e sobre violencia de xénero na casa do Concello de Cambados, ás 12 horas, coa entrega de agasallos os asistentes. Durante a mañá tamén habará un stand informativo sobre as actividades do Centro de Información da muller. Tamén haberá no Auditorio de A Xuventude unha conferencia sobre a loita contra a violencia de xénero. Este un tema no que todos e todas nos debemos de concienciar e tratar de erradicar, unha forma de conseguilo é a educación.

Cambados 18 de novembro de 2009

CONQUISTA DE ROMA

A AGUIA CAMBADESA COMEUSE A AGUIA ROMANA

O CHALECO MÁIS FAMOSO DE CAMBADOS INVADE ROMA

O Chaleco máis famoso de Cambados , o chaleco de Unha Grande Chea, conquistou Roma, estivo en moitos lugares da capital italiana ente eles tres míticos como son o “Coliseum” a “Fontana de Trivi” e “Piacca de San Pietro” e en moitos outros dos que sa vos informaremos, como un video gravado na propia “Capella Sixtina”, donde o parecer non se poden sacar nin fotos nin videos, e iso consigueuno este xa “sacro chaleco”. As minivacacións si que cundiron.

Noutro orde de cousas informar que hoxe 18 de setembro terá lugar un obradoiro “Sotenibilidade e aforro en tempos de crise”, organidade polo Servizo Galego de igualdade e xestionado polo Centro de Información á Muller, no Centro Comarcal Exposalnés de 17 a 20 horas.

Cambados 18 de novembro de 2009

UNHA GRANDE CHEA PIONEIRA

EN NOVEMBRO DE 2006 XA PIDIAMOS DIGNIDADE PARA A TUMBA DE CABANILLAS

PUBLICADO  NA VOZ DE GALICIA O 9 DE NOVEMBRO DE 2006, ANIVERSARIO DO PASAMENTO DO POETA.

1.- A tumba do poeta en Bonabal. ".- A tumba do peota en Fefiñans (Fotos Unha Grande Chea).

Ola aquí estamos de novo despois destas minivacacións dispostos a seguirvos informando sobre a actualidade cultural e deportiva cambadesa, e así onte en varios medios de prensa o Alcalde Luis Aragunde facia balanzo do ano Cabanillas, no cal non imos entrar a valorar porque non é a nosa misión, remataba o noso alcalde decindo ““xa solicitei á Consellería de Cultura que dispoña o necesario para dotar o sartego de Ramón Cabanillas das melloras acordes coa ilustre persoalidade do defunto. Asemade, pedimos que se proceda á inscripción do epitafio elixido polo eximio poeta”. Pois ben esto xa o solicitamos nos en novembro do 2006, daquela a periodista cambadesa Maruxa Alfonso no medio no que traballa “La Voz de Galicia” titulaba “A tumba de Cabanillas en Bonaval carece de epitafio elexido por el”, ademais decia “A confusión de competencias  sobre do panteón de Galegos Ilustres dificulta a súa inscripción”. E seguia dicindo  “A asociación Unha Grande Chea, de Cambados denuncia que ningúen se fixera cargo para que se cumpliran os desexos do poeta da raza”, e seguia manifestando Maruxa “A denuncia de Unha Grande Chea deixou o descuberto a confusión de competencias que existe sobre to panteón de galegos ilustres”, e remataba Maruxa dicindo “A denuncia de Unha Grande chea foi onte apoiada pola familia do autor cambadés”. Pois ben o César o que é do César e a Unha Grande Chea o que é de Unha Grande chea.

1.- A periodista cambadesa Maruxa Alfonso.- 2.- Copia da nova publicada o nove de Novembro de 2009, curiosidades do destino dia do aniversario da morte do poeta.

Cambados 12 de Novembro de 2009

¡¡¡MINI VACACIÓNS!!!

UNHA GRANDE CHEA COLLE CINCO DIAS DE VACACIÓNS.

Adivinade a onde vou de vacacións.

Este espazo web colle unhas minivacacións  dende o día 12 ate o 17 de novembro, polo tanto durante eses días non veredes publicada ningunha nova. O noso administrador vai facer unha pequena viaxe e algunha imaxe da mesma teredes. Se nos queredes enviar algo facelo igual, xa sabedes o noso correo unhagrandechea@hotmail.com. O día 18 de novembro seguiremos coma sempre informando do que nos parece interesante cultural e deportivamente no noso pobo. Ata a volta.

Cambados 11 de Novembro de 2009

II XUNTANZA DE AMIGOS DE CANLES GALEGAS YOU TUBE

ANIMAMOS OS "YOUTUBISTAS" DE CAMBADOS

Como sabedes o vindeiro día 21 de Novembro imos organizar a "II Xuntanza de Amigos de Canles Galegas You Tube" co programa de actos que consta na cabeceira deste espazo web, aínda que no faccebook moita xente confirmou a asistencia polo de agora ningún de Cambados confirmou “oficialmente” a súa presenza nin os actos nin a comida. Aínda estades a tempo para facelo, ou ben mandando un correo a unhagrandechea@hotmail.com ou chamando o telefono 626669562. ¡¡¡Animádevos!!!. O prezo de xantar é tirado.

Cambados 11 de Novembro de 2009

UNHA GRANDE CHEA INVITADA

A CONMEMORACIÓN DO 50 ANIVERSARIO DO FALECEMENTO DE RAMÓN CABANILLAS.

O DÍA 14 DE NOVEMBRO

Luis Rei, Luis Aragunde, Salvador Garcia Bodaño, Margarita ledo, Xosé Luis Mendez Ferrin, Dario Xohán Cabana, Francisco Fernández Rei, Xosé Ramón Barreiro e Xaquin Xesteira, protagonistas do acto.

Unha Grande Chea, foi invitada especialmente polo Presidente da Real Acadamia Galega D. Xosé Ramón Barreiro Fernández e polo Alcalde D. Luis Aragunde á conmemoración do 50 aniversario do falecemento de Ramón Cabanillas, con consta dos seguintes actos:

18.00 h.- Recepción da Real Academia Galega e das autoridades na Casa do Concello de Cambados.

18.30 h.-Ofrenda floral e poética diante do monumento de Ramón Cabanillas no paseo da Calzada. Actuación do grupo “Con de Xido”. Ofrenda Floral realizada polo Alcalde de Cambados  e o presidente da R.A.G. Lectura do poema “A Calzada de Cambados, por Aloia Insua Avión, estudante de primaria. Cortexo cívico desde o paseo da Calzada ao Auditorio da Xuventude.

19.00 h.- Sesión Plenaria extraordinaria e pública da Real Academia Galega no Auditorio da Xuventude. Presentación a Cargo de Luis Rei. Apertura do acto por Luis Aragunde, Alcalde Cambados. Discurso de Salvador Garcia Bodaño, académico numerario. Lectura de poemas por Margarita Ledo Andión, académica numeraria.  Discurso de Xosé Luis Méndez Ferrin, academico numerario. Lectura de Poemas por Dario Xohan Cabana, académico numerario. Discurso de Francisco Fernández Rei, académico numarario. Fecha a sesión académica Xosé Ramón Barreiro Fernández, Presidente da Real Academia Galega. Interpretación do Himno Galego polo gaiteiro e membro de Unha Grande Chea, Xaquin Xesteira.

Cambados 11 de Novembro de 2009

¡DESCARGAO XA¡

DESCARGA XA O SINGLE DO NOVO LP DE 5.0.4

Descarga xa o single do novo LP de 5.0.4 no seguinte link:

http://www.hhgroups.com/tema-269041/5... /  

http://www.galiciaflow.net/maketas/vai...  

Se queres cómpralo antes de que salga o disco, por só 0,99 € podes adquirilo en iTunes:

http://itunes.apple.com/é/album/504s

Escóitao en:

http://www.myspace.com/cincocerocuatro  

http://www.myspace.com/mitoescrito  

http://www.myspace.com/bronquitiscronica  

http://www.myspace.com/pablouve  

http://www.myspace.com/didaco  

http://www.myspace.com/djwebo   

http://www.myspace.com/kottomitoescrito  

http://www.myspace.com/peichsolo  

Estade atentos, falta xa moi pouco para que salga á venda o disco que non vai deixar indiferente a ninguén. Manterémosvos informados!

504 é un proxecto musical de recente creación, froito da alianza entre dous grupos anteriores, Bronquite Crónica e Mito Escrito, xa asentados no panorama galego. Estes grupos foron claros referentes da que pode ser denominada como a segunda xeración do rap galego, a cal abarca aos artistas musicais que inician a súa produción artística a partir do ano 2000.

A súa formación estrutúrase en 4 mc´s (cantantes) Bad, Didaco, Kotto e Peich; un dj, Webo; e un produtor musical, o beatmaker Pablo Uve, apoiado por Bad. Os seus integrantes son orixinarios tanto de Santiago de Compostela como de Cambados.

Logo de dar máis de 100 concertos ao longo da xeografía galega, compartir escenarios con artistas do panorama estatal, nas visitas destes a Galicia; e sacar ao público sete referencias ao longo desta década, con formatos de longo autoproducido; hoxe afrontan a publicación de 504, proxecto homónimo ao nome da nova agrupación, con formato de digipack autoproducido, pero desenvolvido a partir duns recursos, tanto técnicos como de comunicación, que o elevan a un acabado profesional.

O lanzamento da súa primeira referencia está previsto para Decembro de 2009 e está previsto adiantar os seus contidos, a modo de preview, mediante actuacións ao longo de todo o verán deste ano.

Cun son na liña do actual rap hardcore que produce exitosamente a escena estatal, 504 vén achegar ao panorama rap de Galicia a contundencia lírica de todos os seus integrantes, a diversidade derivada do seu formato e procedencia, uns contidos que oscilan entre o egotrip de corte lúdico, a subcultura hip-hop e certo intimismo existencialista. "

Recorda!: invita a todo o mundo aos eventos das diferentes redes sociais, escoita, descarga, copia, pega, distribúe, envía, postea, manda, comenta, báixao, súbeo, dillo, compra, propaga, queima... fai o que queiras co tema... que se decate ata a túa curmá!

Moi pronto o disco á venda en cada esquina, en iTunes... etc Aos poucos iremos adiantando tamén o material audiovisual.

Un saúdo!

5.0.4

www.cincocerocuatro.es